ਸਪੋਰਟਸ, 13 ਅਪ੍ਰੈਲ 2026: ਅੰਤਰਰਾਸ਼ਟਰੀ ਕ੍ਰਿਕਟ ਪ੍ਰੀਸ਼ਦ (ICC) ਨੇ ਮਹਿਲਾ ਟੀ-20 ਵਿਸ਼ਵ ਕੱਪ 2026 ਲਈ ਰਿਕਾਰਡ ਇਨਾਮੀ ਰਾਸ਼ੀ ਦਾ ਐਲਾਨ ਕੀਤਾ ਹੈ। ਇਹ ਟੂਰਨਾਮੈਂਟ ਹੁਣ ਸਿਰਫ਼ ਦੋ ਮਹੀਨੇ (60 ਦਿਨ) ਦੂਰ ਹੈ। ਖੇਡ ਦੀ ਵਿਸ਼ਵਵਿਆਪੀ ਪ੍ਰਬੰਧਕ ਸੰਸਥਾ ਨੇ ਪਹਿਲਾਂ ਆਉਣ ਵਾਲੇ ਟੂਰਨਾਮੈਂਟ ਲਈ ਇਨਾਮੀ ਰਾਸ਼ੀ ਦਾ ਐਲਾਨ ਕੀਤਾ ਸੀ।
ਕੁੱਲ ਇਨਾਮੀ ਰਾਸ਼ੀ $8,764,615 (82 ਕਰੋੜ ਰੁਪਏ) ਹੈ, ਜੋ ਕਿ 2024 ਦੇ ਐਡੀਸ਼ਨ ਤੋਂ 10 ਫੀਸਦੀ ਵੱਧ ਹੈ। 2024 ‘ਚ ਇਹ ਰਕਮ $7,958,077 (74 ਕਰੋੜ ਰੁਪਏ) ਸੀ। ਮਹੱਤਵਪੂਰਨ ਗੱਲ ਇਹ ਹੈ ਕਿ ਪਹਿਲੀ ਵਾਰ ਟੂਰਨਾਮੈਂਟ ‘ਚ 12 ਟੀਮਾਂ ਹਿੱਸਾ ਲੈਣਗੀਆਂ, ਜਦੋਂ ਕਿ ਪਿਛਲੀਆਂ 10 ਟੀਮਾਂ ਸਨ।
ਇਨਾਮ ਵੰਡ ਦੀ ਰਾਸ਼ੀ
ਜੇਤੂ ਟੀਮ: $2,340,000 (ਲਗਭਗ ₹21.8 ਕਰੋੜ)
ਉਪ-ਜੇਤੂ: $1,170,000 (ਲਗਭਗ ₹10 ਕਰੋੜ)
ਦੋਵੇਂ ਹਾਰਨ ਵਾਲੇ ਸੈਮੀਫਾਈਨਲਿਸਟ: $675,000 ਹਰੇਕ (ਲਗਭਗ ₹6.29 ਕਰੋੜ)
ਹਰੇਕ ਗਰੁੱਪ ਪੜਾਅ ਜਿੱਤ ਲਈ: $31,154 (ਲਗਭਗ ₹29 ਲੱਖ)
ਸਾਰੀਆਂ 12 ਟੀਮਾਂ ਲਈ ਘੱਟੋ-ਘੱਟ: $247,500 (ਲਗਭਗ ₹2.06 ਕਰੋੜ)
ਆਈ.ਸੀ.ਸੀ. ਦੇ ਸੀ.ਈ.ਓ. ਸੰਜੋਗ ਗੁਪਤਾ ਨੇ ਕਿਹਾ ਕਿ ਮਹਿਲਾ ਕ੍ਰਿਕਟ ਤੇਜ਼ੀ ਨਾਲ ਅੱਗੇ ਵਧ ਰਹੀ ਹੈ ਅਤੇ ਇੰਨੀ ਵਧੀ ਹੋਈ ਇਨਾਮੀ ਰਾਸ਼ੀ ਖੇਡ ਨੂੰ ਹੋਰ ਮਜ਼ਬੂਤ ਕਰੇਗੀ। ਉਨ੍ਹਾਂ ਇਹ ਵੀ ਕਿਹਾ ਕਿ ਟੂਰਨਾਮੈਂਟ ਦਾ ਵਿਸਥਾਰ ਅਤੇ ਵਧਦਾ ਨਿਵੇਸ਼ ਮਹਿਲਾ ਕ੍ਰਿਕਟ ਨੂੰ ਇੱਕ ਨਵੀਂ ਵਿਸ਼ਵਵਿਆਪੀ ਪਛਾਣ ਦੇ ਰਿਹਾ ਹੈ।
ਮਹਿਲਾ ਟੀ-20 ਵਿਸ਼ਵ ਕੱਪ 2026 12 ਜੂਨ ਤੋਂ ਸ਼ੁਰੂ ਹੋਵੇਗਾ। ਪਹਿਲਾ ਮੈਚ ਮੇਜ਼ਬਾਨ ਇੰਗਲੈਂਡ ਅਤੇ ਸ਼੍ਰੀਲੰਕਾ ਦੀਆਂ ਮਹਿਲਾ ਟੀਮਾਂ ਵਿਚਕਾਰ ਬਰਮਿੰਘਮ ਦੇ ਐਜਬੈਸਟਨ ਕ੍ਰਿਕਟ ਮੈਦਾਨ ‘ਤੇ ਖੇਡਿਆ ਜਾਵੇਗਾ। ਇਹ ਟੂਰਨਾਮੈਂਟ ਨਾ ਸਿਰਫ਼ ਖੇਡ ਗੁਣਵੱਤਾ ਦੇ ਮਾਮਲੇ ‘ਚ, ਸਗੋਂ ਦਰਸ਼ਕਾਂ ਅਤੇ ਮੀਡੀਆ ਦੇ ਧਿਆਨ ਦੇ ਮਾਮਲੇ ਵਿੱਚ ਵੀ ਨਵੇਂ ਰਿਕਾਰਡ ਕਾਇਮ ਕਰ ਸਕਦਾ ਹੈ।
Read More: RCB ਬਨਾਮ MI: ਵਿਰਾਟ ਕੋਹਲੀ ਨੇ ਬਾਬਰ ਆਜ਼ਮ ਤੇ ਗੇਲ ਨੂੰ ਪਛਾੜਿਆ, ਰੋਹਿਤ ਸ਼ਰਮਾ ਦੀ 6000 ਦੌੜਾਂ ਪੂਰੀਆਂ
