ਹਰਿਆਣਾ, 23 ਫਰਵਰੀ 2026: ਹਰਿਆਣਾ ਦੇ ਖੇਡ ਰਾਜ ਮੰਤਰੀ ਗੌਰਵ ਗੌਤਮ ਨੇ ਕਿਹਾ ਕਿ 31 ਦਸੰਬਰ, 2022 ਤੱਕ ਦੇ ਸਾਰੇ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਮੁਕਾਬਲਿਆਂ ਲਈ ਨਕਦ ਇਨਾਮੀ ਰਾਸ਼ੀ ਯੋਗ ਹਰਿਆਣਾ ਦੇ ਐਥਲੀਟਾਂ ਨੂੰ ਵੰਡ ਦਿੱਤੀ ਗਈ ਹੈ। ਇਸ ਤੋਂ ਇਲਾਵਾ, 2023, 2024 ਅਤੇ 2025 ਓਲੰਪਿਕ, ਪੈਰਾਲੰਪਿਕ ਅਤੇ ਰਾਸ਼ਟਰੀ ਖੇਡਾਂ ਦੇ ਮੁਕਾਬਲਿਆਂ ਲਈ ਨਕਦ ਇਨਾਮੀ ਰਾਸ਼ੀ ਵੀ ਬਿਨਾਂ ਦੇਰੀ ਦੇ ਵੰਡ ਦਿੱਤੀ ਗਈ ਹੈ।
ਇਸਦੇ ਨਾਲ ਹੀ 2023, 2024 ਅਤੇ 2025 ਲਈ ਬਾਕੀ ਬਚੀ ਨਕਦ ਇਨਾਮੀ ਰਾਸ਼ੀ ਵੀ ਯੋਗ ਐਥਲੀਟਾਂ ਨੂੰ ਛੇਤੀ ਹੀ ਵੰਡ ਦਿੱਤੀ ਜਾਵੇਗੀ। ਕੋਚ ਪੁਰਸਕਾਰ ਲਈ ਕੁੱਲ 52 ਅਰਜ਼ੀਆਂ ਪ੍ਰਾਪਤ ਹੋਈਆਂ ਸਨ, ਜਿਨ੍ਹਾਂ ‘ਚੋਂ ਕੁੱਲ ₹3.56 ਕਰੋੜ ਦੀ ਰਕਮ 31 ਯੋਗ ਕੋਚਾਂ ਨੂੰ ਵੰਡੀ ਹੈ। ਮੰਤਰੀ ਗੌਰਵ ਗੌਤਮ ਅੱਜ ਹਰਿਆਣਾ ਵਿਧਾਨ ਸਭਾ ਦੇ ਬਜਟ ਸੈਸ਼ਨ ਦੌਰਾਨ ਸਦਨ ਦੇ ਇੱਕ ਮੈਂਬਰ ਦੁਆਰਾ ਪੁੱਛੇ ਗਏ ਇੱਕ ਸਵਾਲ ਦਾ ਜਵਾਬ ਦੇ ਰਹੇ ਸਨ।
ਗੌਰਵ ਗੌਤਮ ਨੇ ਕਿਹਾ ਕਿ ਹਰਿਆਣਾ ‘ਚ ਯੋਗ ਵਿਦਿਆਰਥੀ ਐਥਲੀਟਾਂ ਨੂੰ ਉਨ੍ਹਾਂ ਦੇ ਸਬੰਧਤ ਅਕਾਦਮਿਕ ਸੈਸ਼ਨ ਪੂਰੇ ਹੋਣ ‘ਤੇ ਵਜ਼ੀਫ਼ੇ ਦਿੱਤੇ ਜਾਂਦੇ ਹਨ। ਸਰਕਾਰ ਨੇ 2023-24 ਅਕਾਦਮਿਕ ਸਾਲ ਲਈ ਵਜ਼ੀਫ਼ੇ ਜਾਰੀ ਕਰ ਦਿੱਤੇ ਹਨ, ਅਤੇ 2024-25 ਅਕਾਦਮਿਕ ਸਾਲ ਲਈ ਜਾਂਚ ਅੰਤਿਮ ਪੜਾਅ ‘ਚ ਹੈ ਅਤੇ ਛੇਤੀ ਹੀ ਜਾਰੀ ਕੀਤੀ ਜਾਵੇਗੀ।
ਇਸਦੇ ਨਾਲ ਹੀ 2019 ਤੋਂ 2023-24 ਤੱਕ 14,306 ਐਥਲੀਟਾਂ ਨੂੰ ₹44.74 ਕਰੋੜ ਦੀ ਰਕਮ ਵੰਡੀ ਗਈ ਹੈ। ਇਸ ਤੋਂ ਇਲਾਵਾ 1 ਜੁਲਾਈ, 2024 ਤੋਂ, ਸਰਕਾਰ ਨੇ ਯੋਗ ਐਥਲੀਟਾਂ ਨੂੰ ਨਕਦ ਪੁਰਸਕਾਰਾਂ ਦੀ ਸਮੇਂ ਸਿਰ ਅਤੇ ਸੁਚਾਰੂ ਵੰਡ ਨੂੰ ਯਕੀਨੀ ਬਣਾਉਣ ਲਈ ਇੱਕ ਔਨਲਾਈਨ ਪੋਰਟਲ ਸ਼ੁਰੂ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਸਰਕਾਰ ਯੋਗ ਐਥਲੀਟਾਂ ਨੂੰ ਸਾਲਾਨਾ ਨਕਦ ਪੁਰਸਕਾਰ ਪ੍ਰਦਾਨ ਕਰਦੀ ਹੈ, ਮਹੀਨਾਵਾਰ ਨਹੀਂ। ਇਸਦੇ ਨਾਲ ਹੀ 2019 ਤੋਂ ਹੁਣ ਤੱਕ, 8,234 ਐਥਲੀਟਾਂ ਨੂੰ ₹491.22 ਕਰੋੜ ਵੰਡੇ ਗਏ ਹਨ।
Read More: ਹਸਪਤਾਲ ਆਰਥਿਕ ਤੌਰ ‘ਤੇ ਕਮਜ਼ੋਰ ਵਰਗਾਂ ਲਈ ਮੁਫ਼ਤ ਇਲਾਜ ਲਈ 10 ਫੀਸਦੀ ਬਿਸਤਰੇ ਰਾਖਵੇਂ ਰੱਖਣਗੇ: ਕ੍ਰਿਸ਼ਨ ਕੁਮਾਰ ਬੇਦੀ
