ਪੱਛਮੀ ਬੰਗਾਲ/ਤਾਮਿਲਨਾਡੂ, 23 ਅਪ੍ਰੈਲ 2026: Assembly Election 2026: ਪੱਛਮੀ ਬੰਗਾਲ ਅਤੇ ਤਾਮਿਲਨਾਡੂ ‘ਚ ਵੋਟਿੰਗ ਪ੍ਰਕਿਰਿਆ ਜਾਰੀ ਹੈ | ਚੋਣ ਕਮਿਸ਼ਨ ਵੱਲੋਂ ਸਵੇਰੇ 11 ਵਜੇ ਤੱਕ ਜਾਰੀ ਕੀਤੇ ਗਏ ਅੰਕੜਿਆਂ ਮੁਤਾਬਕ, ਪੱਛਮੀ ਬੰਗਾਲ ‘ਚ 41.11 ਫੀਸਦੀ ਅਤੇ ਤਾਮਿਲਨਾਡੂ ‘ਚ 37.56 ਫੀਸਦੀ ਵੋਟਿੰਗ ਹੋਈ।
ਮੁਰਸ਼ੀਦਾਬਾਦ ਜ਼ਿਲ੍ਹੇ ਦੇ ਨਾਔਦਾ ਖੇਤਰ ‘ਚ ਇੱਕ ਹਿੰਸਕ ਘਟਨਾ ਵਾਪਰੀ ਹੈ। ਰਿਪੋਰਟਾਂ ਮੁਤਾਬਕ, ਅਣਪਛਾਤੇ ਵਿਅਕਤੀਆਂ ਨੇ ਵੋਟ ਪਾਉਣ ਤੋਂ ਪਹਿਲਾਂ ਦੇਸ਼ੀ ਬੰਬ ਸੁੱਟੇ, ਜਿਸ ਨਾਲ ਕਈ ਲੋਕ ਜ਼ਖਮੀ ਹੋ ਗਏ। ਇਸ ਘਟਨਾ ਨੇ ਇਲਾਕੇ ‘ਚ ਦਹਿਸ਼ਤ ਪੈਦਾ ਕਰ ਦਿੱਤੀ। ਪੁਲਿਸ ਨੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ ਅਤੇ ਹੋਰ ਜਾਣਕਾਰੀ ਦੀ ਉਡੀਕ ਕਰ ਰਹੀ ਹੈ।
ਚੋਣ ਕਮਿਸ਼ਨ ਨੇ ਨਾਔਦਾ ‘ਚ ਵਾਪਰੀ ਘਟਨਾ ਸਬੰਧੀ ਜ਼ਿਲ੍ਹਾ ਮੈਜਿਸਟ੍ਰੇਟ (ਡੀਐਮ) ਅਤੇ ਜ਼ਿਲ੍ਹਾ ਚੋਣ ਅਧਿਕਾਰੀ (ਡੀਈਓ) ਤੋਂ ਰਿਪੋਰਟ ਮੰਗੀ ਹੈ। ਇਹ ਮਾਮਲਾ ਆਮ ਜਨਤਾ ਉੱਨਤੀ ਪਾਰਟੀ (ਏਯੂਜੇਪੀ) ਦੇ ਸੰਸਥਾਪਕ ਹੁਮਾਯੂੰ ਕਬੀਰ ਅਤੇ ਟੀਐਮਸੀ ਵਰਕਰਾਂ ਵਿਚਕਾਰ ਤਣਾਅਪੂਰਨ ਸਥਿਤੀ ਨਾਲ ਸਬੰਧਤ ਹੈ। ਚੋਣ ਕਮਿਸ਼ਨ ਦੇ ਅਧਿਕਾਰੀਆਂ ਨੇ ਬੇਨਤੀ ਕੀਤੀ ਹੈ ਕਿ ਜਾਂਚ ਰਿਪੋਰਟ ਜਲਦੀ ਪੇਸ਼ ਕੀਤੀ ਜਾਵੇ ਤਾਂ ਜੋ ਲੋੜੀਂਦੀ ਕਾਰਵਾਈ ਕੀਤੀ ਜਾ ਸਕੇ।
ਪੱਛਮੀ ਬੰਗਾਲ ਚੋਣਾਂ 2026 ਦੌਰਾਨ, ਸਿਲੀਗੁੜੀ ਵਿਧਾਨ ਸਭਾ ਹਲਕੇ ‘ਚ ਟੀਐਮਸੀ ਸਮਰਥਕਾਂ ਅਤੇ ਭਾਜਪਾ ਉਮੀਦਵਾਰ ਸ਼ੰਕਰ ਘੋਸ਼ ਦੇ ਸਮਰਥਕਾਂ ਵਿਚਕਾਰ ਝਗੜਾ ਹੋ ਗਿਆ। ਇਹ ਘਟਨਾ ਜਗਦੀਸ਼ ਚੰਦਰ ਵਿਦਿਆਪੀਠ ਦੇ ਬੂਥ ਨੰਬਰ 26/237 ‘ਤੇ ਵਾਪਰੀ, ਜਿੱਥੇ ਦੋਵਾਂ ਧਿਰਾਂ ਵਿਚਕਾਰ ਤਣਾਅਪੂਰਨ ਸਥਿਤੀ ਪੈਦਾ ਹੋ ਗਈ।
ਪੱਛਮੀ ਬੰਗਾਲ ਚੋਣਾਂ 2026 ਦੌਰਾਨ ਮੁਰਸ਼ੀਦਾਬਾਦ ਵਿੱਚ ਤਣਾਅ ਦੇਖਣ ਨੂੰ ਮਿਲਿਆ, ਜਿੱਥੇ ਟੀਐਮਸੀ ਵਰਕਰਾਂ ਅਤੇ ਆਮ ਜਨਤਾ ਉੱਨਤੀ ਪਾਰਟੀ (ਏਯੂਜੇਪੀ) ਦੇ ਸੰਸਥਾਪਕ ਹੁਮਾਯੂੰ ਕਬੀਰ ਵਿਚਕਾਰ ਝੜੱਪ ਹੋ ਗਈ। ਰਿਪੋਰਟਾਂ ਮੁਤਾਬਕ, ਹੁਮਾਯੂੰ ਕਬੀਰ ਉਸ ਇਲਾਕੇ ਦਾ ਦੌਰਾ ਕਰਨ ਆਏ ਸਨ ਜਿੱਥੇ ਇੱਕ ਦਿਨ ਪਹਿਲਾਂ ਦੇਸੀ ਬੰਬ ਦੀ ਘਟਨਾ ਵਾਪਰੀ ਸੀ। ਇਸ ਦੌਰਾਨ, ਦੋਵਾਂ ਧਿਰਾਂ ਵਿਚਕਾਰ ਬਹਿਸ ਵੱਧ ਗਈ ਅਤੇ ਝੜੱਪ ਹੋ ਗਈ।
Read More: ਭਾਰਤੀ ਚੋਣ ਕਮਿਸ਼ਨ ਵੱਲੋਂ ਤਾਮਿਲਨਾਡੂ ਤੇ ਪੱਛਮੀ ਬੰਗਾਲ ਵਿਧਾਨ ਸਭਾ ਚੋਣਾਂ ਲਈ ਸਖ਼ਤ ਨਿਰਦੇਸ਼ ਜਾਰੀ
