CM ਮਮਤਾ ਬੈਨਰਜੀ ਦੀ ਮਹਾਂਕੁੰਭ ‘ਤੇ ਟਿੱਪਣੀ ਦਾ ਮੁੱਦਾ ਭਖਿਆ, ਭਾਜਪਾ ਨੇ ਕਿਹਾ- “ਇਹ ਹਮੇਸ਼ਾ ਦੇਸ਼ ਦੇ ਵਿਰੁੱਧ ਬੋਲਦੇ ਹਨ”

Jony
ਫਰਵਰੀ 19, 2025
1:51 ਬਾਃ ਦੁਃ

ਚੰਡੀਗੜ੍ਹ, 19 ਫਰਵਰੀ 2025: Mahakumbh Mela 2025: ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ (CM Mamata Banerjee) ਦੀ ਮਹਾਂਕੁੰਭ 2025 ਲਈ ‘ਮ੍ਰਿਤਿਊ ਕੁੰਭ’ ਵਾਲੀ ਟਿੱਪਣੀ ‘ਤੇ ਰਾਜਸਥਾਨ ਦੇ ਭਾਜਪਾ ਵਿਧਾਇਕ ਸਵਾਮੀ ਬਾਲਮੁਕੁੰਦਚਾਰੀਆ ਨੇ ਕਿਹਾ ਕਿ “ਇਹ ਮੰਦਭਾਗਾ ਹੈ | ਇਹ ਹਮੇਸ਼ਾ ਦੇਸ਼ ਦੇ ਵਿਰੁੱਧ ਬੋਲਦੇ ਹਨ – ਭਾਵੇਂ ਉਹ ਮਮਤਾ ਬੈਨਰਜੀ ਹੋਵੇ, ਰਾਹੁਲ ਗਾਂਧੀ ਹੋਵੇ ਜਾਂ ਫਿਰ ਉਨ੍ਹਾਂ ਦੇ ਸਾਥੀ ਹੋਣ। ਇਹ ਲੋਕ ਸੋਚਦੇ ਹਨ ਕਿ ਉਹ ਭਾਰਤ ਦੀ ਸੰਸਕ੍ਰਿਤੀ, ਪਰੰਪਰਾ ਅਤੇ ਸਨਾਤਨ ਦੇ ਵਿਰੁੱਧ ਬੋਲ ਕੇ ਲੋਕਾਂ ਦਾ ਪਿਆਰ ਜਿੱਤ ਸਕਦੇ ਹਨ।

ਉਨ੍ਹਾਂ ਕਿਹਾ ਕਿ ਮਮਤਾ ਬੈਨਰਜੀ ਨੇ ਕੁੰਭ ਦਾ ਅਪਮਾਨ ਕੀਤਾ ਹੈ ਅਤੇ ਸਾਡੇ ਦੇਵਤਿਆਂ ਅਤੇ ਨਦੀਆਂ ਪ੍ਰਤੀ ਸਾਡੀਆਂ ਭਾਵਨਾਵਾਂ ਨੂੰ ਠੇਸ ਪਹੁੰਚਾਈ ਹੈ। ਭਾਰਤ ਦੇ ਲੋਕ ਇਹ ਦੇਖ ਰਹੇ ਹਨ। ਆਉਣ ਵਾਲੇ ਸਮੇਂ ‘ਚ, ਟੀਐਮਸੀ ਦਾ ਸਫਾਇਆ ਹੋ ਜਾਵੇਗਾ, ਜਿਵੇਂ ਕਾਂਗਰਸ ਦਾ ਸਫਾਇਆ ਹੋ ਗਿਆ ਹੈ। ਉਨ੍ਹਾਂ ਨੇ ਸਨਾਤਨ ਦਾ ਅਪਮਾਨ ਕੀਤਾ ਹੈ।”

ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਦੇ ਮਹਾਂਕੁੰਭ 2025 (Mahakumbh Mela 2025) ਲਈ ‘ਮ੍ਰਿਤਿਊ ਕੁੰਭ’ ਵਾਲੇ ਬਿਆਨ ‘ਤੇ, ਉੱਤਰ ਪ੍ਰਦੇਸ਼ ਦੇ ਉਪ ਮੁੱਖ ਮੰਤਰੀ ਬ੍ਰਜੇਸ਼ ਪਾਠਕ ਨੇ ਕਿਹਾ, “ਮਮਤਾ ਬੈਨਰਜੀ ਦਾ ਬਿਆਨ ਬਹੁਤ ਨਿੰਦਣਯੋਗ ਹੈ। ਇਸਦੀ ਜਿੰਨੀ ਨਿੰਦਾ ਕੀਤੀ ਜਾਵੇ ਉਹ ਘੱਟ ਹੈ। ਵਿਰੋਧੀ ਧਿਰ ਦੇ ਨੇਤਾ ਸਿਰਫ਼ ਤੁਸ਼ਟੀਕਰਨ ਦੀ ਰਾਜਨੀਤੀ ਤਹਿਤ ਮੁਸਲਮਾਨਾਂ ਨੂੰ ਖੁਸ਼ ਕਰਨ ਲਈ ਬਿਆਨ ਦੇ ਰਹੇ ਹਨ। ਸਮਾਂ ਆਉਣ ‘ਤੇ ਜਨਤਾ ਇਸਦਾ ਢੁਕਵਾਂ ਜਵਾਬ ਦੇਵੇਗੀ। ਪੱਛਮੀ ਬੰਗਾਲ ‘ਚ ਮਮਤਾ ਬੈਨਰਜੀ ਦਾ ਸਫਾਇਆ ਹੋ ਜਾਵੇਗਾ।”

ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਦੇ ਮਹਾਂਕੁੰਭ 2025 ਲਈ ‘ਮ੍ਰਿਤਿਊ ਕੁੰਭ’ ਵਾਲੇ ਬਿਆਨ ‘ਤੇ, ਉੱਤਰ ਪ੍ਰਦੇਸ਼ ਦੇ ਉਪ ਮੁੱਖ ਮੰਤਰੀ ਕੇਸ਼ਵ ਪ੍ਰਸਾਦ ਮੌਰਿਆ ਨੇ ਕਿਹਾ ਕਿ “ਇਹ ਕਰੋੜਾਂ ਹਿੰਦੂਆਂ ਦਾ ਅਪਮਾਨ ਹੈ। ਇਹ ਉਨ੍ਹਾਂ ਲੋਕਾਂ ਦਾ ਨਿਰਾਦਰ ਹੈ ਜੋ ਭਾਰਤੀ ਸੱਭਿਆਚਾਰ ਵਿੱਚ ਵਿਸ਼ਵਾਸ ਰੱਖਦੇ ਹਨ।

ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਦੇ ‘ਮ੍ਰਿਤਿਊ ਕੁੰਭ’ ਬਿਆਨ ‘ਤੇ, ਸਪਾ ਮੁਖੀ ਅਖਿਲੇਸ਼ ਯਾਦਵ ਨੇ ਕਿਹਾ ਕਿ “ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੇ ਸਹੀ ਗੱਲ ਕਹੀ। ਉਨ੍ਹਾਂ ਦੇ ਸੂਬੇ ਦੇ ਲੋਕਾਂ ਨੇ ਵੀ ਆਪਣੀਆਂ ਜਾਨਾਂ ਗੁਆ ਦਿੱਤੀਆਂ ਹਨ, ਬੰਗਾਲ ਅਤੇ ਹੋਰ ਸੂਬਿਆਂ ਦੇ ਵੱਡੀ ਗਿਣਤੀ’ਚ ਲੋਕ ਮਾਰੇ ਗਏ ਹਨ। ਐਫਆਈਆਰ ਵੀ ਦਰਜ ਨਹੀਂ ਕੀਤੀਆਂ ਜਾ ਰਹੀਆਂ ਹਨ।”