ਚੰਡੀਗੜ੍ਹ, 21 ਅਕਤੂਬਰ 2026: AUS ਬਨਾਮ SA: ਦੱਖਣੀ ਅਫਰੀਕਾ ਆਸਟ੍ਰੇਲੀਆ ਖ਼ਿਲਾਫ ਦੂਜੇ ਟੈਸਟ ਮੈਚ ‘ਚ ਮਜ਼ਬੂਤ ਸਥਿਤੀ ‘ਚ ਹੈ। ਟੀਮ ਨੇ ਤੀਜੇ ਦਿਨ 9 ਵਿਕਟਾਂ ‘ਤੇ 425 ਦੌੜਾਂ ‘ਤੇ ਆਪਣੀ ਪਾਰੀ ਘੋਸ਼ਿਤ ਕੀਤੀ। ਇਸਦੇ ਜਵਾਬ ‘ਚ ਆਸਟ੍ਰੇਲੀਆ ਨੇ ਦਿਨ ਦੀ ਖੇਡ ਖਤਮ ਹੋਣ ਤੱਕ 4 ਦੌੜਾਂ ‘ਤੇ 1 ਵਿਕਟ ਗੁਆ ਦਿੱਤੀ ਸੀ।
ਮੰਗਲਵਾਰ ਨੂੰ ਕਪਤਾਨ ਤੇਂਬਾ ਬਾਵੁਮਾ ਨੇ ਗਕੇਬਾਰਾ ਵਿਖੇ 179 ਦੌੜਾਂ ਬਣਾਈਆਂ। ਮਾਰਕੋ ਯਾਨਸਨ ਨੇ 85 ਦੌੜਾਂ ਬਣਾਈਆਂ। ਸਾਈਮਨ ਹਾਰਮਰ ਨੇ 82 ਦੌੜਾਂ ਦਾ ਯੋਗਦਾਨ ਪਾਇਆ। ਬਾਵੁਮਾ ਨੇ ਟੈਸਟ ਕ੍ਰਿਕਟ ‘ਚ ਆਪਣਾ ਸਭ ਤੋਂ ਵੱਧ ਵਿਅਕਤੀਗਤ ਸਕੋਰ ਬਣਾਇਆ। ਇਹ ਆਸਟ੍ਰੇਲੀਆ ਵਿਰੁੱਧ ਉਸਦਾ ਪਹਿਲਾ ਸੈਂਕੜਾ ਅਤੇ ਟੈਸਟ ਕ੍ਰਿਕਟ ‘ਚ ਉਸਦਾ ਪੰਜਵਾਂ ਸੈਂਕੜਾ ਵੀ ਸੀ।
ਪਿੱਚ ‘ਤੇ ਬੱਲੇਬਾਜ਼ੀ ਕਰਨਾ ਆਸਾਨ ਨਹੀਂ ਸੀ। ਗੇਂਦਬਾਜ਼ਾਂ ਨੂੰ ਮੱਦਦ ਮਿਲ ਰਹੀ ਸੀ ਅਤੇ ਦੱਖਣੀ ਅਫਰੀਕਾ ਨੇ 110 ਦੌੜਾਂ ‘ਤੇ 6 ਵਿਕਟਾਂ ਗੁਆ ਦਿੱਤੀਆਂ ਸਨ। ਬਾਵੁਮਾ ਨੇ ਜ਼ਿੰਮੇਵਾਰੀ ਸੰਭਾਲੀ ਅਤੇ ਆਪਣਾ ਸੈਂਕੜਾ ਪੂਰਾ ਕੀਤਾ। ਫਿਰ ਉਨ੍ਹਾਂ ਨੇ ਪਾਰੀ ਨੂੰ ਸਥਿਰ ਕੀਤਾ ਅਤੇ 179 ਦੌੜਾਂ ਤੱਕ ਪਹੁੰਚਾਇਆ, ਜੋ ਕਿ ਆਸਟ੍ਰੇਲੀਆ ਵਿਰੁੱਧ ਦੱਖਣੀ ਅਫਰੀਕਾ ਦੇ ਕਪਤਾਨ ਦਾ ਸਭ ਤੋਂ ਵੱਧ ਟੈਸਟ ਸਕੋਰ ਹੈ।
ਮਾਰਕੋ ਯਾਨਸਨ ਨੇ ਬਾਵੁਮਾ ਨਾਲ ਸੱਤਵੀਂ ਵਿਕਟ ਲਈ 132 ਦੌੜਾਂ ਜੋੜੀਆਂ। ਯਾਂਸਨ ਨੇ 100 ਗੇਂਦਾਂ ‘ਤੇ 85 ਦੌੜਾਂ ਬਣਾਈਆਂ, ਜਿਸ ‘ਚ 9 ਚੌਕੇ ਅਤੇ 3 ਛੱਕੇ ਸ਼ਾਮਲ ਸਨ। ਜਦੋਂ ਬਾਵੁਮਾ ਸਾਵਧਾਨੀ ਨਾਲ ਖੇਡਿਆ, ਯਾਂਸਨ ਨੇ ਆਸਟ੍ਰੇਲੀਆਈ ਗੇਂਦਬਾਜ਼ਾਂ ‘ਤੇ ਜਵਾਬੀ ਹਮਲਾ ਕੀਤਾ। ਉਨ੍ਹਾਂ ਨੇ ਮਿਸ਼ੇਲ ਸਟਾਰਕ ਦੇ ਇੱਕ ਓਵਰ ‘ਚ ਤਿੰਨ ਚੌਕੇ ਲਗਾਏ ਅਤੇ ਸਕਾਟ ਬੋਲੈਂਡ ਦੇ ਵੱਡੇ ਸ਼ਾਟ ਵੀ ਖੇਡੇ।
ਯਾਂਸਨ ਦੇ ਆਊਟ ਹੋਣ ਤੋਂ ਬਾਅਦ, ਸਾਈਮਨ ਹਾਰਮਰ ਬਾਵੁਮਾ ਨਾਲ ਜੁੜ ਗਿਆ। ਦੋਵਾਂ ਨੇ ਅੱਠਵੀਂ ਵਿਕਟ ਲਈ 183 ਦੌੜਾਂ ਦੀ ਸਾਂਝੇਦਾਰੀ ਕੀਤੀ, ਜਿਸ ‘ਚ ਹਾਰਮਰ ਨੇ 82 ਦੌੜਾਂ ਬਣਾਈਆਂ।
Read More: AUS ਬਨਾਮ SA: ਦੂਜੇ ਟੈਸਟ ‘ਚ ਦੱਖਣੀ ਅਫਰੀਕਾ ਦੀ ਅੱਧੀ ਟੀਮ 97 ਦੌੜਾਂ ‘ਤੇ ਆਊਟ, ਸਕਾਟ ਬੋਲੈਂਡ ਨੇ ਝਟਕੇ 4 ਵਿਕਟ
