ਅੰਮ੍ਰਿਤਸਰ, 11 ਮਾਰਚ 2025: ਅੰਮ੍ਰਿਤਸਰ ‘ਚ ਅਵਾਰਾ ਕੁੱਤਿਆਂ (Stray dogs) ਦੀ ਵੱਧ ਰਹੀ ਗਿਣਤੀ ਲੋਕਾਂ ਲਈ ਵੱਡੀ ਸਮੱਸਿਆ ਬਣਦੀ ਹੋਈ ਨਜ਼ਰ ਆ ਰਹੀ ਹੈ। ਇਹ ਅਵਾਰਾ ਕੁੱਤੇ ਕਿਸੇ ਵੇਲੇ ਪੈਦਲ ਜਾ ਰਹੇ ਰਾਹਗੀਰਾਂ ਜਾਂ ਬੱਚਿਆਂ ਨੂੰ ਵੀ ਪੈ ਜਾਂਦੇ ਹਨ। ਦੂਜੇ ਪਾਸੇ ਅੰਮ੍ਰਿਤਸਰ ਦੇ ਥਾਣਾ ਬੀ-ਡਿਵੀਜ਼ਨ ਅਧੀਨ ਇਲਾਕਿਆਂ ‘ਚ ਇੱਕ ਹੇਰਾਂ ਕਰ ਦੇਣਾ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ।
ਕਲੋਨੀ ਦੀਆਂ ਦੋ ਗਲੀਆਂ ‘ਚੋਂ ਦੋ ਅਵਾਰਾ ਕੁੱਤੇ ਗਾਇਬ ਹੋਣ ਤੋਂ ਬਾਅਦ ਐਨੀਮਲ ਵੈਲਫੇਅਰ ਸੰਸਥਾ ਵੱਲੋਂ ਅੰਮ੍ਰਿਤਸਰ ਥਾਣਾ ਬੀ-ਡਿਵੀਜ਼ਨ ਦੀ ਪੁਲਿਸ ਨੂੰ ਦਰਖਾਸਤ ਦਿੱਤੀ ਗਈ ਹੈ। ਇਸ ਸਬੰਧੀ ਐਨੀਮਲ ਵੈਲਫੇਅਰ ਸੰਸਥਾ ਦੇ ਆਗੂਆਂ ਨੇ ਮੀਡੀਆ ਨੂੰ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਥਾਣਾ ਬੀ-ਡਿਵੀਜ਼ਨ ਅਧੀਨ ਆਉਂਦੇ ਇਲਾਕੇ ਉੱਤਮ ਗੜ ਕਲੋਨੀ ‘ਚ ਇੱਕ ਗਲੀ ਦੇ ਵਿੱਚ ਪੰਜ ਅਵਾਰਾ ਕੁੱਤੇ ਸਨ ਅਤੇ ਉਹਨਾਂ ਕੁੱਤਿਆਂ ਨੂੰ ਗਲੀ ‘ਚ ਰਹਿੰਦੇ ਕੁਝ ਲੋਕ ਭਜਾਣਾ ਚਾਹੁੰਦੇ ਸਨ ਜਿਸਨੂੰ ਲੈ ਕੇ ਉਹਨਾਂ ਨੇ ਕੁਝ ਦਿਨ ਪਹਿਲਾਂ ਵੀ ਥਾਣਾ ਬੀ-ਡਵਿਜ਼ਨ ਦੀ ਪੁਲਿਸ ਨੂੰ ਦਰਖਾਸਤ ਦਿੱਤੀ ਸੀ।
ਉਸ ਸਮੇਂ ਗਲੀ ‘ਚ ਰਹਿੰਦੇ ਲੋਕਾਂ ਦੇ ਨਾਲ ਬੈਠ ਕੇ ਸਾਡਾ ਰਾਜ਼ੀਨਾਮਾ ਹੋ ਗਿਆ ਸੀ ਲੇਕਿਨ ਕੁਝ ਦਿਨ ਬਾਅਦ ਗਲੀ ‘ਚ ਰਹਿੰਦੇ ਲੋਕਾਂ ਵੱਲੋਂ ਦੋ ਅਵਾਰਾ ਕੁੱਤਿਆਂ (Stray dogs) ਨੂੰ ਉਥੋਂ ਗਾਇਬ ਕਰ ਦਿੱਤਾ ਗਿਆ | ਜਿਸਦਾ ਕਿ ਸਾਨੂੰ ਹੁਣ ਪਤਾ ਚੱਲਿਆ ‘ਤੇ ਸਾਡੀ ਸੰਸਥਾ ਵੱਲੋਂ ਥਾਣਾ ਬੀ-ਡਿਵੀਜ਼ਨ ਦੀ ਪੁਲਿਸ ਨੂੰ ਦਰਖਾਸਤ ਦਿੱਤੀ ਹੈ।
ਉੱਥੇ ਹੀ ਐਨੀਮਲ ਵੈਲਫੇਅਰ ਸੰਸਥਾ ਦੇ ਆਗੂਆਂ ਨੇ ਦੱਸਿਆ ਕਿ ਸਾਨੂੰ ਸ਼ੱਕ ਹੈ ਕਿ ਗਲੀ ‘ਚ ਰਹਿੰਦੇ ਲੋਕਾਂ ਨੇ ਉਹਨਾਂ ਦੋ ਕੁੱਤਿਆਂ ਨੂੰ ਮਾਰ ਦਿੱਤਾ ਹੈ ਜਾਂ ਕਿਤੇ ਦੂਰ ਸੁੱਟ ਦਿੱਤਾ ਹੈ। ਜਿਸ ਨਾਲ ਕਿ ਉਹਨਾਂ ਦੀ ਜਾਨ ਨੂੰ ਖਤਰਾ ਬਣ ਸਕਦਾ ਹੈ। ਉਨ੍ਹਾਂ ਕਿਹਾ ਕਿ ਅਸੀਂ ਚਾਹੁੰਦੇ ਹਾਂ ਕਿ ਉਹਨਾਂ ਕੁੱਤਿਆਂ ਨੂੰ ਵਾਪਸ ਉਸੇ ਗਲੀ ‘ਚ ਲਿਆਂਦਾ ਜਾਵੇ ਜਾਂ ਫਿਰ ਪੁਲਿਸ ਵੱਲੋਂ ਇਹਨਾਂ ਲੋਕਾਂ ਦੇ ਖਿਲਾਫ਼ ਬਣਦੀ ਕਾਰਵਾਈ ਕੀਤੀ ਜਾਵੇ।
ਦੂਜੇ ਪਾਸੇ ਥਾਣਾ ਬੀ-ਡਿਵੀਜ਼ਨ ਦੇ ਐਸਐਚ ਓ ਸੁਖਬੀਰ ਸਿੰਘ ਨੇ ਦੱਸਿਆ ਕਿ ਕੁਝ ਦਿਨ ਪਹਿਲਾਂ ਵੀ ਉਹਨਾਂ ਨੂੰ ਦਰਖਾਸਤ ਮਿਲੀ ਸੀ ਕਿ ਰਿਹਾਇਸ਼ੀ ਇਲਾਕੇ ਦੇ ‘ਚ ਪੰਜ ਅਵਾਰਾ ਕੁੱਤਿਆਂ ਦੇ ‘ਚੋਂ ਦੋ ਅਵਾਰਾ ਕੁੱਤਿਆਂ ਦੇ ਗਾਇਬ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਸੀ। ਉਸ ਮਾਮਲੇ ‘ਚ ਜਾਂਚ ਚੱਲ ਰਹੀ ਹੈ | ਉੱਥੇ ਉਹਨਾਂ ਨੇ ਕਿਹਾ ਕਿ ਐਨੀਮਲ ਵੈਲਫੇਅਰ ਸੰਸਥਾ ਦਾ ਕਹਿਣਾ ਹੈ ਕਿ ਇਹਨਾਂ ਨੇ ਦੋ ਕੁੱਤੇ ਕਿਤੇ ਦੂਰ ਸੁੱਟੇ ਹਨ | ਉਹਨਾਂ ਦੱਸਿਆ ਕਿ ਪੁਲਿਸ ਇਸ ਮਾਮਲੇ ‘ਚ ਜਾਂਚ ਕਰ ਰਹੀ ਹੈ ‘ਤੇ ਇਹ ਸਾਰਾ ਮਾਮਲਾ ਸੀਨੀਅਰ ਪੁਲਿਸ ਅਧਿਕਾਰੀਆਂ ਦੇ ਵੀ ਧਿਆਨ ‘ਚ ਹੈ |
Read More: ਨਸਬੰਦੀ ਕਰਕੇ ਅਵਾਰਾ ਕੁੱਤਿਆਂ ਦੀ ਸੰਖਿਆ ‘ਤੇ ਕੀਤਾ ਜਾ ਰਿਹੈ ਕੰਟਰੋਲ: ਡਾ. ਰਵਜੋਤ ਸਿੰਘ
