ਗੁਹਾਟੀ, 04 ਨਵੰਬਰ 2026: Guwahati shooting case: ਗੁਹਾਟੀ ਗੋਲੀਬਾਰੀ ‘ਚ ਪੁਲਿਸ ਮੁਤਾਬਕ ਦੋਸ਼ੀ ਘਣਕਾਂਤ ਗੋਗੋਈ ਦੀ ਬੁੱਧਵਾਰ ਨੂੰ ਅਸਾਮ ਦੇ ਸ਼ਿਵਸਾਗਰ ਜ਼ਿਲ੍ਹੇ ‘ਚ ਪੁਲਿਸ ਮੁਕਾਬਲੇ ‘ਚ ਮੌਤ ਹੋ ਗਈ। ਉਸ ‘ਤੇ ਗੁਹਾਟੀ ਦੇ ਇੱਕ ਹੋਟਲ ‘ਚ ਪੰਜ ਜਣਿਆਂ ਨੂੰ ਮਾਰਨ ਦਾ ਦੋਸ਼ ਸੀ। ਪੁਲਿਸ ਦੇ ਮੁਤਾਬਕ, ਗੋਗੋਈ ਨੂੰ ਗੁਹਾਟੀ ਤੋਂ ਸ਼ਿਵਸਾਗਰ ਲਿਜਾਇਆ ਜਾ ਰਿਹਾ ਸੀ ਜਦੋਂ ਉਸਨੇ ਇੱਕ ਪੁਲਿਸ ਅਧਿਕਾਰੀ ਦੀ ਸਰਵਿਸ ਪਿਸਤੌਲ ਖੋਹਣ ਦੀ ਕੋਸ਼ਿਸ਼ ਕੀਤੀ। ਫਿਰ ਅਧਿਕਾਰੀ ਨੇ ਉਸ ‘ਤੇ ਗੋਲੀ ਚਲਾ ਦਿੱਤੀ।
ਉਸਨੂੰ ਹਸਪਤਾਲ ਲਿਜਾਇਆ ਜਾ ਰਿਹਾ ਸੀ ਪਰ ਰਸਤੇ ‘ਚ ਹੀ ਉਸਦੀ ਮੌਤ ਹੋ ਗਈ। ਇਸ ਘਟਨਾ ‘ਚ ਸਬ-ਇੰਸਪੈਕਟਰ ਦੇਬਾਸ਼ੀਸ਼ ਸ਼ਰਮਾ ਦੇ ਸੱਜੇ ਪੈਰ ‘ਚ ਸੱਟ ਲੱਗੀ। ਸਿਵਾਸਾਗਰ ਦੇ ਐਸਐਸਪੀ ਪਪੋਰੀ ਚੇਤੀਆ ਨੇ ਦੱਸਿਆ ਕਿ ਐਸਆਈ ਦੀ ਹਾਲਤ ਸਥਿਰ ਹੈ। ਐਸਐਸਪੀ ਪਪੋਰੀ ਚੇਤੀਆ ਦੇ ਅਨੁਸਾਰ, ਸਿਵਾਸਾਗਰ ਪੁਲਿਸ ਸਟੇਸ਼ਨ ‘ਚ ਦਰਜ ਕੇਸ ਨੰਬਰ 108/26 ਦੇ ਸੰਬੰਧ ‘ਚ ਗੋਗੋਈ ਨੂੰ ਗੁਹਾਟੀ ਤੋਂ ਸ਼ਿਵਸਾਗਰ ਲਿਜਾਇਆ ਜਾ ਰਿਹਾ ਸੀ। ਰਸਤੇ ਵਿੱਚ, ਫੁਲਪਣੀਚੀਗਾ ਖੇਤਰ ‘ਚ, ਉਹ ਪੁਲਿਸ ਗੱਡੀ ਤੋਂ ਉਤਰਿਆ ਅਤੇ ਬਾਥਰੂਮ ਜਾਣ ਲਈ ਕਿਹਾ।
ਜਿਵੇਂ ਹੀ ਉਹ ਗੱਡੀ ਤੋਂ ਬਾਹਰ ਨਿਕਲਿਆ, ਉਸਨੇ ਸਬ-ਇੰਸਪੈਕਟਰ ਦੇਬਾਸ਼ੀਸ਼ ਸ਼ਰਮਾ ਦੀ ਸਰਵਿਸ ਪਿਸਤੌਲ ਖੋਹਣ ਦੀ ਕੋਸ਼ਿਸ਼ ਕੀਤੀ। ਸ਼ਰਮਾ ਵੀ ਇਸ ਮਾਮਲੇ ਦੇ ਜਾਂਚ ਅਧਿਕਾਰੀ ਹਨ। ਐਸਐਸਪੀ ਨੇ ਦੱਸਿਆ ਕਿ ਗੋਗੋਈ ਇੱਕ ਸਿਖਲਾਈ ਪ੍ਰਾਪਤ ਨਿਸ਼ਾਨੇਬਾਜ਼ ਸੀ। ਮੁਲਜ਼ਮ ਨੇ ਦੋ ਤੋਂ ਤਿੰਨ ਗੋਲੀਆਂ ਚਲਾਈਆਂ, ਜਿਨ੍ਹਾਂ ‘ਚੋਂ ਦੋ ਪੁਲਿਸ ਗੱਡੀ ਨੂੰ ਲੱਗੀਆਂ। ਇੱਕ ਪੁਲਿਸ ਕਰਮਚਾਰੀ ਨੇ ਆਪਣੀ ਸਰਵਿਸ ਪਿਸਤੌਲ ਨਾਲ ਜਵਾਬੀ ਗੋਲੀਬਾਰੀ ਕੀਤੀ, ਜਿਸ ‘ਚ ਗੋਗੋਈ ਜ਼ਖਮੀ ਹੋ ਗਿਆ ਅਤੇ ਬਾਅਦ ‘ਚ ਉਸਦੀ ਮੌਤ ਹੋ ਗਈ।
26 ਅਕਤੂਬਰ ਨੂੰ ਰਾਤ 9 ਵਜੇ ਦੇ ਕਰੀਬ, ਪਲਟਨ ਬਾਜ਼ਾਰ ਪੁਲਿਸ ਸਟੇਸ਼ਨ ਨੂੰ ਇੱਕ ਹੋਟਲ ‘ਤੇ ਕਈ ਗੋਲੀਆਂ ਚੱਲਣ ਦੀ ਸੂਚਨਾ ਮਿਲੀ। ਜਦੋਂ ਪੁਲਿਸ ਟੀਮਾਂ ਮੌਕੇ ‘ਤੇ ਪਹੁੰਚੀਆਂ, ਤਾਂ ਰਿਸੈਪਸ਼ਨ ਖੇਤਰ ‘ਚ ਚਾਰ ਜਣਿਆਂ ਮ੍ਰਿਤਕ ਪਾਏ ਗਏ, ਜਦੋਂ ਕਿ ਦੋ ਹੋਟਲ ਜਾਂਦੇ ਸਮੇਂ ਜ਼ਖਮੀ ਪਾਏ ਗਏ।
