ਸਪੋਰਟਸ, 09 ਅਕਤੂਬਰ 2026: AUS ਬਨਾਮ SA Test: ਦੱਖਣੀ ਅਫਰੀਕਾ ਨੇ ਆਸਟ੍ਰੇਲੀਆ ਵਿਰੁੱਧ ਪਹਿਲੇ ਟੈਸਟ ਲਈ ਆਪਣੀ ਪਲੇਇੰਗ ਇਲੈਵਨ ਦਾ ਐਲਾਨ ਕਰ ਦਿੱਤਾ ਹੈ। ਇਹ ਮੈਚ ਸ਼ੁੱਕਰਵਾਰ ਤੋਂ ਦੁਪਹਿਰ 1:00 ਵਜੇ ਡਰਬਨ ‘ਚ ਖੇਡਿਆ ਜਾਵੇਗਾ।ਤੇਜ਼ ਗੇਂਦਬਾਜ਼ ਕਾਗੀਸੋ ਰਬਾਡਾ ਪੂਰੀ ਫਿਟਨੈਸ ਦੀ ਘਾਟ ਕਾਰਨ ਪਲੇਇੰਗ ਇਲੈਵਨ ‘ਚ ਜਗ੍ਹਾ ਨਹੀਂ ਬਣਾ ਸਕਿਆ। ਇਸ ਦੌਰਾਨ, ਐਨਰਿਚ 2023 ਤੋਂ ਬਾਅਦ ਪਹਿਲੀ ਵਾਰ ਟੈਸਟ ਕ੍ਰਿਕਟ ‘ਚ ਵਾਪਸੀ ਕਰੇਗਾ। ਸੀਰੀਜ਼ ਦਾ ਦੂਜਾ ਟੈਸਟ ਗਕੇਬਰਹਾ ‘ਚ ਅਤੇ ਤੀਜਾ ਕੇਪ ਟਾਊਨ ‘ਚ ਖੇਡਿਆ ਜਾਵੇਗਾ।
ਕ੍ਰਿਕਟ ਦੱਖਣੀ ਅਫਰੀਕਾ ਨੇ 21 ਅਗਸਤ ਨੂੰ ਐਲਾਨ ਕੀਤਾ ਸੀ ਕਿ ਰਬਾਡਾ ਨੂੰ ਸਿਖਲਾਈ ਦੌਰਾਨ ਸੱਟ ਲੱਗੀ ਸੀ। ਉਸ ਦੇ ਸੱਜੇ ਹੈਮਸਟ੍ਰਿੰਗ ‘ਚ ਸੱਟ ਲੱਗ ਗਈ ਸੀ। ਉਹ ਆਖਰੀ ਵਾਰ ਮਈ ‘ਚ ਆਈਪੀਐਲ ‘ਚ ਗੁਜਰਾਤ ਟਾਈਟਨਜ਼ ਲਈ ਖੇਡਿਆ ਸੀ। ਰਬਾਡਾ ਉਦੋਂ ਤੋਂ ਨਹੀਂ ਖੇਡਿਆ ਹੈ।
ਨੌਰਟਜਈ ਦਾ ਆਖਰੀ ਟੈਸਟ ਫਰਵਰੀ 2023 ‘ਚ ਸੈਂਚੁਰੀਅਨ ‘ਚ ਵੈਸਟਇੰਡੀਜ਼ ਵਿਰੁੱਧ ਸੀ। ਉਸ ਮੈਚ ਵਿੱਚ, ਉਨ੍ਹਾਂ ਨੇ ਸ਼ਾਨਦਾਰ ਗੇਂਦਬਾਜ਼ੀ ਕੀਤੀ, ਪਹਿਲੀ ਪਾਰੀ ‘ਚ 5/36 ਅਤੇ ਦੂਜੀ ਪਾਰੀ ‘ਚ 1/48 ਲਿਆ। ਦੱਖਣੀ ਅਫਰੀਕਾ ਨੇ ਟੈਸਟ 87 ਦੌੜਾਂ ਨਾਲ ਜਿੱਤਿਆ।
ਵੇਰੇਨ ਵਿਕਟਕੀਪਿੰਗ ਸੰਭਾਲਣਗੇ
ਦੱਖਣੀ ਅਫਰੀਕਾ ਨੇ ਪਹਿਲੇ ਟੈਸਟ ਲਈ ਤਜਰਬੇ ਅਤੇ ਨੌਜਵਾਨਾਂ ਨਾਲ ਸੰਤੁਲਿਤ ਟੀਮ ਚੁਣੀ ਹੈ। ਟੇਂਬਾ ਬਾਵੁਮਾ ਟੀਮ ਦੀ ਕਪਤਾਨੀ ਕਰਨਗੇ। ਏਡਨ ਮਾਰਕਰਾਮ, ਰਿਆਨ ਰਿਕੇਲਟਨ, ਡੇਵਿਡ ਬੇਡਿੰਘਮ ਅਤੇ ਟ੍ਰਿਸਟਨ ਸਟੱਬਸ ਬੱਲੇਬਾਜ਼ੀ ਨੂੰ ਮਜ਼ਬੂਤ ਕਰਨਗੇ।
ਵਿਆਨ ਮਲਡਰ ਅਤੇ ਮਾਰਕੋ ਯਾਨਸਨ ਆਲਰਾਊਂਡਰ ਵਜੋਂ ਖੇਡਣਗੇ। ਕਾਇਲ ਵੇਰੇਨ ਵਿਕਟਕੀਪਿੰਗ ਡਿਊਟੀਆਂ ਸੰਭਾਲਣਗੇ। ਗੇਂਦਬਾਜ਼ੀ ‘ਚ ਕੇਸ਼ਵ ਮਹਾਰਾਜ ਅਤੇ ਸਾਈਮਨ ਹਾਰਮਰ ਦੀ ਸਪਿਨ ਜੋੜੀ ਹੋਵੇਗੀ। ਨੌਰਟਿਆ ਅਤੇ ਮਾਰਕੋ ਯਾਨਸਨ ਤੇਜ਼ ਗੇਂਦਬਾਜ਼ੀ ਦੀ ਅਗਵਾਈ ਕਰਨਗੇ।
ਦੱਖਣੀ ਅਫਰੀਕਾ ਦੀ ਪਲੇਇੰਗ ਇਲੈਵਨ
ਏਡੇਨ ਮਾਰਕਰਾਮ, ਰਿਆਨ ਰਿਕੇਲਟਨ, ਡੇਵਿਡ ਬੇਡਿੰਘਮ, ਟੇਂਬਾ ਬਾਵੁਮਾ, ਟ੍ਰਿਸਟਨ ਸਟੱਬਸ, ਵਿਆਨ ਮਲਡਰ, ਕਾਇਲ ਵੇਰੇਨ, ਮਾਰਕੋ ਯਾਨਸਨ, ਸਾਈਮਨ ਹਾਰਮਰ, ਕੇਸ਼ਵ ਮਹਾਰਾਜ ਅਤੇ ਐਨਰਿਚ ਨੌਰਟਿਆ।
Read More: AUS ਬਨਾਮ SA: ਡਰਬਨ ‘ਚ ਕੱਲ੍ਹ ਤੋਂ ਦੱਖਣੀ ਅਫਰੀਕਾ ਤੇ ਆਸਟ੍ਰੇਲੀਆ ਵਿਚਾਲੇ ਟੈਸਟ ਸੀਰੀਜ਼ ਦਾ ਆਗਾਜ਼
