ਦਿੱਲੀ, 13 ਸਤੰਬਰ 2026: ਬ੍ਰਿਕਸ ਸੰਮੇਲਨ 2026: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਿੱਲੀ ‘ਚ ਬ੍ਰਿਕਸ ਸੰਮੇਲਨ 2026 ਦੇ ਦੂਜੇ ਦਿਨ ਭਾਰਤ ਮੰਡਪਮ ਪਹੁੰਚੇ। ਸੰਮੇਲਨ ਦੇ ਦੂਜੇ ਦਿਨ ਬ੍ਰਿਕਸ ਦੇਸ਼ਾਂ ‘ਚ ਗਲੋਬਲ ਸਹਿਯੋਗ, ਆਰਥਿਕ ਵਿਕਾਸ, ਵਪਾਰ, ਸੁਰੱਖਿਆ ਅਤੇ ਸਮਕਾਲੀ ਅੰਤਰਰਾਸ਼ਟਰੀ ਮੁੱਦਿਆਂ ‘ਤੇ ਮਹੱਤਵਪੂਰਨ ਚਰਚਾਵਾਂ ਹੋਣ ਦੀ ਉਮੀਦ ਹੈ। ਪ੍ਰਧਾਨ ਮੰਤਰੀ ਮੋਦੀ ਵੱਖ-ਵੱਖ ਦੇਸ਼ਾਂ ਦੇ ਨੇਤਾਵਾਂ ਨਾਲ ਦੁਵੱਲੀ ਬੈਠਕਾਂ ‘ਚ ਵੀ ਹਿੱਸਾ ਲੈਣਗੇ।
18ਵੇਂ ਬ੍ਰਿਕਸ ਸੰਮੇਲਨ ਦੇ ਆਖਰੀ ਦਿਨ ਨਵੀਂ ਦਿੱਲੀ ਦੇ ਭਾਰਤ ਮੰਡਪਮ ‘ਚ ਸੁਰੱਖਿਆ ਸਖ਼ਤ ਕਰ ਦਿੱਤੀ ਗਈ ਹੈ। ਸੁਰੱਖਿਆ ਏਜੰਸੀਆਂ ਸਥਾਨ ‘ਤੇ ਨਿਰੰਤਰ ਜਾਂਚ ਅਤੇ ਨਿਗਰਾਨੀ ਕਰ ਰਹੀਆਂ ਹਨ। 18ਵਾਂ ਬ੍ਰਿਕਸ ਸੰਮੇਲਨ ਅੱਜ ਸਮਾਪਤ ਹੋਵੇਗਾ। ਸੰਮੇਲਨ ਦੇ ਪਹਿਲੇ ਦਿਨ, ਮੈਂਬਰ ਦੇਸ਼ਾਂ ਨੇ ਸਰਬਸੰਮਤੀ ਨਾਲ ਨਵੀਂ ਦਿੱਲੀ ਐਲਾਨਨਾਮੇ ਨੂੰ ਅਪਣਾਇਆ। ਸਾਰਿਆਂ ਦੀਆਂ ਨਜ਼ਰਾਂ ਹੁਣ ਆਖਰੀ ਦਿਨ ਦੀਆਂ ਗਤੀਵਿਧੀਆਂ ਅਤੇ ਸਮਾਪਤੀ ਸਮਾਰੋਹਾਂ ‘ਤੇ ਹਨ।
ਦੁਪਹਿਰ 2:30 ਵਜੇ, ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਕਜ਼ਾਕਿਸਤਾਨ ਦੇ ਰਾਸ਼ਟਰਪਤੀ ਕਾਸਿਮ-ਜੋਮਾਰਟ ਟੋਕਾਯੇਵ ਨਾਲ ਮੁਲਾਕਾਤ ਕਰਨਗੇ। ਇਸ ਤੋਂ ਬਾਅਦ ਦੁਪਹਿਰ 3 ਵਜੇ ਫਿਲੀਪੀਨਜ਼ ਦੇ ਰਾਸ਼ਟਰਪਤੀ ਫਰਡੀਨੈਂਡ ਆਰ. ਮਾਰਕੋਸ ਜੂਨੀਅਰ ਨਾਲ ਦੁਵੱਲੀ ਬੈਠਕ ਹੋਵੇਗੀ। ਦੁਪਹਿਰ 3:30 ਵਜੇ, ਪ੍ਰਧਾਨ ਮੰਤਰੀ ਮੋਦੀ ਮਿਸਰ ਦੇ ਰਾਸ਼ਟਰਪਤੀ ਅਬਦੇਲ ਫਤਾਹ ਅਲ-ਸੀਸੀ ਨਾਲ ਮੁਲਾਕਾਤ ਕਰਨਗੇ।
ਦੱਖਣੀ ਅਫ਼ਰੀਕਾ ਦੇ ਰਾਸ਼ਟਰਪਤੀ ਮਾਤਾਮੇਲਾ ਸਿਰਿਲ ਰਾਮਾਫੋਸਾ ਨਾਲ ਮੁਲਾਕਾਤ ਸ਼ਾਮ 4:10 ਵਜੇ ਤੈਅ ਹੈ। ਦੱਖਣੀ ਅਫ਼ਰੀਕਾ ਦੇ ਰਾਸ਼ਟਰਪਤੀ ਨਾਲ ਮੁਲਾਕਾਤ ਤੋਂ ਬਾਅਦ, ਪ੍ਰਧਾਨ ਮੰਤਰੀ ਸ਼ਾਮ 4:40 ਵਜੇ ਬੁਰੂੰਡੀ ਦੇ ਰਾਸ਼ਟਰਪਤੀ ਐਵਰਿਸਟ ਨਦਾਯਿਸ਼ਿਮੀਏ ਨਾਲ ਮੁਲਾਕਾਤ ਕਰਨਗੇ। ਫਿਰ ਉਹ ਸ਼ਾਮ 5:10 ਵਜੇ ਨਾਈਜੀਰੀਆ ਦੇ ਉਪ ਰਾਸ਼ਟਰਪਤੀ ਸੈਨੇਟਰ ਕਾਸ਼ਿਮ ਸ਼ੈਟੀਮਾ ਨਾਲ ਮੁਲਾਕਾਤ ਕਰਨਗੇ, ਅਤੇ ਸ਼ਾਮ 5:40 ਵਜੇ ਯੂਗਾਂਡਾ ਦੇ ਉਪ ਰਾਸ਼ਟਰਪਤੀ ਜੈਸਿਕਾ ਅਲੂਪੋ ਨਾਲ ਅੰਤਿਮ ਮੁਲਾਕਾਤ ਕਰਨਗੇ।
ਬ੍ਰਿਕਸ ਸੰਮੇਲਨ ਦਾ ਦੂਜਾ ਅਤੇ ਆਖਰੀ ਦਿਨ ਸਵੇਰੇ 9:55 ਵਜੇ ਭਾਈਵਾਲ ਦੇਸ਼ਾਂ ਅਤੇ ਸੱਦਾ ਦਿੱਤੇ ਗਏ ਆਊਟਰੀਚ ਦੇਸ਼ਾਂ ਦੇ ਆਗੂਆਂ ਦੇ ਆਉਣ ਨਾਲ ਸ਼ੁਰੂ ਹੋਵੇਗਾ। ਇਸ ਤੋਂ ਬਾਅਦ ਸਵੇਰੇ 10:35 ਵਜੇ ਸਾਰੇ ਭਾਈਵਾਲ ਅਤੇ ਆਊਟਰੀਚ ਦੇਸ਼ਾਂ ਦੇ ਆਗੂਆਂ ਦੀ ਸਮੂਹ ਫੋਟੋ ਹੋਵੇਗੀ। ਬ੍ਰਿਕਸ ਓਪਨ ਸੈਸ਼ਨ ਸਵੇਰੇ 10:50 ਵਜੇ ਸ਼ੁਰੂ ਹੋਵੇਗਾ, ਜਿਸ ‘ਚ ਮੈਂਬਰ ਦੇਸ਼ਾਂ ਦੇ ਨਾਲ-ਨਾਲ ਸੱਦਾ ਦਿੱਤੇ ਗਏ ਭਾਈਵਾਲ ਅਤੇ ਆਊਟਰੀਚ ਦੇਸ਼ਾਂ ਦੀ ਭਾਗੀਦਾਰੀ ਹੋਵੇਗੀ।
Read More: ਬ੍ਰਿਕਸ ਸੰਮੇਲਨ 2026: ਚੀਨ ਦੇ ਰਾਸ਼ਟਰਪਤੀ ਸ਼ੀ ਜਿਨਪਿੰਗ ਦਿੱਲੀ ਪਹੁੰਚੇ, PM ਮੋਦੀ ਨਾਲ ਕਰਨਗੇ ਮੁਲਾਕਾਤ
