ਸਪੋਰਟਸ, 04 ਜੁਲਾਈ 2026: IND ਬਨਾਮ ENG: ਇੰਗਲੈਂਡ ਨੇ ਭਾਰਤ ਵਿਰੁੱਧ ਤਿੰਨ ਮੈਚਾਂ ਦੀ ਵਨਡੇ ਸੀਰੀਜ਼ ਲਈ 16 ਮੈਂਬਰੀ ਟੀਮ ਦਾ ਐਲਾਨ ਕੀਤਾ ਹੈ। ਸਸੇਕਸ ਦੇ ਆਲਰਾਉਂਡਰ ਜੇਮਸ ਕੋਲਸ ਨੂੰ ਪਹਿਲੀ ਵਾਰ ਵਨਡੇ ਟੀਮ ‘ਚ ਸ਼ਾਮਲ ਕੀਤਾ ਗਿਆ ਹੈ। ਤੇਜ਼ ਗੇਂਦਬਾਜ਼ ਜੋਫਰਾ ਆਰਚਰ ਲਗਭੱਗ 8 ਮਹੀਨਿਆਂ ਬਾਅਦ ਵਨਡੇ ‘ਚ ਵਾਪਸ ਆਇਆ ਹੈ। ਉਨ੍ਹਾਂ ਨੇ ਆਖਰੀ ਵਾਰ ਨਵੰਬਰ 2025 ‘ਚ ਵਨਡੇ ਮੈਚ ਖੇਡਿਆ ਸੀ।
ਟੀਮ ਦੀ ਕਪਤਾਨੀ ਹੈਰੀ ਬਰੂਕ ਕਰਨਗੇ। ਤੇਜ਼ ਗੇਂਦਬਾਜ਼ ਜੋਸ਼ ਟੋਂਗ ਨੂੰ ਵੀ ਪਹਿਲੀ ਵਾਰ ਵਨਡੇ ਟੀਮ ‘ਚ ਸ਼ਾਮਲ ਕੀਤਾ ਗਿਆ ਹੈ। ਸ਼੍ਰੀਲੰਕਾ ਦੌਰੇ ਤੋਂ ਬਾਹਰ ਹੋਣ ਤੋਂ ਬਾਅਦ ਗਸ ਐਟਕਿੰਸਨ ਅਤੇ ਸਾਕਿਬ ਮਹਿਮੂਦ ਵੀ ਟੀਮ ‘ਚ ਵਾਪਸ ਆਏ ਹਨ।
ਇੰਗਲੈਂਡ ਨੇ ਸ਼੍ਰੀਲੰਕਾ ਦਾ ਦੌਰਾ ਕਰਨ ਵਾਲੀ ਟੀਮ ਦੇ ਮੁਕਾਬਲੇ ਚਾਰ ਬਦਲਾਅ ਕੀਤੇ ਹਨ। ਜੇਮਸ ਕੋਲਸ, ਜੋਫਰਾ ਆਰਚਰ, ਗੁਸ ਐਟਕਿੰਸਨ ਅਤੇ ਸਾਕਿਬ ਮਹਿਮੂਦ ਨੂੰ ਟੀਮ ‘ਚ ਸ਼ਾਮਲ ਕੀਤਾ ਗਿਆ ਹੈ। ਬ੍ਰਾਈਡਨ ਕਾਰਸੇ, ਜ਼ੈਕ ਕ੍ਰੌਲੀ, ਜੈਮੀ ਓਵਰਟਨ ਅਤੇ ਲੂਕ ਵੁੱਡ ਨੂੰ ਬਾਹਰ ਰੱਖਿਆ ਗਿਆ ਹੈ।
ਇੰਗਲੈਂਡ ਦੀ ਭਾਰਤ ਖ਼ਿਲਾਫ ਵਨਡੇ ਟੀਮ
ਹੈਰੀ ਬਰੂਕ (ਕਪਤਾਨ), ਰੇਹਾਨ ਅਹਿਮਦ, ਜੋਫਰਾ ਆਰਚਰ, ਗਸ ਐਟਕਿੰਸਨ, ਟੌਮ ਬੈਂਟਨ, ਜੈਕਬ ਬੈਥਲ, ਜੋਸ ਬਟਲਰ, ਜੇਮਜ਼ ਕੋਲਸ, ਸੈਮ ਕੁਰਨ, ਲੀਅਮ ਡਾਸਨ, ਬੇਨ ਡਕੇਟ, ਵਿਲ ਜੈਕਸ, ਸਾਕਿਬ ਮਹਿਮੂਦ, ਆਦਿਲ ਰਾਸ਼ਿਦ, ਜੋ ਰੂਟ ਅਤੇ ਜੋਸ਼ ਟੰਗ।
14 ਜੁਲਾਈ ਨੂੰ ਸ਼ੁਰੂ ਹੋਵੇਗੀ ਵਨਡੇ ਸੀਰੀਜ਼
ਭਾਰਤ ਅਤੇ ਇੰਗਲੈਂਡ ਵਿਚਾਲੇ ਤਿੰਨ ਮੈਚਾਂ ਦੀ ਵਨਡੇ ਸੀਰੀਜ਼ ਦਾ ਪਹਿਲਾ ਮੈਚ 14 ਜੁਲਾਈ ਨੂੰ ਐਜਬੈਸਟਨ ਵਿਖੇ ਖੇਡਿਆ ਜਾਵੇਗਾ। ਦੂਜਾ ਮੈਚ 16 ਜੁਲਾਈ ਨੂੰ ਕਾਰਡਿਫ ‘ਚ ਖੇਡਿਆ ਜਾਵੇਗਾ, ਅਤੇ ਤੀਜਾ ਅਤੇ ਆਖਰੀ ਵਨਡੇ 19 ਜੁਲਾਈ ਨੂੰ ਲਾਰਡਜ਼ ਵਿਖੇ ਖੇਡਿਆ ਜਾਵੇਗਾ।
Read More: IND ਬਨਾਮ ENG: ਵੈਭਵ ਸੂਰਿਆਵੰਸ਼ੀ ਨੇ ਭਾਰਤੀ ਟੀਮ ਲਈ ਅੰਤਰਰਾਸ਼ਟਰੀ ਡੈਬਿਊ ਦਾ ਦਿੱਤਾ ਸੰਕੇਤ
