ਸਪੋਰਟਸ, 20 ਜੂਨ 2026: AUS W ਬਨਾਮ NED W: ਮਹਿਲਾ ਟੀ-20 ਵਿਸ਼ਵ ਕੱਪ ‘ਚ ਅੱਜ ਤਿੰਨ ਮੈਚ ਖੇਡੇ ਜਾਣਗੇ। ਪਹਿਲਾ ਮੈਚ ਆਸਟ੍ਰੇਲੀਆ ਅਤੇ ਨੀਦਰਲੈਂਡ ਵਿਚਕਾਰ ਹੋਵੇਗਾ। ਆਸਟ੍ਰੇਲੀਆ ਨੇ ਆਪਣੇ ਦੋਵੇਂ ਮੈਚ ਜਿੱਤੇ ਹਨ। ਤੀਜੀ ਜਿੱਤ ਆਸਟ੍ਰੇਲੀਆ ਨੂੰ ਭਾਰਤ ਤੋਂ ਉੱਪਰ ਗਰੁੱਪ ਏ ‘ਚ ਸਿਖਰ ‘ਤੇ ਲੈ ਜਾਵੇਗੀ। ਇਹ ਮੈਚ ਸਾਊਥੈਂਪਟਨ ‘ਚ ਦੁਪਹਿਰ 3 ਵਜੇ ਤੋਂ ਖੇਡਿਆ ਜਾਵੇਗਾ।
ਪਾਕਿਸਤਾਨ ਅਤੇ ਬੰਗਲਾਦੇਸ਼ ਦਾ ਮੈਚ ਸ਼ਾਮ 7 ਵਜੇ ਸ਼ੁਰੂ ਹੋਵੇਗਾ। ਪਾਕਿਸਤਾਨ ਨੇ ਦੋਵੇਂ ਮੈਚ ਹਾਰੇ ਹਨ, ਜਦੋਂ ਕਿ ਬੰਗਲਾਦੇਸ਼ ਦੇ ਦੋ ਮੈਚਾਂ ‘ਚ ਦੋ ਅੰਕ ਹਨ। ਦੋਵਾਂ ਲਈ ਜਿੱਤ ਬਹੁਤ ਮਹੱਤਵਪੂਰਨ ਹੈ। ਤੀਜਾ ਮੈਚ ਇੰਗਲੈਂਡ ਅਤੇ ਸਕਾਟਲੈਂਡ ਵਿਚਾਲੇ ਰਾਤ 11 ਵਜੇ ਖੇਡਿਆ ਜਾਵੇਗਾ, ਜੋ ਗਰੁੱਪ ਬੀ ‘ਚ ਸਿਖਰ ‘ਤੇ ਹਨ।
ਆਸਟ੍ਰੇਲੀਆ ਅਤੇ ਨੀਦਰਲੈਂਡ ਕਦੇ ਵੀ ਟੀ-20 ਵਿੱਚ ਇੱਕ ਦੂਜੇ ਦਾ ਸਾਹਮਣਾ ਨਹੀਂ ਕੀਤਾ ਹੈ। ਇਹ ਪਹਿਲੀ ਵਾਰ ਹੋਵੇਗਾ ਜਦੋਂ ਦੋਵੇਂ ਟੀਮਾਂ ਇੱਕ ਦੂਜੇ ਦਾ ਸਾਹਮਣਾ ਕਰਨਗੀਆਂ। ਆਸਟ੍ਰੇਲੀਆਈ ਟੀਮ ਨੇ ਲਗਾਤਾਰ ਦੋ ਮੈਚ ਜਿੱਤੇ ਹਨ।
ਬੈਥ ਮੂਨੀ ਆਸਟ੍ਰੇਲੀਆ ਦੀ ਸਭ ਤੋਂ ਵੱਧ ਸਕੋਰਰ
ਬੈਥ ਮੂਨੀ ਟੀ-20 ‘ਚ ਆਸਟ੍ਰੇਲੀਆ ਦੀ ਸਭ ਤੋਂ ਵੱਧ ਸਕੋਰਰ ਹੈ। ਉਨ੍ਹਾਂ ਨੇ 120 ਮੈਚਾਂ ‘ਚ 125.29 ਦੇ ਸਟ੍ਰਾਈਕ ਰੇਟ ਨਾਲ 3562 ਦੌੜਾਂ ਬਣਾਈਆਂ ਹਨ। ਉਸਦਾ ਸਭ ਤੋਂ ਵਧੀਆ ਸਕੋਰ 117 ਨਾਬਾਦ ਹੈ।
ਮੇਗਨ ਸ਼ੂਟ ਨੇ ਗੇਂਦਬਾਜ਼ੀ ‘ਚ ਸਭ ਤੋਂ ਵੱਧ ਵਿਕਟਾਂ ਲਈਆਂ ਹਨ। ਉਨ੍ਹਾਂ ਨੇ 126 ਮੈਚਾਂ ‘ਚ 6.39 ਦੇ ਇਕਾਨਮੀ ਰੇਟ ਨਾਲ 152 ਵਿਕਟਾਂ ਲਈਆਂ ਹਨ। ਉਸਦਾ ਸਭ ਤੋਂ ਵਧੀਆ ਪ੍ਰਦਰਸ਼ਨ 15 ਦੌੜਾਂ ਦੇ ਕੇ 5 ਵਿਕਟਾਂ ਹੈ।
ਸਟਰ ਕੈਲਿਸ ਨੇ ਨੀਦਰਲੈਂਡ ਲਈ ਟੀ-20 ‘ਚ ਸਭ ਤੋਂ ਵੱਧ ਦੌੜਾਂ ਬਣਾਈਆਂ ਹਨ। ਕੈਲਿਸ ਨੇ 66 ਮੈਚਾਂ ‘ਚ 104.67 ਦੇ ਸਟ੍ਰਾਈਕ ਰੇਟ ਨਾਲ 1971 ਦੌੜਾਂ ਬਣਾਈਆਂ ਹਨ। ਇੱਕ ਪਾਰੀ ‘ਚ ਉਸਦਾ ਸਭ ਤੋਂ ਵਧੀਆ ਸਕੋਰ 126 ਨਾਬਾਦ ਹੈ।
ਆਇਰਿਸ ਜ਼ਵਿਲਿੰਗ ਗੇਂਦਬਾਜ਼ੀ ‘ਚ ਟੀਮ ਲਈ ਸਭ ਤੋਂ ਵੱਧ ਵਿਕਟ ਲੈਣ ਵਾਲੀ ਗੇਂਦਬਾਜ਼ ਰਹੀ ਹੈ। ਜ਼ਵਿਲਿੰਗ ਨੇ 95 ਮੈਚਾਂ ‘ਚ 5.27 ਦੇ ਬਹੁਤ ਹੀ ਕਿਫਾਇਤੀ ਇਕਾਨਮੀ ਰੇਟ ਨਾਲ 102 ਵਿਕਟਾਂ ਲਈਆਂ ਹਨ। ਉਸਦਾ ਸਭ ਤੋਂ ਵਧੀਆ ਪ੍ਰਦਰਸ਼ਨ 6 ਦੌੜਾਂ ਦੇ ਕੇ 3 ਵਿਕਟਾਂ ਹੈ।
Read More: ENG ਬਨਾਮ NZ Test: ਨਿਊਜ਼ੀਲੈਂਡ ਨੇ ਇੰਗਲੈਂਡ ਖ਼ਿਲਾਫ ਦੂਜੇ ਟੈਸਟ ‘ਚ 352 ਦੌੜਾਂ ਦੀ ਮਜ਼ਬੂਤ ਲੀਡ ਬਣਾਈ
