ਸਪੋਰਟਸ, 15 ਜੂਨ 2026: IND A ਬਨਾਮ SL A: ਭਾਰਤ ਏ ਨੇ ਦਾਂਬੁਲਾ ‘ਚ ਖੇਡੇ ਜਾ ਰਹੇ ਮੈਚ ‘ਚ ਸ਼੍ਰੀਲੰਕਾ ਲਈ 266 ਦੌੜਾਂ ਦਾ ਟੀਚਾ ਰੱਖਿਆ ਹੈ। ਇਸਦੇ ਜਵਾਬ ‘ਚ ਸ਼੍ਰੀਲੰਕਾ ਨੇ 7 ਓਵਰਾਂ ਬਾਅਦ ਇੱਕ ਵਿਕਟ ਦੇ ਨੁਕਸਾਨ ‘ਤੇ 70 ਦੌੜਾਂ ਬਣਾ ਲਈਆਂ ਹਨ।
ਭਾਰਤ ਦਾ 15 ਸਾਲਾ ਵੈਭਵ ਸੂਰਿਆਵੰਸ਼ੀ ਵਨਡੇ ਤਿਕੋਣੀ ਲੜੀ ‘ਚ ਫਿਰ ਅਸਫਲ ਰਿਹਾ। ਉਹ ਅੱਜ ਦੇ ਮੈਚ ‘ਚ ਸਿਰਫ਼ 21 ਦੌੜਾਂ ਹੀ ਬਣਾ ਸਕਿਆ। ਵੈਭਵ ਤੋਂ ਇਲਾਵਾ ਅਨੁਕੂਲ ਰਾਏ ਨੇ ਅੱਠ ਦੌੜਾਂ, ਨਿਸ਼ਾਂਤ ਸਿੰਧੂ ਨੇ ਛੇ ਦੌੜਾਂ, ਆਯੁਸ਼ ਬਦੋਨੀ ਨੇ 15 ਦੌੜਾਂ ਅਤੇ ਪ੍ਰਭਸਿਮਰਨ ਸਿੰਘ ਨੇ 11 ਦੌੜਾਂ ਬਣਾਈਆਂ।
ਹਾਲਾਂਕਿ, ਰੁਤੁਰਾਜ ਗਾਇਕਵਾੜ (37 ਦੌੜਾਂ) ਅਤੇ ਤਿਲਕ ਵਰਮਾ (23 ਦੌੜਾਂ) ਨੇ 52 ਦੌੜਾਂ ਦੀ ਸਾਂਝੇਦਾਰੀ ਨਾਲ ਭਾਰਤੀ ਟੀਮ ਨੂੰ ਸੰਭਾਲਿਆ। ਅੰਤ ‘ਚ ਸੂਰਯਾਂਸ਼ ਸ਼ੇਡਗੇ (72 ਦੌੜਾਂ) ਅਤੇ ਵਿਪ੍ਰਾਜ ਨਿਗਮ (51 ਦੌੜਾਂ) ਨੇ ਇੱਕ ਸੈਂਕੜਾ ਸਾਂਝੇਦਾਰੀ ਜੋੜ ਕੇ ਟੀਮ ਨੂੰ 250 ਦੇ ਪਾਰ ਪਹੁੰਚਾਇਆ। ਟੀਮ ਇੰਡੀਆ 49.2 ਓਵਰਾਂ ‘ਚ 265 ਦੌੜਾਂ ‘ਤੇ ਆਲ ਆਊਟ ਹੋ ਗਈ। ਸ਼੍ਰੀਲੰਕਾ ਲਈ ਵਿਜੇਕਾਂਤ ਨੇ ਤਿੰਨ ਵਿਕਟਾਂ ਲਈਆਂ ਹਨ।
ਵੈਭਵ ਨੇ ਇਸ ਤਿਕੋਣੀ ਲੜੀ ‘ਚ ਇੱਕ ਵੀ ਅਰਧ ਸੈਂਕੜਾ ਨਹੀਂ ਲਗਾਇਆ ਹੈ। ਉਨ੍ਹਾਂ ਨੇ ਸ਼੍ਰੀਲੰਕਾ ਏ ਵਿਰੁੱਧ ਪਿਛਲੇ ਮੈਚ ‘ਚ 14 ਅਤੇ ਅਫਗਾਨਿਸਤਾਨ ਵਿਰੁੱਧ 22 ਗੇਂਦਾਂ ‘ਚ 44 ਦੌੜਾਂ ਬਣਾਈਆਂ ਸਨ।
Read More: IND ਬਨਾਮ PAK: ਦੀਪਤੀ ਸ਼ਰਮਾ ਟੀ-20 ਅੰਤਰਰਾਸ਼ਟਰੀ ਮੈਚਾਂ ‘ਚ ਸਭ ਤੋਂ ਵੱਧ ਵਿਕਟਾਂ ਲੈਣ ਵਾਲੀ ਗੇਂਦਬਾਜ਼ ਬਣੀ
