ਮੋਹਾਲੀ, 29 ਅਪ੍ਰੈਲ 2026: ਸਾਲ 2026 ਭਾਰਤੀ ਰੀਜਨਲ ਹਿਪ-ਹਾਪ ਲਈ ਕਾਫ਼ੀ ਅਹਿਮ ਸਾਬਤ ਹੋ ਰਿਹਾ ਹੈ ਅਤੇ ਇਨ੍ਹਾਂ ‘ਚ ਇੱਕ ਵੱਡਾ ਨਾਮ ਹੈ Dhanda Nyoliwala। ਉਨ੍ਹਾਂ ਦਾ ਨਵਾਂ ਐਲਬਮ ‘Kohram’ ਨਾ ਸਿਰਫ ਭਾਰਤ ‘ਚ ਲੋਕਾਂ ਨੂੰ ਪਸੰਦ ਆ ਰਿਹਾ ਹੈ, ਸਗੋਂ ਗਲੋਬਲ ਟੌਪ ਐਲਬਮ ਚਾਰਟ ‘ਚ ਨੰਬਰ 7 ‘ਤੇ ਵੀ ਪਹੁੰਚ ਗਿਆ ਹੈ।
ਇਸ ਕਾਮਯਾਬੀ ‘ਚ ਸਭ ਤੋਂ ਵੱਡਾ ਯੋਗਦਾਨ ‘Not Guilty’ ਗਾਣੇ ਦਾ ਹੈ, ਜੋ ਵਾਇਰਲ ਹਿੱਟ ਬਣ ਚੁੱਕਾ ਹੈ। ਇਸ ਗਾਣੇ ਦੇ ਮਿਊਜ਼ਿਕ ਵੀਡੀਓ ਨੂੰ 73 ਮਿਲੀਅਨ ਤੋਂ ਵੱਧ ਵੇਖਿਆ ਜਾ ਚੁੱਕਾ ਹੈ। ‘Kohram’ ਐਲਬਮ ‘ਚ ਜੋਸ਼ੀਲੇ ਗਾਣਿਆਂ ਦੇ ਨਾਲ-ਨਾਲ ਭਾਵਨਾਤਮਕ ਗਾਣੇ ਵੀ ਹਨ। ‘No Fluke’, ‘Tension’ ਅਤੇ ‘Deadly Zone’ ਜਿੱਥੇ ਜੋਸ਼ ਨਾਲ ਭਰੇ ਹੋਏ ਹਨ, ਉੱਥੇ ‘Nobody Came’, ‘Forever’ ਅਤੇ ‘Vomit On Paper’ ‘ਚ ਉਨ੍ਹਾਂ ਦੀ ਜ਼ਿੰਦਗੀ ਦੇ ਵੱਖ-ਵੱਖ ਪੱਖ ਦਿਖਾਈ ਦਿੰਦੇ ਹਨ।
ਇਸ ਐਲਬਮ ਵਿੱਚ Ron Likhari, Miki Malang, Hammy Muzic ਅਤੇ Xvir Grewal ਦੇ ਸਹਿਯੋਗ ਨੇ ਇਸਨੂੰ ਹੋਰ ਵੀ ਖਾਸ ਬਣਾ ਦਿੱਤਾ ਹੈ। ਗਾਇਕ ਦਾ ਕਹਿਣਾ ਹੈ ਕਿ “ਇਹ ਐਲਬਮ ਮੇਰੀ ਜ਼ਿੰਦਗੀ ਦੇ ਤਜਰਬਿਆਂ ਨਾਲ ਜੁੜੀ ਹੋਈ ਹੈ। ਹਰ ਗਾਣੇ ਦੀ ਆਪਣੀ ਕਹਾਣੀ ਹੈ। ਲੋਕਾਂ ਦਾ ਪਿਆਰ ਅਤੇ ‘Not Guilty’ ਦੀ ਸਫਲਤਾ ਮੇਰੇ ਲਈ ਬਹੁਤ ਮਾਇਨੇ ਰੱਖਦੀ ਹੈ। ਇਹ ਸਿਰਫ ਸ਼ੁਰੂਆਤ ਹੈ।” ਲਗਾਤਾਰ ਕਾਮਯਾਬੀ ਅਤੇ ਗਲੋਬਲ ਪਛਾਣ ਨਾਲ, Dhanda Nyoliwala ਰੀਜਨਲ ਹਿਪ-ਹਾਪ ਨੂੰ ਨਵੀਆਂ ਉਚਾਈਆਂ ‘ਤੇ ਲੈ ਕੇ ਜਾ ਰਹੇ ਹਨ।
Read More: ਦਸਤਾਵੇਜ਼ੀ ਫਿਲਮ Lawrence of Punjab ਨੂੰ ਲੈ ਕੇ ਵਧਿਆ ਵਿਵਾਦ, ਮੂਸੇਵਾਲਾ ਦੇ ਪਿਤਾ ਨੇ ਸਰਕਾਰ ‘ਤੇ ਚੁੱਕੇ ਸਵਾਲ
