24 ਅਪ੍ਰੈਲ 2026: CUET PG 2026 Result: ਨੈਸ਼ਨਲ ਟੈਸਟਿੰਗ ਏਜੰਸੀ (NTA) ਨੇ ਅੱਜ, 24 ਅਪ੍ਰੈਲ ਨੂੰ CUET PG 2026 ਪ੍ਰੀਖਿਆ ਦੇ ਨਤੀਜੇ ਐਲਾਨ ਦਿੱਤੇ ਹਨ। ਪ੍ਰੀਖਿਆ ਦੇਣ ਵਾਲੇ ਉਮੀਦਵਾਰ ਹੁਣ ਅਧਿਕਾਰਤ ਵੈੱਬਸਾਈਟ, exams.nta.nic.in/cuet-pg ਰਾਹੀਂ ਆਪਣੇ ਸਕੋਰ ਦੇਖ ਸਕਦੇ ਹਨ। ਸਕੋਰਕਾਰਡ ਡਾਊਨਲੋਡ ਕਰਨ ਤੋਂ ਬਾਅਦ, ਵਿਦਿਆਰਥੀਆਂ ਨੂੰ ਸਾਰੇ ਵੇਰਵਿਆਂ ਦੀ ਧਿਆਨ ਨਾਲ ਜਾਂਚ ਕਰਨੀ ਚਾਹੀਦੀ ਹੈ। ਉਮੀਦਵਾਰ ਵੈੱਬਸਾਈਟ ‘ਤੇ ਆਪਣੇ ਲੌਗਇਨ ਪ੍ਰਮਾਣ ਪੱਤਰਾਂ ਦੀ ਵਰਤੋਂ ਕਰਕੇ ਆਪਣੇ ਨਤੀਜੇ ਦੇਖ ਸਕਦੇ ਹਨ।
CUET PG ਪ੍ਰੀਖਿਆ ਲਈ ਕੁੱਲ 714,621 ਉਮੀਦਵਾਰ ਰਜਿਸਟਰ ਹੋਏ ਸਨ, ਜਿਨ੍ਹਾਂ ‘ਚੋਂ 405,905 ਔਰਤਾਂ, 308,697 ਪੁਰਸ਼ ਅਤੇ 19 ਤੀਜੇ ਲਿੰਗ ਸ਼੍ਰੇਣੀ ਦੇ ਸਨ। ਇਨ੍ਹਾਂ ‘ਚੋਂ ਸਿਰਫ਼ 504,301 ਨੇ ਪ੍ਰੀਖਿਆ ਦਿੱਤੀ। ਇਨ੍ਹਾਂ ‘ਚੋਂ 198,060 ਔਰਤਾਂ, 147,151 ਪੁਰਸ਼ ਅਤੇ 9 ਤੀਜੇ ਲਿੰਗ ਸ਼੍ਰੇਣੀ ਦੇ ਸਨ। ਇਹ ਸਾਰੇ ਉਮੀਦਵਾਰ ਹੁਣ ਆਪਣੇ ਨਤੀਜੇ ਦੇਖ ਸਕਦੇ ਹਨ।
ਨਤੀਜਿਆਂ ਦੀ PDF ਦੇ ਮੁਤਾਬਕ, ਇਸ ਵਾਰ CUET PG ਪ੍ਰੀਖਿਆ ਲਈ 411,366 ਵਿਲੱਖਣ ਉਮੀਦਵਾਰਾਂ ਨੇ ਰਜਿਸਟ੍ਰੇਸ਼ਨ ਕਰਵਾਈ ਸੀ। 345,220 ਵਿਲੱਖਣ ਉਮੀਦਵਾਰਾਂ ਨੇ ਪ੍ਰੀਖਿਆ ਦਿੱਤੀ ਸੀ।
ਨਤੀਜੇ ਸਕੋਰਕਾਰਡ ਫਾਰਮੈਟ ਵਿੱਚ ਔਨਲਾਈਨ ਪ੍ਰਕਾਸ਼ਿਤ ਕੀਤੇ ਜਾਂਦੇ ਹਨ। ਇਸ ‘ਚ ਉਮੀਦਵਾਰ ਦਾ ਨਾਮ ਅਤੇ ਰੋਲ ਨੰਬਰ ਵਰਗੀ ਜਾਣਕਾਰੀ ਸ਼ਾਮਲ ਹੁੰਦੀ ਹੈ। ਕਵਰ ਕੀਤੇ ਗਏ ਵਿਸ਼ੇ ਅਤੇ ਪ੍ਰਾਪਤ ਕੀਤੇ ਅੰਕ ਸਪਸ਼ਟ ਤੌਰ ‘ਤੇ ਪ੍ਰਦਰਸ਼ਿਤ ਕੀਤੇ ਗਏ ਹਨ। ਫੀਸਦੀ ਅੰਕ ਅਤੇ ਪਾਸ ਹੋਣ ਦੀ ਸਥਿਤੀ ਵੀ ਦਰਸਾਈ ਗਈ ਹੈ।
Read More: CBSE 10th Result 2026: CBSE ਬੋਰਡ ਨੇ 10ਵੀਂ ਜਮਾਤ ਦੇ ਨਤੀਜੇ ਐਲਾਨੇ
