ਪ੍ਰਯਾਗਰਾਜ, 23 ਜਨਵਰੀ 2026: ਬਸੰਤ ਪੰਚਮੀ 2026: ਮਾਘ ਮੇਲੇ ‘ਚ ਬਸੰਤ ਪੰਚਮੀ ਦੇ ਇਸ਼ਨਾਨ ਲਈ ਸ਼ੁੱਕਰਵਾਰ ਸਵੇਰੇ ਪ੍ਰਯਾਗਰਾਜ ਦੇ ਸੰਗਮ ‘ਚ ਸ਼ਰਧਾਲੂਆਂ ਦੀ ਭਾਰੀ ਆਮਦ ਦੇਖਣ ਨੂੰ ਮਿਲੀ ਹੈ। ਸੰਘਣੀ ਧੁੰਦ ਅਤੇ ਠੰਢ ਦੇ ਬਾਵਜੂਦ, ਲੱਖਾਂ ਸ਼ਰਧਾਲੂ ਸੰਗਮ ‘ਚ ਇਸ਼ਨਾਨ ਕਰ ਰਹੇ ਹਨ। ਅੱਜ ਅੰਦਾਜ਼ਨ 1 ਤੋਂ 2 ਕਰੋੜ ਸ਼ਰਧਾਲੂਆਂ ਦੇ ਆਉਣ ਦੀ ਉਮੀਦ ਹੈ |
ਮੇਲਾ ਪ੍ਰਸ਼ਾਸਨ ਨੇ ਚੌਥੇ ਇਸ਼ਨਾਨ ਤਿਉਹਾਰ, ਬਸੰਤ ਪੰਚਮੀ ਲਈ ਵੀ ਵਿਆਪਕ ਪ੍ਰਬੰਧ ਕੀਤੇ ਹਨ। ਮੇਲਾ ਖੇਤਰ ‘ਚ ਸਾਢੇ ਤਿੰਨ ਕਿਲੋਮੀਟਰ ਲੰਬਾ ਇਸ਼ਨਾਨ ਘਾਟ ਤਿਆਰ ਕੀਤਾ ਗਿਆ ਹੈ।
ਅਯੁੱਧਿਆ ‘ਚ ਬਸੰਤ ਪੰਚਮੀ ਦੇ ਮੌਕੇ ‘ਤੇ, ਸ਼ਰਧਾਲੂਆਂ ਨੇ ਸਰਯੂ ਘਾਟ ‘ਤੇ ਪਵਿੱਤਰ ਇਸ਼ਨਾਨ ਕੀਤਾ ਅਤੇ ਪੂਜਾ ਕੀਤੀ। ਪੁਲਿਸ, ਪੀਏਸੀ, ਆਰਏਐਫ, ਬੀਡੀਐਸ, ਯੂਪੀ ਏਟੀਐਸ ਕਮਾਂਡੋ, ਅਤੇ ਨਾਲ ਹੀ ਖੁਫੀਆ ਏਜੰਸੀਆਂ, ਮੇਲੇ ‘ਚ ਤਾਇਨਾਤ ਹਨ। ਮਾਘ ਮੇਲਾ ਖੇਤਰ ਦੇ ਹਰ ਇੰਚ ‘ਤੇ ਨਿਗਰਾਨੀ ਰੱਖੀ ਜਾ ਰਹੀ ਹੈ, ਸੀਸੀਟੀਵੀ ਅਤੇ ਡਰੋਨ ਕੈਮਰੇ ਵਰਤੇ ਜਾ ਰਹੇ ਹਨ।
ਬਸੰਤ ਪੰਚਮੀ ਤੋਂ 26 ਜਨਵਰੀ ਤੱਕ ਚਾਰ ਦਿਨਾਂ ਦੌਰਾਨ ਲਗਭੱਗ 3.5 ਕਰੋੜ ਸ਼ਰਧਾਲੂਆਂ ਦੇ ਸੰਗਮ ‘ਚ ਪਹੁੰਚਣ ਦੀ ਉਮੀਦ ਹੈ। ਪੰਚਮੀ ਇਸ਼ਨਾਨ ਤਿਉਹਾਰ ਲਈ ਕੋਈ ਵੀਆਈਪੀ ਪ੍ਰੋਟੋਕੋਲ ਨਹੀਂ ਹੋਵੇਗਾ। ਇਸ਼ਨਾਨ ਘਾਟਾਂ ‘ਤੇ ਜਲ ਪੁਲਿਸ, ਐਨਡੀਆਰਐਫ, ਐਸਡੀਆਰਐਫ, ਹੜ੍ਹ ਕੰਟਰੋਲ, ਪੀਏਸੀ ਅਤੇ ਗੋਤਾਖੋਰਾਂ ਨੂੰ ਤਾਇਨਾਤ ਕੀਤਾ ਹੈ।
Read More: Magh Mela: ਮਾਘ ਮੇਲੇ ‘ਚ ਮਕਰ ਸੰਕ੍ਰਾਂਤੀ ‘ਤੇ ਦੁਪਹਿਰ 12 ਵਜੇ ਤੱਕ 50 ਲੱਖ ਸ਼ਰਧਾਲੂਆਂ ਨੇ ਕੀਤਾ ਇਸ਼ਨਾਨ
