ਮੋਹਾਲੀ, 22 ਜਨਵਰੀ 2026: ਚੰਡੀਗੜ੍ਹ ਗਰੁੱਪ ਆਫ਼ ਕਾਲਜਿਜ਼ (CGC) ਲਾਂਡਰਾਂ ਨੇ ‘ਖੇਲੋ ਇੰਡੀਆ ਪ੍ਰੋਗਰਾਮ’ ਤਹਿਤ ਅਸਮਿਤਾ ਵੇਟਲਿਫਟਿੰਗ ਲੀਗ 2025-2026 ਦੀ ਮੇਜ਼ਬਾਨੀ ਕੀਤੀ। ਇਹ ਮੁਕਾਬਲਾ ਸਪੋਰਟਸ ਅਥਾਰਟੀ ਆਫ਼ ਇੰਡੀਆ, ਯੁਵਾ ਮਾਮਲਿਆਂ ਅਤੇ ਖੇਡ ਮੰਤਰਾਲੇ, ਭਾਰਤ ਸਰਕਾਰ ਅਤੇ ਇੰਡੀਅਨ ਵੇਟਲਿਫਟਿੰਗ ਫੈਡਰੇਸ਼ਨ ਦੇ ਸਹਿਯੋਗ ਨਾਲ ਕਰਵਾਇਆ ਗਿਆ।
ਇਸ ਮੁਕਾਬਲੇ ‘ਚ ਸੀਜੀਸੀ ਲਾਂਡਰਾਂ ਸਣੇ ਟ੍ਰਾਈਸਿਟੀ ਇਲਾਕੇ ਦੀਆਂ ਯੂਨੀਵਰਸਿਟੀਆਂ, ਕਾਲਜਾਂ ਅਤੇ ਸੁਤੰਤਰ ਖੇਡ ਕਲੱਬਾਂ ਦੀਆਂ 70 ਤੋਂ ਵੱਧ ਮਹਿਲਾ ਵੇਟਲਿਫਟਰਾਂ ਨੇ ਹਿੱਸਾ ਲਿਆ। ਭਾਗੀਦਾਰਾਂ ਨੇ ਜੂਨੀਅਰ, ਸੀਨੀਅਰ ਅਤੇ ਯੂਥ ਭਾਗਾਂ ਦੇ ਤਹਿਤ 8 ਭਾਰ ਵਰਗਾਂ ‘ਚ ਮੁਕਾਬਲਾ ਕੀਤਾ। ਅਸਮਿਤਾ ਵੇਟਲਿਫਟਿੰਗ ਲੀਗ ਦਾ ਮੁੱਖ ਉਦੇਸ਼ ਜ਼ਮੀਨੀ ਪੱਧਰ ਤੇ ਔਰਤਾਂ ਦੀ ਭਾਗੀਦਾਰੀ ਨੂੰ ਹੁਲਾਰਾ ਦੇਣਾ ਅਤੇ ਐਥਲੀਟਾਂ ਲਈ ਪੇਸ਼ੇਵਰ ਮੁਕਾਬਲੇ ‘ਚ ਅੱਗੇ ਵਧਣ ਲਈ ਰਾਹ ਬਣਾਉਣਾ ਸੀ।
ਇਹ ਮੁਕਾਬਲਾ ਭਾਰਤ ‘ਚ ਔਰਤਾਂ ਲਈ ਇੱਕ ਸਮਾਵੇਸ਼ੀ ਅਤੇ ਟਿਕਾਊ ਖੇਡ ਵਾਤਾਵਰਣ ਪ੍ਰਣਾਲੀ ਬਣਾਉਣ ਲਈ ਭਾਰਤ ਸਰਕਾਰ ਵੱਲੋਂ ਕੀਤੀਆਂ ਜਾ ਰਹੀਆਂ ਲਗਾਤਾਰ ਕੋਸ਼ਿਸ਼ਾਂ ਨੂੰ ਵੀ ਉਜਾਗਰ ਕਰਦਾ ਹੈ। ਇਸ ਪ੍ਰੋਗਰਾਮ ‘ਚ ਮੁੱਖ ਮਹਿਮਾਨ ਵਜੋਂ ਹਰਮਨਪ੍ਰੀਤ ਕੌਰ, ਪੰਜਾਬ ਦੀ ਸਰਵੋਤਮ ਮਹਿਲਾ ਵੇਟਲਿਫਟਰ 2024-25 ਅਤੇ 2025-26 ਅਤੇ ਸੀਨੀਅਰ ਰਾਸ਼ਟਰੀ ਚੈਂਪੀਅਨ ਨੇ ਸ਼ਮੂਲੀਅਤ ਕੀਤੀ। ਇਸ ਤੋਂ ਇਲਾਵਾ ਮੌਕੇ ’ਤੇ ਮੌਜੂਦ ਹੋਰ ਪਤਵੰਤਿਆਂ ‘ਚ ਸੀਜੀਸੀ ਲਾਂਡਰਾਂ ਦੇ ਵਾਈਸ ਚੇਅਰਮੈਨ ਪਰਮਪਾਲ ਸਿੰਘ ਢਿੱਲੋਂ, ਸੀਜੀਸੀ ਲਾਂਡਰਾਂ ਦੇ ਕੈਂਪਸ ਡਾਇਰੈਕਟਰ ਡਾ.ਰਾਜਦੀਪ ਸਿੰਘ, ਸੀਜੀਸੀ ਲਾਂਡਰਾਂ ਦੇ ਕੈਂਪਸ ਡਾਇਰੈਕਟਰ ਕੈਪਟਨ ਵਿਨੋਦ ਜਸਵਾਲ, ਐੱਚਓਡੀ, ਸਪੋਰਟਸ, ਸੀਜੀਸੀ ਲਾਂਡਰਾਂ, ਸੰਸਥਾ ਦੇ ਡੀਨ ਅਤੇ ਡਾਇਰੈਕਟਰ ਸ਼ਾਮਲ ਹੋਏ।
ਸੀਜੀਸੀ ਲਾਂਡਰਾਂ ਦੀਆਂ ਮਹਿਲਾ ਵੇਟਲਿਫਟਰਾਂ ਨੇ ਮੁਕਾਬਲੇ ‘ਚ 11 ਤਮਗੇ ਜਿੱਤੇ, ਜਿਸ ‘ਚ ਛੇ ਚਾਂਦੀ ਦੇ ਤਮਗੇ ਅਤੇ 5 ਕਾਂਸੀ ਦੇ ਤਮਗੇ ਸ਼ਾਮਲ ਸਨ। ਹੋਰ ਸ਼੍ਰੇਣੀਆਂ ‘ਚ ਜੇਤੂਆਂ ‘ਚੋਂ 69 ਕਿਲੋਗ੍ਰਾਮ ਭਾਰ ਵਰਗ (ਸੀਨੀਅਰ) ਵਿੱਚ ਭੂਮੀਜ਼ਾ ਵੈਦ ਨੇ ਸੋਨਾ ਜਿੱਤਿਆ, ਅਰਸ਼ਦੀਪ ਕੌਰ ਨੇ ਚਾਂਦੀ ਅਤੇ ਸੀਜੀਸੀ ਲਾਂਡਰਾਂ ਦੀ ਪੂਜਾ ਕੁਮਾਰੀ ਨੇ ਕਾਂਸੀ ਦਾ ਤਗਮਾ ਜਿੱਤਿਆ। ਇਸੇ ਤਰ੍ਹਾਂ 77 ਕਿਲੋਗ੍ਰਾਮ ਭਾਰ ਵਰਗ (ਸੀਨੀਅਰ) ਵਿੱਚ, ਸ਼ਾਲਿਨੀ, ਦੀਕਸ਼ਾ ਅਤੇ ਸੋਹਾਨੀ ਨੇ ਕ੍ਰਮਵਾਰ ਸੋਨਾ, ਚਾਂਦੀ ਅਤੇ ਕਾਂਸੀ ਦੇ ਤਗਮੇ ਜਿੱਤੇ।
ਇਸਦੇ ਨਾਲ ਹੀ 77 ਕਿਲੋਗ੍ਰਾਮ ਭਾਰ ਵਰਗ (ਜੂਨੀਅਰ) ‘ਚ ਅਨਿਆ ਰਕਵਾਲ ਨੇ ਸੋਨ ਤਮਗਾ, ਬੇਦੀਕਾ ਕੌਸ਼ਲ ਨੇ ਚਾਂਦੀ ਦਾ ਤਮਗਾ ਜਦੋਂ ਕਿ ਦੀਕਸ਼ਾ ਨੇ ਕਾਂਸੀ ਦਾ ਤਮਗਾ ਜਿੱਤਿਆ। 86 ਕਿਲੋਗ੍ਰਾਮ ਭਾਰ ਵਰਗ (ਜੂਨੀਅਰ) ‘ਚ ਜੈਸਮੀਨ ਕੌਰ ਸੰਧੂ, ਕਿਰਨ ਕੰਵਰ ਅਤੇ ਰੁਚੀ ਨੇ ਕ੍ਰਮਵਾਰ ਸੋਨ, ਚਾਂਦੀ ਅਤੇ ਕਾਂਸੀ ਦੇ ਤਗਮੇ ਜਿੱਤੇ।
86 ਪਲੱਸ ਕਿਲੋਗ੍ਰਾਮ ਭਾਰ ਵਰਗ (ਜੂਨੀਅਰ) ‘ਚ ਨਵਜੋਤ ਚੌਧਰੀ, ਸਨਾ ਅਤੇ ਬ੍ਰਿੰਦਾਵਣੀ ਪੰਚਾਨੀ ਨੇ ਕ੍ਰਮਵਾਰ ਸੋਨ, ਚਾਂਦੀ ਅਤੇ ਕਾਂਸੀ ਦੇ ਤਗਮੇ ਜਿੱਤੇ। 69 ਕਿਲੋਗ੍ਰਾਮ ਭਾਰ ਵਰਗ (ਯੂਥ) ਵਿੱਚ ਕੰਗਨਾ ਅਤੇ ਭੂਮੀਜ਼ਾ ਵੈਦ ਨੇ ਕ੍ਰਮਵਾਰ ਸੋਨ ਅਤੇ ਚਾਂਦੀ ਦੇ ਤਗਮੇ ਜਿੱਤੇ। ਇਸੇ ਤਰ੍ਹਾਂ 58 ਕਿਲੋਗ੍ਰਾਮ ਭਾਰ ਵਰਗ (ਯੂਥ) ‘ਚ ਸਿਮਰਨ, ਜਯੋਤਸਨਾ ਅਤੇ ਆਨੰਦਿਤਾ ਕੁਮਾਰੀ ਨੇ ਕ੍ਰਮਵਾਰ ਸੋਨ, ਚਾਂਦੀ ਅਤੇ ਕਾਂਸੀ ਦੇ ਤਗਮੇ ਜਿੱਤੇ।
ਇਸ ਮੌਕੇ ਗੱਲਬਾਤ ਕਰਦਿਆਂ ਡਾ.ਰਾਜਦੀਪ ਸਿੰਘ, ਕੈਂਪਸ ਡਾਇਰੈਕਟਰ, ਸੀਜੀਸੀ ਲਾਂਡਰਾਂ ਨੇ ਕਿਹਾ ਕਿ ਅਸਮਿਤਾ ਵੇਟਲਿਫਟਿੰਗ ਲੀਗ ਔਰਤਾਂ ਨੂੰ ਆਪਣਾ ਹੁਨਰ ਦਿਖਾਉਣ ਅਤੇ ਖੇਡਾਂ ਰਾਹੀਂ ਆਤਮਵਿਸ਼ਵਾਸ ਹਾਸਲ ਕਰਨ ਲਈ ਇੱਕ ਮਹੱਤਵਪੂਰਨ ਮੰਚ ਪ੍ਰਦਾਨ ਕਰਦੀ ਹੈ। ਉਨ੍ਹਾਂ ਕਿਹਾ ਕਿ ਸੀਜੀਸੀ ਲਾਂਡਰਾਂ ਵਿਖੇ ਇਸ ਮੁਕਾਬਲੇ ਦੀ ਮੇਜ਼ਬਾਨੀ ਮਹਿਲਾ ਐਥਲੀਟਾਂ ਨੂੰ ਸਮਰਥਨ ਦੇਣ ਅਤੇ ਮੁੱਖ ਧਾਰਾ ਦੇ ਮੁਕਾਬਲੇ ਵਾਲੀਆਂ ਖੇਡਾਂ ‘ਚ ਜ਼ਮੀਨੀ ਪੱਧਰ ’ਤੇ ਭਾਗੀਦਾਰੀ ਨੂੰ ਮਜ਼ਬੂਤ ਕਰਨ ਪ੍ਰਤੀ ਸਾਡੀ ਵਚਨਬੱਧਤਾ ਨੂੰ ਦਰਸਾਉਂਦੀ ਹੈ। ਮੁਕਾਬਲੇ ਦੀ ਅੰਪਾਇਰਿੰਗ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਪੱਧਰ ਦੇ ਰੈਫਰੀਆਂ ਵੱਲੋਂ ਕੀਤੀ, ਜਿਸ ਨਾਲ ਪੂਰੇ ਪ੍ਰੋਗਰਾਮ ਦੌਰਾਨ ਉੱਚ ਤਕਨੀਕੀ ਮਿਆਰਾਂ ਅਤੇ ਨਿਰਪੱਖ ਖੇਡ ਨੂੰ ਯਕੀਨੀ ਬਣਾਇਆ।
Read More: ਸੀਜੀਸੀ ਯੂਨੀਵਰਸਿਟੀ ਮੋਹਾਲੀ ਦੇ ਮੈਨੇਜਿੰਗ ਡਾਇਰੈਕਟਰ ਅਰਸ਼ ਧਾਲੀਵਾਲ ਸਰਕਾਰ-ਏ-ਖ਼ਾਲਸਾ ਐਵਾਰਡ ਨਾਲ ਸਨਮਾਨਿਤ
