ਸਪੋਰਟਸ, 30 ਸਤੰਬਰ 2025: IND W ਬਨਾਮ SL W: ਮਹਿਲਾ ਵਨਡੇ ਵਿਸ਼ਵ ਕੱਪ 2025 ਦੇ ਪਹਿਲੇ ਮੈਚ ‘ਚ ਅੱਜ ਸ਼੍ਰੀਲੰਕਾ ਭਾਰਤ ਦਾ ਮੁਕਾਬਲਾ ਜਾਰੀ ਹੈ। ਸ਼੍ਰੀਲੰਕਾ ਦੀ ਕਪਤਾਨ ਅਟਾਪੱਟੂ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਭਾਰਤੀ ਟੀਮ ਨੇ ਤਿੰਨ ਸਪਿਨਰ ਅਤੇ ਦੋ ਤੇਜ਼ ਗੇਂਦਬਾਜ਼ ਮੈਦਾਨ ‘ਚ ਉਤਾਰੇ।
ਭਾਰਤੀ ਟੀਮ ਨੂੰ ਸਮ੍ਰਿਤੀ ਮੰਧਾਨਾ ਦੇ ਰੂਪ ‘ਚ ਪਹਿਲਾ ਝਟਕਾ ਲੱਗਾ। ਮੰਧਾਨਾ ਨੂੰ ਉਦੇਸ਼ਿਕਾ ਪ੍ਰਬੋਧਨੀ ਦੀ ਗੇਂਦਬਾਜ਼ੀ ‘ਤੇ ਵਿਸ਼ਮੀ ਗੁਣਾਰਤਨੇ ਨੇ ਕੈਚ ਕਰਵਾਇਆ। ਮੰਧਾਨਾ 10 ਗੇਂਦਾਂ ‘ਤੇ ਅੱਠ ਦੌੜਾਂ ਬਣਾ ਕੇ ਆਊਟ ਹੋ ਗਈ, ਜਿਸ ‘ਚ ਦੋ ਚੌਕੇ ਸ਼ਾਮਲ ਸਨ। ਭਾਰਤ ਨੇ ਚਾਰ ਓਵਰਾਂ ਬਾਅਦ ਇੱਕ ਵਿਕਟ ‘ਤੇ 18 ਦੌੜਾਂ ਬਣਾਈਆਂ ਸਨ। ਪ੍ਰਤੀਕਾ ਰਾਵਲ ਅਤੇ ਹਰਲੀਨ ਦਿਓਲ ਕ੍ਰੀਜ਼ ‘ਤੇ ਸਨ।
ਦੁਨੀਆ ‘ਚ ਤੀਜੇ ਸਥਾਨ ‘ਤੇ ਕਾਬਜ਼ ਹਰਮਨਪ੍ਰੀਤ ਕੌਰ ਦੀ ਅਗਵਾਈ ਵਾਲੀ ਟੀਮ 13ਵੇਂ ਵਿਸ਼ਵ ਕੱਪ ‘ਚ ਹਾਲਾਤਾਂ ਤੋਂ ਜਾਣੂ ਹੋਣ ਦਾ ਪੂਰਾ ਫਾਇਦਾ ਉਠਾਉਣ ਦੀ ਕੋਸ਼ਿਸ਼ ਕਰੇਗੀ। ਇਹ ਟੂਰਨਾਮੈਂਟ 12 ਸਾਲਾਂ ਬਾਅਦ ਭਾਰਤ ‘ਚ ਹੋ ਰਿਹਾ ਹੈ। ਟੂਰਨਾਮੈਂਟ ‘ਚ ਹਿੱਸਾ ਲੈਣ ਵਾਲੀਆਂ ਅੱਠ ਚੋਟੀ ਦੀਆਂ ਟੀਮਾਂ ਆਸਟ੍ਰੇਲੀਆ, ਇੰਗਲੈਂਡ, ਭਾਰਤ, ਨਿਊਜ਼ੀਲੈਂਡ, ਦੱਖਣੀ ਅਫਰੀਕਾ, ਸ੍ਰੀਲੰਕਾ, ਬੰਗਲਾਦੇਸ਼ ਅਤੇ ਪਾਕਿਸਤਾਨ ਹਨ। ਸਾਰੀਆਂ ਟੀਮਾਂ ਭਾਰਤ ਦੇ ਚਾਰ ਸਥਾਨਾਂ ਅਤੇ ਕੋਲੰਬੋ ‘ਚ ਇੱਕ ਸਥਾਨ ‘ਤੇ ਰਾਊਂਡ ਰੌਬਿਨ ਦੇ ਆਧਾਰ ‘ਤੇ 28 ਲੀਗ ਮੈਚ ਖੇਡਣਗੀਆਂ।
Read More: IND ਬਨਾਮ SL: ਮਹਿਲਾ ਵਨਡੇ ਵਿਸ਼ਵ ਕੱਪ ਦੇ ਪਹਿਲੇ ਮੈਚ ‘ਚ ਅੱਜ ਭਾਰਤ ਤੇ ਸ਼੍ਰੀਲੰਕਾ ਵਿਚਾਲੇ ਟੱਕਰ
