ਪੰਜਾਬ, 30 ਸਤੰਬਰ 2025: ਏਸ਼ੀਆ ਕੱਪ ਦੇ ਸਟਾਰ ਕ੍ਰਿਕਟਰ ਅਭਿਸ਼ੇਕ ਸ਼ਰਮਾ ਬੀਤੀ ਦੇਰ ਰਾਤ ਪੰਜਾਬ ਪਹੁੰਚੇ। ਉਹ ਕ੍ਰਿਕਟਰ ਅਤੇ ਆਪਣੇ ਮੈਂਟਰ ਯੁਵਰਾਜ ਸਿੰਘ ਨਾਲ ਚੰਡੀਗੜ੍ਹ ਹਵਾਈ ਅੱਡੇ ‘ਤੇ ਉਤਰੇ। ਅਭਿਸ਼ੇਕ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟਸ ‘ਤੇ ਯੁਵਰਾਜ ਸਿੰਘ ਨਾਲ ਆਪਣੀਆਂ ਫੋਟੋਆਂ ਵੀ ਸਾਂਝੀਆਂ ਕੀਤੀਆਂ। ਇਸ ਤੋਂ ਬਾਅਦ, ਉਹ ਸਿੱਧੇ ਲੁਧਿਆਣਾ ਚਲੇ ਗਏ, ਜਿੱਥੇ ਉਨ੍ਹਾਂ ਦੀ ਭੈਣ ਦਾ ਵਿਆਹ ਸਮਾਗਮ ਦੇ “ਸ਼ਗੁਨ” ਦੀ ਰਸ਼ਮ ਨਿਭਾਈ ਜਾ ਰਹੀ ਹੈ |
ਭਾਰਤੀ ਟੀਮ ਕੱਲ੍ਹ ਹੀ ਦੁਬਈ ਤੋਂ ਭਾਰਤ ਵਾਪਸ ਆਈ। ਭਾਰਤੀ ਟੀਮ ਦੇ ਕੋਚ ਗੌਤਮ ਗੰਭੀਰ ਦੇ ਨਾਲ, ਅਹਿਮਦਾਬਾਦ ਪਹੁੰਚੀ, ਜਿੱਥੋਂ ਅਭਿਸ਼ੇਕ ਅਤੇ ਯੁਵਰਾਜ ਸਿੰਘ ਬੀਤੀ ਦੇਰ ਰਾਤ ਸਿੱਧੇ ਚੰਡੀਗੜ੍ਹ ਹਵਾਈ ਅੱਡੇ ਲਈ ਰਵਾਨਾ ਹੋਏ।
ਏਸ਼ੀਆ ਕੱਪ ਜਿੱਤਣ ਤੋਂ ਬਾਅਦ, ਅਭਿਸ਼ੇਕ ਸ਼ਰਮਾ ਹੁਣ ਆਪਣੀ ਭੈਣ ਕੋਮਲ ਦੇ ਵਿਆਹ ਲਈ ਆਪਣੇ ਪਰਿਵਾਰ ਨਾਲ ਰੁੱਝੇ ਹੋਏ ਹਨ। ਵਿਆਹ ਦੀਆਂ ਰਸਮਾਂ ਅੱਜ ਤੋਂ ਸ਼ੁਰੂ ਹੋ ਰਹੀਆਂ ਹਨ। “ਸ਼ਗੁਨ” ਸਮਾਗਮ ਲੁਧਿਆਣਾ ‘ਚ ਹੋਵੇਗਾ। ਅਭਿਸ਼ੇਕ ਦੀ ਭੈਣ ਦਾ ਵਿਆਹ ਲੁਧਿਆਣਾ ਦੇ ਨੌਜਵਾਨ ਉੱਦਮੀ ਲਵੀਸ਼ ਓਬਰਾਏ ਨਾਲ ਹੋ ਰਿਹਾ ਹੈ। ਆਪਣੀ ਅਭਿਸ਼ੇਕ ਦੀ ਭੈਣ ਦਾ ਵਿਆਹ 3 ਅਕਤੂਬਰ ਨੂੰ ਹੋ ਰਿਹਾ ਹੈ। ਵਿਆਹ ਦੀ ਰਸਮ ਅੰਮ੍ਰਿਤਸਰ ਵਿੱਚ ਹੋਵੇਗੀ, ਵਿਆਹ ਅੰਮ੍ਰਿਤਸਰ ਦੇ ਇੱਕ ਗੁਰਦੁਆਰੇ ਵਿੱਚ ਹੋਵੇਗਾ।
Read More: IND ਬਨਾਮ PAK: ਅਭਿਸ਼ੇਕ ਸ਼ਰਮਾ ਦੀ ਤੂਫ਼ਾਨੀ ਬੱਲੇਬਾਜ਼ੀ, ਭਾਰਤ ਨੇ ਪਾਕਿਸਤਾਨ ਨੂੰ 6 ਵਿਕਟਾਂ ਨਾਲ ਹਰਾਇਆ
