ਚੰਡੀਗੜ੍ਹ, 03 ਫਰਵਰੀ 2025: ਪ੍ਰੈਸ ਕਲੱਬ ਚੰਡੀਗੜ੍ਹ (Press Club Chandigarh) ਦੇ ਪ੍ਰਧਾਨ ਨਲਿਨ ਆਚਾਰੀਆ ਨੇ ਕਿਹਾ ਕਿ ਦਿੱਲੀ ਪੁਲਿਸ ਵੱਲੋਂ ਕੱਲ੍ਹ ਰਾਤ ਦਿੱਲੀ ‘ਚ ਪੱਤਰਕਾਰਾਂ ਨਾਲ ਕੀਤਾ ਦੁਰਵਿਵਹਾਰ ਬਹੁਤ ਹੀ ਨਿੰਦਣਯੋਗ ਹੈ। ਉਨ੍ਹਾਂ ਕਿਹਾ ਕਿ ਚੋਣ ਕਵਰੇਜ ਲਈ ਚੰਡੀਗੜ੍ਹ ਗਏ ਪੱਤਰਕਾਰਾਂ ਅਤੇ ਕੈਮਰਾਮੈਨਾਂ ਨੂੰ ਸਾਰੀ ਰਾਤ ਥਾਣੇ ਵਿੱਚ ਰੱਖਣਾ ਵੀ ਉਨ੍ਹਾਂ ਦੇ ਅਧਿਕਾਰਾਂ ਦੀ ਉਲੰਘਣਾ ਹੈ। ਜਿਸ ‘ਚ ਉਸ ਵੱਲੋਂ ਦਿਖਾਏ ਪਛਾਣ ਪੱਤਰਾਂ ਨੂੰ ਵੀ ਨਜ਼ਰਅੰਦਾਜ਼ ਕਰ ਦਿੱਤਾ ਗਿਆ।
ਉਨ੍ਹਾਂ ਕਿਹਾ ਕਿ ਦਿੱਲੀ ਪੁਲਿਸ ਨੂੰ ਇਹ ਸਮਝਣਾ ਪਵੇਗਾ ਕਿ ਦਿੱਲੀ ਤੋਂ ਬਾਅਦ ਚੰਡੀਗੜ੍ਹ ਦੇਸ਼ ਦਾ ਇੱਕੋ ਇੱਕ ਅਜਿਹਾ ਖੇਤਰ ਹੈ, ਜਿੱਥੇ ਪੱਤਰਕਾਰ ਦੇਸ਼ ਦੀ ਰਾਜਨੀਤੀ ਦੀ ਕਵਰੇਜ ਦਿੰਦੇ ਹਨ, ਜਿਸ ‘ਚ ਬਹੁਤ ਸਾਰੇ ਅੰਤਰਰਾਸ਼ਟਰੀ ਪੱਧਰ ਦੇ ਪੱਤਰਕਾਰ ਚੰਡੀਗੜ੍ਹ ਤੋਂ ਵੀ ਕਵਰੇਜ ਕਰਦੇ ਹਨ ਅਤੇ ਨਾ ਸਿਰਫ਼ ਦਿੱਲੀ ‘ਚ, ਸਗੋਂ ਉਹ ਦੇਸ਼-ਵਿਦੇਸ਼ਾਂ ਤੋਂ ਬਾਹਰ ਵੀ ਪੱਤਰਕਾਰੀ (journalism) ਕਰਦੇ ਹਨ ਜਾਂ ਕਰ ਰਹੇ ਹਨ। ਅਜਿਹੀ ਸਥਿਤੀ ਚ ਦਿੱਲੀ ਪੁਲਿਸ ਦਾ ਇਹ ਕਹਿਣਾ ਕਿ ਉਹ ਬਾਹਰੋਂ ਦਿੱਲੀ ਆ ਕੇ ਪੱਤਰਕਾਰੀ ਕਿਉਂ ਕਰ ਰਹੇ ਹਨ, ਇਹ ਵੀ ਪੱਤਰਕਾਰਾਂ ਦੇ ਅਧਿਕਾਰਾਂ ਦੀ ਉਲੰਘਣਾ ਹੈ।
ਚੰਡੀਗੜ੍ਹ ਪ੍ਰੈਸ ਕਲੱਬ ਨੇ ਇਸ ਅਣਮਨੁੱਖੀ ਕਾਰਵਾਈ ਦੀ ਸਖ਼ਤ ਨਿੰਦਾ ਕੀਤਾ ਹੈ, ਦੂਜੇ ਪਾਸੇ ਇਹ ਸੀਨੀਅਰ ਅਧਿਕਾਰੀਆਂ ਅਤੇ ਚੋਣ ਕਮਿਸ਼ਨ ਤੋਂ ਇਸ ਮਾਮਲੇ ‘ਚ ਕਾਰਵਾਈ ਦੀ ਵੀ ਉਮੀਦ ਕੀਤੀ ਹੈ |
Read More: Delhi Election: ਦਿੱਲੀ ਪੁਲਿਸ ਦੀ ਗੁੰ.ਡਾ.ਗ.ਰ.ਦੀ ! ਸਾਰੀ ਰਾਤ ਥਾਣੇ ‘ਚ ਰੱਖੇ ਪੰਜਾਬ ਦੇ ਪੱਤਰਕਾਰ
