14 ਨਵੰਬਰ 2024: ਧੁੰਦ (fog) ਦੇ ਨਾਲ-ਨਾਲ ਸੂਬੇ ‘ਚ ਸੜਕ ਹਾਦਸਿਆਂ(road accident)  ‘ਚ ਵੀ ਵਾਧਾ ਹੋ ਰਿਹਾ ਹੈ, ਹਰ ਦਿਨ ਪੰਜਾਬ ਦੇ ਨਾਲ ਨਾਲ ਹਰਿਆਣਾ (haryana)  ਤੇ ਹੋਰ ਸੂਬਿਆਂ ਦੇ ਵਿਚ ਇਹ ਸੜਕ ਹਾਦਸੇ ਦੇ ਮਾਮਲੇ ਸਾਹਮਣੇ ਆ ਰਹੇ ਹਨ, ਜਿੱਥੇ ਅੱਜ ਵੀਰਵਾਰ ਨੂੰ ਪਾਣੀਪਤ ਸ਼ਹਿਰ ‘ਚ ਐਲੀਵੇਟਿਡ ਹਾਈਵੇਅ ‘ਤੇ 3 ਵੱਖ-ਵੱਖ ਥਾਵਾਂ ‘ਤੇ ਇਕ ਟਰੱਕ ਨੇ 6 ਲੋਕਾਂ ਨੂੰ ਕੁਚਲਿਆ। ਇਸ ‘ਚ 5 ਲੋਕਾਂ ਦੀ ਮੌਤ ਹੋ ਗਈ ਹੈ। ਜਦਕਿ ਇੱਕ ਦੀ ਹਾਲਤ ਨਾਜ਼ੁਕ ਬਣੀ ਹੋਈ ਹੈ। ਪੁਲਿਸ ਨੇ ਕੁਝ ਦੂਰੀ ’ਤੇ ਹੀ ਟਰੱਕ ਦੇ ਡਰਾਈਵਰ ਨੂੰ ਕਾਬੂ ਕਰ ਲਿਆ। ਉਥੇ ਹੀ ਪੁਲਿਸ ਦੇ ਵਲੋਂ ਅਗਲੇਰੀ ਜਾਣਕਾਰੀ ਦੇ ਲਈ ਮੁਲਜ਼ਮਾਂ ਕੋਲੋਂ ਪੁੱਛਗਿੱਛ ਕੀਤੀ ਜਾ ਰਹੀ ਹੈ।

ਉਥੇ ਹੀ ਜਾਣਕਾਰੀ ਮਿਲੀ ਹੈ ਕਿ ਇਸ ਹਾਦਸੇ ਦੇ ਵਿੱਚ 5 ਮ੍ਰਿਤਕਾਂ ‘ਚੋਂ 2 ਦੀ ਪਛਾਣ ਹੋ ਗਈ ਹੈ। ਦੋ ਮ੍ਰਿਤਕਾਂ ਦੀ ਪਛਾਣ ਸੂਰਜ ਅਤੇ ਅੰਕਿਤ ਪਿੰਡ ਪਾਵਟੀ ਵਜੋਂ ਹੋਈ ਹੈ। ਸੂਰਜ ਸਿਵਲ ਹਸਪਤਾਲ ਵਿੱਚ ਕੰਮ ਕਰਦਾ ਸੀ, ਜਦਕਿ ਅੰਕਿਤ ਸਮਾਲਖਾ ਬਿਜਲੀ ਬੋਰਡ ਵਿੱਚ ਅਪ੍ਰੈਂਟਿਸ ਵਜੋਂ ਕੰਮ ਕਰਦਾ ਸੀ।