ਮੋਹਾਲੀ, 03 ਨਵੰਬਰ 2024: ਮੋਹਾਲੀ (Mohali) ‘ਚ ਇੱਕ ਕਾਰੋਬਾਰੀ ਨਾਲ ਕੁੱਟਮਾਰ ਕਰਕੇ ਥਾਰ ਕਾਰ ਲੁੱਟਣ ਦਾ ਮਾਮਲਾ ਸਾਹਮਣੇ ਆਇਆ ਹੈ | ਇਹ ਘਟਨਾ ਸਵੇਰੇ 3 ਵਜੇ ਦੀ ਦੱਸੀ ਜਾ ਰਹੀ ਹੈ। ਜਾਣਕਾਰੀ ਮੁਤਾਬਕ ਉਕਤ ਕਾਰੋਬਾਰੀ ਦੀਪਕ ਅਗਰਵਾਲ ਮੋਹਾਲੀ ਤੋ ਲਾਂਡਰਾ ਦੀ ਵੱਲ ਜਾ ਰਿਹਾ ਸੀ | ਇਸ ਦੌਰਾਨ ਅਚਾਨਕ ਸੋਹਾਣਾ ਹਸਪਤਾਲ ਲਾਇਟ ਪੁਆਇੰਟ ‘ਤੇ ਮਰੂਤੀ ‘ਤੇ ਸਵਾਰ 5 ਤੋਂ 6 ਅਣਪਛਾਤਿਆਂ ਨੇ ਥਾਰ ਦੇ ਅੱਗੇ ਕਾਰ ਲਗਾ ਕੇ ਰੋਕ ਲਿਆ |

ਇਸ ਦੌਰਾਨ ਅਣਪਛਾਤਿਆਂ ਨੇ ਕਾਰੋਬਾਰੀ ਨਾਲ ਕੁੱਟਮਾਰ ਕੀਤੀ ਤੇ ਬਾਅਦ ‘ਚ ਉਸਦੀ ਸੋਨੇ ਦੀ ਚੇਨ ਬ੍ਰੇਸਲੇਟ ਅਤੇ ਥਾਰ ਗੱਡੀ ਖੋਹ ਫ਼ਰਾਰ ਹੋ ਗਏ। ਜ਼ਖਮੀ ਕਾਰੋਬਾਰੀ ਨੂੰ ਦੂਜੀ ਗੱਡੀ ‘ਚ ਪਿੱਛੇ ਆ ਰਹੇ ਦੋਸਤਾਂ ਨੇ ਹੀ ਮੋਹਾਲੀ ਸਿਵਲ ਹਸਪਤਾਲ ਦਾਖਲ ਕਰਵਾਇਆ | ਜ਼ਖਮੀ ਕਾਰੋਬਾਰੀ ਦੀਪਕ ਅਗਰਵਾਲ ਗੋਬਿੰਦਗੜ੍ਹ ਦਾ ਰਹਿਣ ਵਾਲਾ ਹੈ | ਸੋਹਾਣਾ ਪੁਲਿਸ ਨੇ ਬਿਆਨ ਦਰਜ ਕਰਕੇ ਕਰਵਾਈ ਸ਼ੁਰੂ ਕਰ ਦਿੱਤੀ ਹੈ |