ਚੰਡੀਗੜ, 19 ਅਕਤੂਬਰ 2024: ਬਾਲੀਵੁੱਡ ਅਦਾਕਾਰ ਸੰਨੀ ਦਿਓਲ (Sunny Deol) ਅੱਜ 19 ਅਕਤੂਬਰ ਨੂੰ ਆਪਣਾ ਜਨਮ ਦਿਨ ਮਨਾ ਰਹੇ ਹਨ | ਇਸ ਮੌਕੇ ਫਿਲਮ ਗਦਰ ‘ਚ ਜ਼ਬਰਦਸਤ ਐਕਸ਼ਨ ਦਿਖਾਉਣ ਵਾਲੇ ਸੰਨੀ ਦਿਓਲ ਨੇ ਆਪਣੀ ਨਵੀਂ ਫਿਲਮ ਦਾ ਐਲਾਨ ਕੀਤਾ ਹੈ। ਫਿਲਮ ਦਾ ਨਾਂ ‘ਜਾਟ’ ਹੈ। ਜਿਸ ਦੀ ਪਹਿਲੀ ਝਲਕ ਰਿਲੀਜ਼ ਹੋ ਚੁੱਕੀ ਹੈ।
ਹਮੇਸ਼ਾ ਦੀ ਤਰ੍ਹਾਂ ਇਸ ‘ਚ ਵੀ ਸੰਨੀ ਦਮਦਾਰ ਅਵਤਾਰ ‘ਚ ਨਜ਼ਰ ਆ ਰਹੇ ਹਨ । ਪੋਸਟਰ ‘ਚ ਤੁਸੀਂ ਸਾਫ ਦੇਖ ਸਕਦੇ ਹੋ ਕਿ ਸੰਨੀ ਦੀਆਂ ਅੱਖਾਂ ‘ਚੋਂ ਗੁੱਸਾ ਟਪਕ ਰਿਹਾ ਹੈ ਅਤੇ ਉਸ ਦੇ ਹੱਥ ‘ਚ ਛੱਤ ਵਾਲਾ ਪੱਖਾ ਹੈ। ਇਸ ਨੂੰ ਦੇਖ ਕੇ ਅਜਿਹਾ ਲੱਗਦਾ ਹੈ ਜਿਵੇਂ ਉਸ ਨੇ ਕਿਸੇ ਨੂੰ ਮਾਰਨ ਲਈ ਇਸ ਪੱਖੇ ਨੂੰ ਉਖਾੜ ਦਿੱਤਾ ਹੋਵੇ। ਐਕਸ਼ਨ ਨਾਲ ਭਰਪੂਰ ਇਹ ਫਿਲਮ ਨਿਰਦੇਸ਼ਕ ਅਤੇ ਅਦਕਾਰ ਦੋਵਾਂ ਦੀ ਪਹਿਲੀ ਉੱਤਰ-ਦੱਖਣੀ ਸਹਿਯੋਗ ਹੋਵੇਗੀ।
ਗੋਪੀਚੰਦ ਮਲੀਨਨੀ ਇਸ ਫਿਲਮ JAAT ਨੂੰ ਡਾਇਰੈਕਟ ਕਰ ਰਹੇ ਹਨ। ਪਿੰਕਵਿਲਾ ਦੀ ਰਿਪੋਰਟ ਦੇ ਮੁਤਾਬਕ ਨਿਰਮਾਤਾ ਅਗਲੇ ਸਾਲ 2025 ਦੇ ਗਣਤੰਤਰ ਦਿਹਾੜੇ ਵੀਕੈਂਡ ‘ਤੇ ‘ਜਾਟ’ ਨੂੰ ਰਿਲੀਜ਼ ਕਰਨ ਦੀ ਯੋਜਨਾ ਬਣਾ ਰਹੇ ਹਨ। ਹਾਲਾਂਕਿ ਇਸ ਦਾ ਰਸਮੀ ਐਲਾਨ ਅਜੇ ਨਹੀਂ ਕੀਤਾ ਗਿਆ ਹੈ।
ਟਵਿੱਟਰ ‘ਤੇ ਆਪਣੀ ਪਹਿਲੀ ਝਲਕ ਜਾਰੀ ਕਰਦੇ ਹੋਏ ਅਤੇ ਸੰਨੀ ਨੂੰ ਜਨਮਦਿਨ ਦੀਆਂ ਸ਼ੁਭਕਾਮਨਾਵਾਂ ਦਿੰਦੇ ਹੋਏ ਗੋਪੀਚੰਦ ਨੇ ਲਿਖਿਆ, “ਹੈਪੀ ਬਰਥਡੇ ਐਕਸ਼ਨ ਸੁਪਰਸਟਾਰ ਸੰਨੀ ਦਿਓਲ (Sunny Deol)। ਤੁਹਾਡੇ ਨਾਲ ਕੰਮ ਕਰਕੇ ਅਤੇ ਤੁਹਾਨੂੰ JAAT ਵਜੋਂ ਪੇਸ਼ ਕਰਕੇ ਮਾਣ ਮਹਿਸੂਸ ਹੋਇਆ ਹੈ।
