ਮੋਹਾਲੀ, 24 ਜੁਲਾਈ 2024: ਮਾਈਂਡ ਟ੍ਰੀ ਸਕੂਲ (Mind Tree School) ਨੇ ਅੱਜ ਆਪਣਾ ਸਲਾਨਾ ਇੰਟਰ ਹਾਊਸ ਡਰਾਮਾ ਮੁਕਾਬਲਾ ਕਰਵਾਇਆ | ਇਸ ਪ੍ਰੋਗਰਾਮ ਨੇ ਸਕੂਲ ਨੂੰ ਰਚਨਾਤਮਕਤਾ ਦੇ ਇੱਕ ਜੀਵੰਤ ਕੇਂਦਰ ਵਿੱਚ ਬਦਲ ਦਿੱਤਾ। ਸਕੂਲ ਵੱਲੋਂ ਵਿਦਿਆਰਥੀਆਂ, ਮਾਪਿਆਂ ਅਤੇ ਵਿਸ਼ੇਸ਼ ਮਹਿਮਾਨਾਂ ਦੀ ਹਾਜ਼ਰੀ ‘ਚ ਕਰਵਾਏ ਇਸ ਪ੍ਰੋਗਰਾਮ ‘ਚ ਭਾਰੀ ਉਤਸ਼ਾਹ ਅਤੇ ਉਮੀਦ ਦੇਖੀ ਗਈ।
ਇਸ ਸਮਾਗਮ ਦੀ ਸ਼ੁਰੂਆਤ ਗਿਆਨ ਅਤੇ ਸਿਰਜਣਾਤਮਕਤਾ ਦੇ ਪ੍ਰਤੀਕ ਦੀਵੇ ਦੀ ਰਸਮੀ ਰੋਸ਼ਨੀ ਨਾਲ ਹੋਈ। ਪ੍ਰਿੰਸੀਪਲ ਹਰਵੀਨ ਕੌਰ, ਮਾਈਂਡ ਟ੍ਰੀ ਸਕੂਲ, ਆਈ.ਆਈ.ਟੀ ਮੰਡੀ ਦੀ ਪ੍ਰਿੰਸੀਪਲ ਗੁਲਸ਼ਨ ਦੀਵਾਨ ਅਤੇ ਚੇਅਰਪਰਸਨ, ਲਾਅ ਵਿਭਾਗ, ਪੰਜਾਬ ਯੂਨੀਵਰਸਿਟੀ, ਡਾ: ਵੰਦਨਾ ਏ. ਕੁਮਾਰ ਅਤੇ ਸਕੂਲ ਦੇ ਡਾਇਰੈਕਟਰ, ਡਾ: ਸੰਜੇ ਕੁਮਾਰ ਸਮੇਤ ਆਏ ਹੋਏ ਮਹਿਮਾਨਾਂ ਦੀ ਹਾਜ਼ਰੀ ਨਾਲ ਸਮਾਗਮ ਨੂ ਹੋਰ ਪ੍ਰੇਰਨਾਦਾਇਕ ਬਣਾ ਦਿੱਤਾ।
ਇਸ ਸਾਲ ਦਾ ਮੁਕਾਬਲਾ ਮਹਿਲਾ ਸਸ਼ਕਤੀਕਰਨ ਦੇ ਵਿਸ਼ੇ ‘ਤੇ ਕੇਂਦ੍ਰਿਤ ਸੀ, ਹਰੇਕ ਸਦਨ - ਆਕਾਸ਼, ਅਗਨੀ, ਜਲ ਅਤੇ ਪ੍ਰਿਥਵੀ ਨੇ ਸਾਵਿਤਰੀ ਬਾਈ ਫੂਲੇ, ਰੂਮਾ ਦੇਵੀ, ਅਹਿਲਿਆ ਬਾਈ ਹੋਲਕਰ ਅਤੇ ਮੁਥੂਲਕਸ਼ਮੀ ਰੈੱਡੀ ਦੀਆਂ ਪ੍ਰੇਰਨਾਦਾਇਕ ਕਹਾਣੀਆਂ ‘ਤੇ ਆਧਾਰਿਤ ਨਾਟਕ ਪੇਸ਼ ਕੀਤੇ ਗਏ । ਇਸ ਪ੍ਰੋਗਰਾਮ ਰਾਹੀਂ ਅਸਾਧਾਰਣ ਬੀਬੀਆਂ ਨੂੰ ਸ਼ਰਧਾਂਜਲੀ ਦਿੱਤੀ ਅਤੇ ਮਹਿਲਾ ਸਸ਼ਕਤੀਕਰਨ ਨੂੰ ਮਹੱਤਵ ਦਿੱਤਾ ਗਿਆ |
ਪ੍ਰਤੀਯੋਗਿਤਾ ‘ਚ ਅਗਨੀ ਸਦਨ ਜੇਤੂ ਬਣ ਕੇ ਉੱਭਰਿਆ, ਉਨਾਂ ਨੇ ਰੂਮਾ ਦੇਵੀ ਦੇ ਚਿੱਤਰਣ ਲਈ ਸਰਵੋਤਮ ਸਦਨ ਦਾ ਪੁਰਸਕਾਰ ਜਿੱਤਿਆ | ਇੱਕ ਸਮਕਾਲੀ ਸਮਾਜਿਕ ਉੱਦਮੀ, ਜੋ ਕਿ ਰਵਾਇਤੀ ਦਸਤਕਾਰੀ ਦੁਆਰਾ ਪੇਂਡੂ ਬੀਬੀਆਂ ਦੇ ਸਸ਼ਕਤੀਕਰਨ ‘ਚ ਕੰਮ ਕਰਨ ਲਈ ਜਾਣੀ ਜਾਂਦੀ ਹੈ। ਆਕਾਸ਼ ਸਦਨ ਦੇ ਗਰਵੀਤ ਸਾਹਨੀ ਅਤੇ ਜਲ ਸਦਨ ਦੀ ਯੁਵਿਕਾ ਸੂਦ ਨੂੰ ਕ੍ਰਮਵਾਰ ਲੜਕੇ ਅਤੇ ਲੜਕੀਆਂ ਦੇ ਵਰਗ ‘ਚ ਸਰਵੋਤਮ ਅਦਾਕਾਰ ਵਜੋਂ ਚੁਣਿਆ ਗਿਆ।
ਪ੍ਰੋਗਰਾਮ ‘ਚ ਪਹੁੰਚੇ ਮੁੱਖ ਮਹਿਮਾਨਾਂ ਦੇ ਭਾਸ਼ਣਾਂ ਨੇ ਸਾਰਿਆਂ ਨੂੰ ਆਪਣੇ ਗਿਆਨ ਅਤੇ ਹੌਸਲੇ ਨਾਲ ਪ੍ਰੇਰਿਤ ਕੀਤਾ। ਪ੍ਰਿੰਸੀਪਲ ਹਰਵੀਨ ਕੌਰ ਨੇ ਸਿੱਖਿਆ ਵਿੱਚ ਨਾਟਕ ਕਲਾ ਦੀ ਮਹੱਤਤਾ ’ਤੇ ਜ਼ੋਰ ਦਿੱਤਾ ਅਤੇ ਵਿਦਿਆਰਥੀਆਂ ਅਤੇ ਅਧਿਆਪਕਾਂ ਦੇ ਯਤਨਾਂ ਦੀ ਸ਼ਲਾਘਾ ਕੀਤੀ। ਮੁਕਾਬਲੇ ਨੇ ਸਾਰੇ ਹਾਜ਼ਰੀਨ ‘ਤੇ ਇੱਕ ਸਥਾਈ ਪ੍ਰਭਾਵ ਛੱਡਿਆ ਅਤੇ ਰੰਗਮੰਚ ਦੇ ਜਾਦੂ ਅਤੇ ਸਕੂਲੀ ਭਾਈਚਾਰੇ ਦੀ ਜੀਵੰਤ ਭਾਵਨਾ ਦਾ ਜਸ਼ਨ ਮਨਾਇਆ ਗਿਆ |
