3 ਅਗਸਤ 2025: ਇੰਡੀਗੋ (ndigo) ਦੀ ਮੁੰਬਈ-ਕੋਲਕਾਤਾ ਉਡਾਣ 6E-2387 ਵਿੱਚ ਹੰਗਾਮਾ ਸ਼ੁਰੂ ਹੋ ਗਿਆ ਜਦ ਇੱਕ ਵਿਅਕਤੀ ਦੇ ਵਲੋਂ ਇੱਕ ਨੌਜਵਾਨ ਨੂੰ ਥੱਪੜ ਮਾਰਿਆ ਗਿਆ, ਦੱਸ ਦੇਈਏ ਕਿ ਹੁਣ ਪੀੜਤ ਵਿਅਕਤੀ ਲਾਪਤਾ ਹੈ। ਹੁਸੈਨ ਅਹਿਮਦ ਮਜੂਮਦਾਰ (32), ਜੋ ਕਿ ਮੁੰਬਈ ਦੇ ਇੱਕ ਹੋਟਲ ਵਿੱਚ ਕੰਮ ਕਰਦਾ ਹੈ, ਕੋਲਕਾਤਾ ਆ ਰਿਹਾ ਸੀ। ਉਸਦਾ ਪਰਿਵਾਰ ਅਸਾਮ ਦੇ ਸਿਲਚਰ ਵਿੱਚ ਰਹਿੰਦਾ ਹੈ।
ਪਰਿਵਾਰ ਦੇ ਅਨੁਸਾਰ, ਹੁਸੈਨ ਨੂੰ 31 ਜੁਲਾਈ ਨੂੰ ਸਿਲਚਰ ਪਹੁੰਚਣਾ ਸੀ, ਪਰ ਉਹ ਨਹੀਂ ਆਇਆ। ਜਦੋਂ ਅਸੀਂ ਫੋਨ ਕੀਤਾ ਤਾਂ ਉਸਦਾ ਨੰਬਰ ਵੀ ਬੰਦ ਸੀ। ਅਗਲੇ ਦਿਨ ਅਸੀਂ ਸਿਲਚਰ ਹਵਾਈ ਅੱਡੇ ‘ਤੇ ਪਹੁੰਚੇ, ਪਰ ਹੁਸੈਨ ਬਾਰੇ ਕੋਈ ਜਾਣਕਾਰੀ ਨਹੀਂ ਸੀ। ਹੁਸੈਨ ਦਾ ਨੰਬਰ ਲਗਾਤਾਰ ਬੰਦ ਦਿਖਾਈ ਦੇ ਰਿਹਾ ਹੈ।
ਪਰਿਵਾਰ ਦਾ ਦੋਸ਼ ਹੈ ਕਿ ਨਾ ਤਾਂ ਇੰਡੀਗੋ (indigo) ਅਤੇ ਨਾ ਹੀ ਸਿਲਚਰ ਹਵਾਈ ਅੱਡਾ ਹੁਸੈਨ ਬਾਰੇ ਕੋਈ ਜਾਣਕਾਰੀ ਦੇ ਰਿਹਾ ਹੈ। ਬਾਅਦ ਵਿੱਚ ਸਾਨੂੰ ਜਹਾਜ਼ ਵਿੱਚ ਹੁਸੈਨ ਨਾਲ ਕੁੱਟਮਾਰ ਕੀਤੇ ਜਾਣ ਦਾ ਵੀਡੀਓ ਮਿਲਿਆ। ਅਸੀਂ ਹਵਾਈ ਅੱਡੇ CISF ਨੂੰ ਰਿਪੋਰਟ ਕੀਤੀ ਹੈ। ਸਥਾਨਕ ਪੁਲਿਸ ਸਟੇਸ਼ਨ ਵਿੱਚ ਲਾਪਤਾ ਵਿਅਕਤੀ ਦਾ ਮਾਮਲਾ ਵੀ ਦਰਜ ਕੀਤਾ ਗਿਆ ਹੈ।
ਏਅਰਲਾਈਨ ਨੇ ਇੱਕ ਬਿਆਨ ਜਾਰੀ ਕਰਕੇ ਕਿਹਾ ਕਿ ਦੋਸ਼ੀ ਯਾਤਰੀ ਨੂੰ ਨੋ-ਫਲਾਇੰਗ ਸੂਚੀ ਵਿੱਚ ਪਾ ਦਿੱਤਾ ਗਿਆ ਹੈ। ਇਸਦਾ ਮਤਲਬ ਹੈ ਕਿ ਉਹ ਵਿਅਕਤੀ ਭਵਿੱਖ ਵਿੱਚ ਇੰਡੀਗੋ ਦੀਆਂ ਉਡਾਣਾਂ ਵਿੱਚ ਯਾਤਰਾ ਨਹੀਂ ਕਰ ਸਕੇਗਾ।
Read More: ਦਿੱਲੀ ਤੋਂ ਗੋਆ ਜਾ ਰਹੀ ਇੰਡੀਗੋ ਫਲਾਈਟ ਦੀ ਕਰਵਾਈ ਐਮਰਜੈਂਸੀ ਲੈਂਡਿੰਗ
