ਚੰਡੀਗੜ, 25 ਮਾਰਚ 2025: ਹਰਿਆਣਾ ਦੇ ਊਰਜਾ, ਆਵਾਜਾਈ ਅਤੇ ਕਿਰਤ ਮੰਤਰੀ ਅਨਿਲ ਵਿਜ (Anil Vij) ਨੇ ਕਿਹਾ ਕਿ ਅੰਬਾਲਾ ਛਾਉਣੀ ‘ਚ ਟਾਂਗਰੀ ਨਦੀ (Tangri River) ਦੇ ਤਲ ਨੂੰ ਛੇ ਫੁੱਟ ਡੂੰਘਾ ਕਰਨ ਦਾ ਕੰਮ ਸ਼ੁਰੂ ਕਰ ਦਿੱਤਾ ਗਿਆ ਹੈ, ਜਿਸ ਨਾਲ ਨੇੜਲੀਆਂ ਕਲੋਨੀਆਂ ਦੇ ਹਜ਼ਾਰਾਂ ਨਿਵਾਸੀਆਂ ਨੂੰ ਲਾਭ ਹੋਵੇਗਾ। ਉਨ੍ਹਾਂ ਕਿਹਾ ਕਿ ਅੰਬਾਲਾ ਛਾਉਣੀ ‘ਚ ਟਾਂਗਰੀ ਨਦੀ ਖੇਤਰ ਤੋਂ ਕੱਢੀ ਗਈ ਰੇਤ ਨੂੰ ਨੈਸ਼ਨਲ ਹਾਈਵੇ ਅਥਾਰਟੀ ਅਧੀਨ ਚਲਾਏ ਜਾ ਰਹੇ ਅੰਬਾਲਾ ਰਿੰਗ ਰੋਡ ਪ੍ਰੋਜੈਕਟ ਵਿੱਚ ਵਰਤਿਆ ਜਾਵੇਗਾ। ਇਸ ਤੋਂ ਇਲਾਵਾ, 2.67 ਕਰੋੜ ਰੁਪਏ ਦੀ ਲਾਗਤ ਨਾਲ ਨਦੀ ਦੇ ਬੰਨ੍ਹ ਨੂੰ ਜਗਾਧਾਰੀ ਰੋਡ ਤੱਕ ਮਜ਼ਬੂਤ ਅਤੇ ਉੱਚਾ ਕੀਤਾ ਜਾਵੇਗਾ।
ਉਨ੍ਹਾਂ ਕਿਹਾ ਕਿ ਟਾਂਗਰੀ ਨਦੀ (Tangri River) ਨੂੰ ਡੂੰਘਾ ਕਰਨ ਲਈ ਸਿੰਚਾਈ ਵਿਭਾਗ, ਨੈਸ਼ਨਲ ਹਾਈਵੇ ਅਥਾਰਟੀ ਆਫ਼ ਇੰਡੀਆ ਅਤੇ ਨਗਰ ਕੌਂਸਲ ਅੰਬਾਲਾ ਸਦਰ ਵਿਚਕਾਰ ਇੱਕ ਸਮਝੌਤਾ ਪੱਤਰ (ਐਮਓਯੂ) ‘ਤੇ ਹਸਤਾਖਰ ਕੀਤੇ ਗਏ ਸਨ, ਜਿਸ ਦੇ ਤਹਿਤ ਅੰਬਾਲਾ ਛਾਉਣੀ ‘ਚ ਟਾਂਗਰੀ ਨਦੀ ਖੇਤਰ ਤੋਂ ਕੱਢੀ ਰੇਤ ਨੂੰ ਨੈਸ਼ਨਲ ਹਾਈਵੇ ਅਥਾਰਟੀ ਅਧੀਨ ਚਲਾਏ ਜਾ ਰਹੇ ਅੰਬਾਲਾ ਰਿੰਗ ਰੋਡ ਪ੍ਰੋਜੈਕਟ ‘ਚ ਵਰਤਿਆ ਜਾਵੇਗਾ।
ਉਨ੍ਹਾਂ ਕਿਹਾ ਕਿ ਜਿਵੇਂ-ਜਿਵੇਂ ਨਦੀ ਦਾ ਤਲ ਪਹਿਲਾਂ ਨਾਲੋਂ ਡੂੰਘਾ ਹੁੰਦਾ ਜਾਵੇਗਾ, ਬਰਸਾਤ ਦੇ ਮੌਸਮ ਦੌਰਾਨ ਅੰਬਾਲਾ ਛਾਉਣੀ ਖੇਤਰ ‘ਚੋਂ ਪਾਣੀ ਆਸਾਨੀ ਨਾਲ ਬਾਹਰ ਨਿਕਲ ਜਾਵੇਗਾ, ਜਿਸ ਨਾਲ ਨੇੜੇ-ਤੇੜੇ ਸਥਿਤ ਦਰਜਨਾਂ ਕਲੋਨੀਆਂ ਦੇ ਹਜ਼ਾਰਾਂ ਵਸਨੀਕਾਂ ਨੂੰ ਸੁਰੱਖਿਆ ਮਿਲੇਗੀ। ਉਨ੍ਹਾਂ ਕਿਹਾ ਕਿ ਇਹ ਕੰਮ ਬਾਰਿਸ਼ਾਂ ਤੋਂ ਪਹਿਲਾਂ ਪੂਰਾ ਕਰ ਲਿਆ ਜਾਵੇਗਾ।
ਅਨਿਲ ਵਿਜ ਨੇ ਕਿਹਾ ਕਿ ਅੰਬਾਲਾ ਛਾਉਣੀ ਦੇ ਉਨ੍ਹਾਂ ਸਥਾਨਾਂ ‘ਤੇ ਜਿੱਥੇ ਟਾਂਗਰੀ ਨਦੀ ਤੰਗ ਹੈ, ਨਦੀ ਨੂੰ ਪਹਿਲਾਂ ਨਾਲੋਂ ਚੌੜਾ ਕੀਤਾ ਜਾਵੇਗਾ ਤਾਂ ਜੋ ਮੀਂਹ ਦੇ ਪਾਣੀ ਦੇ ਵਹਾਅ ‘ਚ ਕੋਈ ਰੁਕਾਵਟ ਨਾ ਆਵੇ। ਉਨ੍ਹਾਂ ਕਿਹਾ ਕਿ ਇਸ ਸਬੰਧੀ ਸਿੰਚਾਈ ਵਿਭਾਗਾਂ ਨੂੰ ਦਿਸ਼ਾ-ਨਿਰਦੇਸ਼ ਜਾਰੀ ਕਰ ਦਿੱਤੇ ਹਨ ਅਤੇ ਵਿਭਾਗ ਵੱਲੋਂ ਇੱਕ ਪ੍ਰਸਤਾਵ ਸਰਕਾਰ ਨੂੰ ਪ੍ਰਵਾਨਗੀ ਲਈ ਭੇਜਿਆ ਹੈ, ਜਿਸ ‘ਤੇ ਜਲਦੀ ਹੀ ਕੰਮ ਸ਼ੁਰੂ ਹੋਣ ਦੀ ਉਮੀਦ ਹੈ।
ਉਨ੍ਹਾਂ ਦੱਸਿਆ ਕਿ ਰਾਮਪੁਰ-ਸਰਸੇਹੜੀ ‘ਚ ਟਾਂਗਰੀ ਨਦੀ ਬੰਨ੍ਹ (ਤੱਟ) ਨੂੰ ਉੱਚਾ ਚੁੱਕਣ ਅਤੇ ਮਜ਼ਬੂਤ ਕਰਨ ਦਾ ਕੰਮ ਪ੍ਰਗਤੀ ‘ਤੇ ਹੈ। 2.67 ਕਰੋੜ ਰੁਪਏ ਦੀ ਲਾਗਤ ਨਾਲ ਨਦੀ ਦੇ ਬੰਨ੍ਹ ਨੂੰ ਜਗਾਧਾਰੀ ਰੋਡ ਤੱਕ ਮਜ਼ਬੂਤ ਅਤੇ ਉੱਚਾ ਕੀਤਾ ਜਾਵੇਗਾ।
Read More: ਪੰਜਾਬ ਤੇ ਹਿਮਾਚਲ ਵਿਚਾਲੇ ਬੱਸਾਂ ਮਾਮਲੇ ‘ਤੇ ਅਨਿਲ ਵਿਜ ਦਾ ਬਿਆਨ, “ਭਾਰਤ ਸਾਡਾ ਸਭ ਦਾ ਹੈ”
