ਆਦਮਪੁਰ, 13 ਮਈ 2025: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ (PM Modi) ਮੰਗਲਵਾਰ ਸਵੇਰੇ ਪੰਜਾਬ ਦੇ ਆਦਮਪੁਰ ਏਅਰਬੇਸ ਪਹੁੰਚੇ। ਇੱਥੇ ਉਹ ਹਵਾਈ ਫੌਜ ਦੇ ਜਵਾਨਾਂ ਨੂੰ ਮਿਲੇ। ਇਸ ਤੋਂ ਬਾਅਦ ਪ੍ਰਧਾਨ ਮੰਤਰੀ ਨੇ 28 ਮਿੰਟ ਤੱਕ ਫੌਜ ਦੇ ਜਵਾਨਾਂ ਨੂੰ ਸੰਬੋਧਨ ਵੀ ਕੀਤਾ | ਪ੍ਰਧਾਨ ਮੰਤਰੀ ਮੋਦੀ ਨੇ ਕਿਹਾ, ‘ਭਾਰਤ ‘ਚ ਮਾਸੂਮ ਲੋਕਾਂ ਦਾ ਖੂਨ ਵਹਾਉਣ ਦਾ ਸਿਰਫ਼ ਇੱਕ ਹੀ ਨਤੀਜਾ ਹੋਵੇਗਾ – ਵਿਨਾਸ ਅਤੇ ਮਹਾਂਵਿਨਾਸ।’ ਭਾਰਤੀ ਫੌਜ, ਹਵਾਈ ਫੌਜ ਅਤੇ ਜਲ ਫੌਜ ਨੇ ਪਾਕਿਸਤਾਨੀ ਫੌਜ ਨੂੰ ਹਰਾ ਦਿੱਤਾ ਹੈ ਜਿਸ ‘ਤੇ ਇਹ ਅੱ.ਤ.ਵਾ.ਦੀ ਭਰੋਸਾ ਕਰ ਰਹੇ ਸਨ।
ਉਨ੍ਹਾਂ (PM Modi) ਕਿਹਾ ਕਿ ‘ਪਾਕਿਸਤਾਨ ‘ਚ ਅਜਿਹੀ ਕੋਈ ਜਗ੍ਹਾ ਨਹੀਂ ਹੈ ਜਿੱਥੇ ਅੱ.ਤ.ਵਾ.ਦੀ ਬੈਠ ਕੇ ਸ਼ਾਂਤੀ ਨਾਲ ਸਾਹ ਲੈ ਸਕਣ।’ ਅਸੀਂ ਘਰ ‘ਚ ਵੜ ਕੇ ਤੁਹਾਡੇ ‘ਤੇ ਹਮਲਾ ਕਰਾਂਗੇ ਅਤੇ ਤੁਹਾਨੂੰ ਭੱਜਣ ਦਾ ਮੌਕਾ ਵੀ ਨਹੀਂ ਦੇਵਾਂਗੇ। ਉਨ੍ਹਾਂ ਕਿਹਾ ਕਿ ਪਾਕਿਸਤਾਨ ਸਾਡੇ ਡਰੋਨਾਂ ਅਤੇ ਮਿਜ਼ਾਈਲਾਂ ਬਾਰੇ ਸੋਚ ਕੇ ਕਈ ਦਿਨਾਂ ਤੱਕ ਸੌਂ ਨਹੀਂ ਸਕੇਗਾ।
ਪੀਐਮ ਮੋਦੀ ਨੇ ਕਿਹਾ ਕਿ ਜਦੋਂ ਭਾਰਤੀ ਫੌਜ ਜੈ ਭਾਰਤ ਮਾਂ ਦੇ ਨਾਅਰੇ ਲਗਾਉਂਦੇ ਹਨ ਤਾਂ ਦੁਸ਼ਮਣਾਂ ਦੇ ਦਿਲ ਕੰਬ ਜਾਂਦੇ ਹਨ। ਜਦੋਂ ਸਾਡੀਆਂ ਮਿਜ਼ਾਈਲਾਂ ਆਪਣੇ ਨਿਸ਼ਾਨੇ ‘ਤੇ ਸ਼ੋਰਦਾਰ ਆਵਾਜ਼ ਨਾਲ ਪਹੁੰਚਦੀਆਂ ਹਨ, ਤਾਂ ਦੁਸ਼ਮਣ ਸੁਣਦੇ ਹਨ – ਭਾਰਤ ਮਾਤਾ ਕੀ ਜੈ। ਜਦੋਂ ਅਸੀਂ ਰਾਤ ਦੇ ਹਨੇਰੇ ‘ਚ ਵੀ ਸੂਰਜ ਜਗਾਉਂਦੇ ਹਾਂ, ਤਾਂ ਦੁਸ਼ਮਣ ਦੇਖ ਸਕਦਾ ਹੈ – ਭਾਰਤ ਮਾਤਾ ਕੀ ਜੈ।
ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਪਾਕਿਸਤਾਨ ਦੀ ਗੁਹਾਰ ਤੋਂ ਬਾਅਦ ਭਾਰਤ ਨੇ ਆਪਣੀ ਫੌਜੀ ਕਾਰਵਾਈ ਨੂੰ ਸਿਰਫ਼ ਮੁਲਤਵੀ ਕੀਤਾ ਹੈ। ਜੇਕਰ ਪਾਕਿਸਤਾਨ ਦੁਬਾਰਾ ਅੱ.ਤ.ਵਾ.ਦੀ ਗਤੀਵਿਧੀਆਂ ਜਾਂ ਫੌਜੀ ਦਾ ਸਹਾਰਾ ਲੈਂਦਾ ਹੈ, ਤਾਂ ਅਸੀਂ ਢੁਕਵਾਂ ਜਵਾਬ ਦੇਵਾਂਗੇ। ਇਹ ਜਵਾਬ ਆਪਣੀਆਂ ਸ਼ਰਤਾਂ ‘ਤੇ, ਆਪਣੇ ਤਰੀਕੇ ਨਾਲ ਹੋਵੇਗਾ |
ਉਨ੍ਹਾਂ ਕਿਹਾ ਕਿ ਜਦੋਂ ਸਾਡੀ ਫੌਜ ਪਰਮਾਣੂ ਬੰ.ਬਾਂ ਦੇ ਖ਼ਤਰੇ ਨੂੰ ਨਾਕਾਮ ਕਰਦੀ ਹੈ, ਤਾਂ ਅਸਮਾਨ ਤੋਂ ਧਰਤੀ ਤੱਕ ਸਿਰਫ਼ ਇੱਕ ਹੀ ਆਵਾਜ਼ ਗੂੰਜਦੀ ਹੈ – ਭਾਰਤ ਮਾਤਾ ਕੀ ਜੈ। ਤੁਸੀਂ ਸਾਰਿਆਂ ਨੇ ਲੱਖਾਂ ਭਾਰਤੀਆਂ ਨੂੰ ਮਾਣ ਦਿਵਾਇਆ ਹੈ। ਇਨ੍ਹਾ ਨੇ ਹਰ ਭਾਰਤੀ ਨੂੰ ਮਾਣ ਮਹਿਸੂਸ ਕਰਵਾਇਆ। ਤੁਸੀਂ ਇਤਿਹਾਸ ਰਚ ਦਿੱਤਾ ਅਤੇ ਮੈਂ ਤੁਹਾਡੇ ਦਰਸ਼ਨ ਕਰਨ ਲਈ ਆਇਆ ਹਾਂ |
ਉਨ੍ਹਾਂ ਕਿਹਾ ਕਿ ਜਦੋਂ ਨਾਇਕਾਂ ਦੇ ਪੈਰ ਜ਼ਮੀਨ ਨੂੰ ਛੂੰਹਦੇ ਹਨ, ਤਾਂ ਧਰਤੀ ਧੰਨ ਹੋ ਜਾਂਦੀ ਹੈ। ਕਈ ਦਹਾਕਿਆਂ ਬਾਅਦ ਵੀ, ਜਦੋਂ ਭਾਰਤ ਦੀ ਤਾਕਤ ਦੀ ਚਰਚਾ ਹੋਵੇਗੀ, ਤੁਸੀਂ ਅਤੇ ਤੁਹਾਡੇ ਸਾਥੀ ਇਸਦੇ ਸਭ ਤੋਂ ਪ੍ਰਮੁੱਖ ਅਧਿਆਏ ਹੋਵੋਗੇ। ਤੁਸੀਂ ਸਾਰੇ ਦੇਸ਼ ਦੇ ਵਰਤਮਾਨ ਅਤੇ ਆਉਣ ਵਾਲੀਆਂ ਪੀੜ੍ਹੀਆਂ ਲਈ ਇੱਕ ਨਵੀਂ ਪ੍ਰੇਰਣਾ ਬਣ ਗਏ ਹੋ। ਇਸ ਨਾਇਕਾਂ ਦੀ ਧਰਤੀ ਤੋਂ, ਮੈਂ ਹਵਾਈ ਫੌਜ, ਸੈਨਾ, ਜਲ ਫੌਜ ਦੇ ਸਾਰੇ ਬਹਾਦਰ ਸੈਨਿਕਾਂ ਅਤੇ ਦੇਸ਼ ਦੇ ਨਾਇਕਾਂ ਨੂੰ ਸਲਾਮ ਕਰਦਾ ਹਾਂ।
Read More: ਆਦਮਪੁਰ ਏਅਰਬੇਸ ਪਹੁੰਚੇ PM ਮੋਦੀ, ਫੌਜ ਦੇ ਜਵਾਨਾਂ ਨਾਲ ਕੀਤੀ ਮੁਲਾਕਾਤ
