ਸਪੋਰਟਸ, 01 ਅਕਤੂਬਰ 2025: WI ਬਨਾਮ NEP T20 Result: ਸ਼ਾਰਜਾਹ ‘ਚ ਖੇਡੇ ਆਖਰੀ ਟੀ-20 ਮੈਚ ‘ਚ ਵੈਸਟ ਇੰਡੀਜ਼ ਨੇ ਨੇਪਾਲ ਨੂੰ 10 ਵਿਕਟਾਂ ਨਾਲ ਹਰਾ ਦਿੱਤਾ। ਇਸ ਜਿੱਤ ਨਾਲ ਕੈਰੇਬੀਅਨ ਟੀਮ ਨੇ ਨੇਪਾਲ ਨੂੰ ਕਲੀਨ ਸਵੀਪ ਕਰਨ ਤੋਂ ਰੋਕ ਦਿੱਤਾ। ਨੇਪਾਲ ਪਹਿਲਾਂ ਹੀ ਪਹਿਲੇ ਦੋ ਮੈਚ ਜਿੱਤ ਕੇ ਸੀਰੀਜ਼ ਜਿੱਤ ਚੁੱਕਾ ਸੀ। ਇਹ ਪਹਿਲਾ ਮੌਕਾ ਹੈ ਜਦੋਂ ਵੈਸਟ ਇੰਡੀਜ਼ ਨੇ 10 ਵਿਕਟਾਂ ਨਾਲ ਟੀ-20I ਜਿੱਤਿਆ ਹੈ।
ਇਸ ਤੋਂ ਪਹਿਲਾਂ ਉਹ ਚਾਰ ਵਾਰ 9 ਵਿਕਟਾਂ ਨਾਲ ਜਿੱਤਿਆ ਸੀ। ਇਸ ਦੌਰਾਨ ਨੇਪਾਲ ਨੂੰ ਆਪਣੀ ਪਹਿਲੀ ਟੀ-20I (WI ਬਨਾਮ NEP) ਹਾਰ ਦਾ ਸਾਹਮਣਾ ਕਰਨਾ ਪਿਆ। ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ, ਨੇਪਾਲ 19.5 ਓਵਰਾਂ ‘ਚ 122 ਦੌੜਾਂ ‘ਤੇ ਆਲ ਆਊਟ ਹੋ ਗਿਆ। ਵੈਸਟ ਇੰਡੀਜ਼ ਨੇ 12.2 ਓਵਰਾਂ ‘ਚ ਬਿਨਾਂ ਕੋਈ ਵਿਕਟ ਗੁਆਏ ਟੀਚਾ ਪ੍ਰਾਪਤ ਕਰ ਲਿਆ।
ਨੇਪਾਲ ਦੀ ਸ਼ੁਰੂਆਤ ਹੌਲੀ ਰਹੀ, ਨੇਪਾਲ ਨੇ ਪਾਵਰਪਲੇ ‘ਚ ਇੱਕ ਵਿਕਟ ਲਈ 37 ਦੌੜਾਂ ਬਣਾਈਆਂ। ਕੁਸ਼ਲ ਨੇ ਸਭ ਤੋਂ ਵੱਧ 39 ਦੌੜਾਂ ਬਣਾਈਆਂ, ਪਰ ਬਾਕੀ ਬੱਲੇਬਾਜ਼ ਵੱਡਾ ਸਕੋਰ ਬਣਾਉਣ ‘ਚ ਅਸਫਲ ਰਹੇ। ਰੇਮਨ ਸਿਮੰਡਸ ਨੇ ਵੈਸਟ ਇੰਡੀਜ਼ ਲਈ ਸ਼ਾਨਦਾਰ ਗੇਂਦਬਾਜ਼ੀ ਕੀਤੀ, 15 ਦੌੜਾਂ ਦੇ ਕੇ 4 ਵਿਕਟਾਂ ਲਈਆਂ।
124 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦੇ ਹੋਏ, ਵੈਸਟ ਇੰਡੀਜ਼ ਨੇ ਪਾਵਰਪਲੇ ‘ਚ ਇੱਕ ਵੀ ਵਿਕਟ ਗੁਆਏ ਬਿਨਾਂ 47 ਦੌੜਾਂ ਬਣਾਈਆਂ। ਅਮੀਰ ਜੰਗੂ ਅਤੇ ਅਕੀਮ ਔਗਸਟੇ ਨੇ ਪਹਿਲੀ ਵਿਕਟ ਲਈ 74 ਗੇਂਦਾਂ ‘ਚ 123 ਦੌੜਾਂ ਦੀ ਨਾਬਾਦ ਸਾਂਝੇਦਾਰੀ ਕੀਤੀ। ਅਮੀਰ ਨੇ 45 ਗੇਂਦਾਂ ‘ਚ 74 ਦੌੜਾਂ ਬਣਾਈਆਂ, ਜਿਸ ‘ਚ 5 ਚੌਕੇ ਅਤੇ 6 ਛੱਕੇ ਸ਼ਾਮਲ ਸਨ। ਇਸ ਦੌਰਾਨ, ਅਕੀਮ ਔਗਸਟੇ ਨੇ 29 ਗੇਂਦਾਂ ‘ਚ ਨਾਬਾਦ 41 ਦੌੜਾਂ ਬਣਾਈਆਂ।
Read More: IND ਬਨਾਮ PAK: ਭਾਰਤ ਨੇ ਬਿਨਾਂ ਟਰਾਫੀ ਦੇ ਮਨਾਇਆ ਜਸ਼ਨ, ਟਰਾਫੀ ਵਿਵਾਦ ‘ਤੇ ਬੀਸੀਸੀਆਈ ਭੜਕਿਆ
