17 ਫਰਵਰੀ 2025: ਵੀਵੋ (vivo) ਨੇ ਅੱਜ ਭਾਰਤ ‘ਚ ਆਪਣਾ ਨਵਾਂ ਸਮਾਰਟਫੋਨ Vivo V50 ਲਾਂਚ ਕਰ ਦਿੱਤਾ ਹੈ। ਇਹ V40 ਦਾ ਉੱਤਰਾਧਿਕਾਰੀ ਹੈ ਅਤੇ ਕਈ ਅੱਪਗਰੇਡਾਂ ਨਾਲ ਲਾਂਚ ਕੀਤਾ ਗਿਆ ਹੈ। ਇਹ ਕੰਪਨੀ ਦਾ ਇਸ ਸਾਲ ਦਾ ਪਹਿਲਾ ਫੋਨ ਹੈ ਜੋ V ਸੀਰੀਜ਼ ‘ਚ ਲਾਂਚ ਕੀਤਾ ਗਿਆ ਹੈ। ਮਿਡ-ਰੇਂਜ ਸੈਗਮੈਂਟ (mid-range segment) ‘ਚ ਲਾਂਚ ਕੀਤਾ ਗਿਆ ਇਹ ਫੋਨ ਪਾਵਰਫੁੱਲ ਬੈਟਰੀ ਨਾਲ ਆਉਂਦਾ ਹੈ। ਆਓ, ਆਓ ਜਾਣਦੇ ਹਾਂ ਇਸ ਦੀਆਂ ਸਾਰੀਆਂ ਵਿਸ਼ੇਸ਼ਤਾਵਾਂ, ਕੀਮਤ ਅਤੇ ਉਪਲਬਧਤਾ ਬਾਰੇ।
Vivo V50 ਨੂੰ ਕਵਾਡ-ਕਰਵਡ ਡਿਸਪਲੇਅ ਨਾਲ ਲਾਂਚ ਕੀਤਾ ਗਿਆ ਹੈ
ਇਸ ਫੋਨ ‘ਚ ਕਵਾਡ-ਕਰਵਡ ਡਿਸਪਲੇਅ ਹੈ, ਜੋ ਡਾਇਮੰਡ ਸ਼ੀਲਡ ਗਲਾਸ ਪ੍ਰੋਟੈਕਸ਼ਨ ਨਾਲ ਆਉਂਦਾ ਹੈ। ਇਸ ਵਿੱਚ ਧੂੜ ਅਤੇ ਪਾਣੀ ਪ੍ਰਤੀਰੋਧ ਲਈ IP68+IP69 ਰੇਟਿੰਗ ਹੈ। ਇਹ ਟਾਈਟੇਨੀਅਮ ਗ੍ਰੇ, ਰੋਜ਼ ਰੈੱਡ ਅਤੇ ਸਟਾਰਰੀ ਬਲੂ ਕਲਰ ਆਪਸ਼ਨ ‘ਚ ਉਪਲੱਬਧ ਹੈ। ਕੰਪਨੀ ਨੇ ਇਸ ਫੋਨ ਨੂੰ ਕਈ AI ਫੀਚਰਸ ਨਾਲ ਲੈਸ ਕੀਤਾ ਹੈ। ਇਨ੍ਹਾਂ ਵਿੱਚ ਸਰਕਲ ਟੂ ਸਰਚ, ਏਆਈ ਟ੍ਰਾਂਸਕ੍ਰਿਪਟ, ਏਆਈ ਲਾਈਵ ਕਾਲ ਟ੍ਰਾਂਸਲੇਸ਼ਨ ਆਦਿ ਸ਼ਾਮਲ ਹਨ। ਪ੍ਰੋਸੈਸਰ ਦੀ ਗੱਲ ਕਰੀਏ ਤਾਂ ਇਸ ਵਿੱਚ Qualcomm ਦਾ Snapdragon 7 Gen 3 ਚਿਪਸੈੱਟ ਹੈ, ਜੋ 12GB ਰੈਮ ਨਾਲ ਪੇਅਰ ਕੀਤਾ ਗਿਆ ਹੈ।
ਕੈਮਰਾ ਅਤੇ ਬੈਟਰੀ
ਵੀਵੋ ਦੇ ਇਸ ਨਵੇਂ ਸਮਾਰਟਫੋਨ ‘ਚ ਪਾਵਰਫੁੱਲ ਡਿਊਲ ਕੈਮਰਾ ਸੈੱਟਅਪ ਦਿੱਤਾ ਗਿਆ ਹੈ। ਇਸ ਵਿੱਚ OIS ਦੇ ਨਾਲ ਇੱਕ 50MP ਪ੍ਰਾਇਮਰੀ ਸੈਂਸਰ ਅਤੇ ਇੱਕ 50MP ਅਲਟਰਾਵਾਈਡ ਲੈਂਸ ਹੈ। ਇਹ ਦੋਵੇਂ ਕੈਮਰੇ 4K ਵੀਡੀਓ ਰਿਕਾਰਡਿੰਗ ਨੂੰ ਸਪੋਰਟ ਕਰਦੇ ਹਨ। ਸੈਲਫੀ ਅਤੇ ਵੀਡੀਓ ਕਾਲਿੰਗ ਲਈ, ਇਸ ਵਿੱਚ ਆਟੋ ਫੋਕਸ ਦੇ ਨਾਲ ਇੱਕ 50MP ਫਰੰਟ ਕੈਮਰਾ ਹੈ। ਇਸ ਵਿੱਚ ਵੈਡਿੰਗ ਪੋਰਟਰੇਟ ਸਟੂਡੀਓ ਦਿੱਤਾ ਗਿਆ ਹੈ, ਜੋ ਵਿਆਹਾਂ ਵਿੱਚ ਸ਼ਾਨਦਾਰ ਫੋਟੋਆਂ ਖਿੱਚਣ ਵਿੱਚ ਮਦਦ ਕਰੇਗਾ। ਬੈਟਰੀ ਦੀ ਗੱਲ ਕਰੀਏ ਤਾਂ ਕੰਪਨੀ ਨੇ ਇਸ ਨੂੰ 6,000 mAh ਦੀ ਬੈਟਰੀ ਨਾਲ ਲੈਸ ਕੀਤਾ ਹੈ। ਇਸ ਬਾਰੇ ‘ਚ ਕੰਪਨੀ ਦਾ ਦਾਅਵਾ ਹੈ ਕਿ ਇਹ ਆਪਣੇ ਸੈਗਮੈਂਟ ਦਾ ਸਭ ਤੋਂ ਪਤਲਾ ਫੋਨ ਹੈ ਜੋ ਇੰਨੀ ਪਾਵਰਫੁੱਲ ਬੈਟਰੀ ਨਾਲ ਆਉਂਦਾ ਹੈ। ਇਹ ਬੈਟਰੀ 90W ਫਾਸਟ ਚਾਰਜਿੰਗ ਨੂੰ ਸਪੋਰਟ ਕਰਦੀ ਹੈ।
ਕੀਮਤ ਅਤੇ ਉਪਲਬਧਤਾ
Vivo V50 ਦੀ ਕੀਮਤ 34,999 ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ ਅਤੇ ਇਸ ਦੇ 256GB ਵੇਰੀਐਂਟ ਲਈ ਤੁਹਾਨੂੰ 36,999 ਰੁਪਏ ਦਾ ਭੁਗਤਾਨ ਕਰਨਾ ਹੋਵੇਗਾ। ਅੱਜ ਤੋਂ ਇਸ ਦੀ ਪ੍ਰੀ-ਬੁਕਿੰਗ ਕੀਤੀ ਜਾ ਸਕਦੀ ਹੈ ਅਤੇ ਇਸ ਦੀ ਵਿਕਰੀ 25 ਫਰਵਰੀ ਤੋਂ ਸ਼ੁਰੂ ਹੋਵੇਗੀ। ਇਸ ਨੂੰ ਕੰਪਨੀ ਦੇ ਅਧਿਕਾਰਤ ਈ-ਸਟੋਰ ਅਤੇ ਫਲਿੱਪਕਾਰਟ ਤੋਂ ਖਰੀਦਿਆ ਜਾ ਸਕਦਾ ਹੈ।
Read More: ਸਮਾਰਟਫ਼ੋਨ ਕਵਰ ਪਹੁੰਚਾਉਂਦਾ ਹੈ ਵੱਡਾ ਨੁਕਸਾਨ
