ਚੰਡੀਗੜ੍ਹ, 10 ਮਈ 2025: ਭਾਰਤੀ ਟੀਮ ਦੇ ਕਪਤਾਨ ਰੋਹਿਤ ਸ਼ਰਮਾ ਤੋਂ ਬਾਅਦ ਹੁਣ ਵਿਰਾਟ ਕੋਹਲੀ (Virat Kohli) ਨੇ ਵੀ ਟੈਸਟ ਕ੍ਰਿਕਟ ਤੋਂ ਸੰਨਿਆਸ ਲੈਣ ਦੇ ਆਪਣੇ ਫੈਸਲੇ ਬਾਰੇ ਬੀਸੀਸੀਆਈ ਨੂੰ ਸੂਚਿਤ ਕਰ ਦਿੱਤਾ ਹੈ। ਹਾਲਾਂਕਿ, ਬੋਰਡ ਨੇ ਅਜੇ ਤੱਕ ਇਸਨੂੰ ਸਵੀਕਾਰ ਨਹੀਂ ਕੀਤਾ ਹੈ ਅਤੇ ਵਿਰਾਟ ਕੋਹਲੀ ਨੂੰ ਮੁੜ ਆਪਣੇ ਫੈਸਲੇ ‘ਤੇ ਵਿਚਾਰ ਕਰਨ ਲਈ ਕਿਹਾ ਹੈ।
ਇੰਡੀਅਨ ਐਕਸਪ੍ਰੈਸ ਦੀ ਰਿਪੋਰਟ ਦੇ ਮੁਤਾਬਕ ਬੀਸੀਸੀਆਈ ਨੇ ਆਉਣ ਵਾਲੀ ਇੰਗਲੈਂਡ ਲੜੀ ਦੇ ਮੱਦੇਨਜ਼ਰ ਵਿਰਾਟ ਕੋਹਲੀ ਨੂੰ ਆਪਣੇ ਫੈਸਲੇ ‘ਤੇ ਮੁੜ ਵਿਚਾਰ ਕਰਨ ਲਈ ਕਿਹਾ ਹੈ। ਹਾਲਾਂਕਿ, ਕੋਹਲੀ ਕੀ ਫੈਸਲਾ ਲੈਣਗੇ, ਇਸ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ। ਰੋਹਿਤ ਨੇ ਬੁੱਧਵਾਰ ਨੂੰ ਟੈਸਟ ਤੋਂ ਸੰਨਿਆਸ ਲੈਣ ਦਾ ਐਲਾਨ ਕਰ ਦਿੱਤਾ ਸੀ ਅਤੇ ਹੁਣ ਜੇਕਰ ਕੋਹਲੀ ਵੀ ਆਪਣਾ ਫੈਸਲਾ ਨਹੀਂ ਬਦਲਦਾ ਤਾਂ ਇੱਕ ਅਧਿਆਇ ਦਾ ਅੰਤ ਹੋ ਜਾਵੇਗਾ।
ਟੈਸਟ ‘ਚ ਵਿਰਾਟ ਕੋਹਲੀ ਦਾ ਪ੍ਰਦਰਸਨ:-
ਮੈਚ: 123
ਪਾਰੀਆਂ: 210
ਦੌੜਾਂ: 9230 ਦੌੜਾਂ
ਸਭ ਤੋਂ ਵੱਧ ਪਾਰੀਆਂ: 254* ਦੌੜਾਂ
ਔਸਤ: 55.57
ਸੈਂਕੜੇ: 30
ਅਰਧ ਸੈਂਕੜੇ: 51
ਵਿਰਾਟ ਕੋਹਲੀ ਦੇ ਫੀਲਡਿੰਗ ‘ਚ 5000 ਦੌੜਾਂ ਅਤੇ 50+ ਕੈਚ
ਵਿਰਾਟ ਕੋਹਲੀ (Virat Kohli) ਨੇ ਟੈਸਟ ਮੈਚਾਂ ‘ਚ 5000 ਤੋਂ ਵੱਧ ਦੌੜਾਂ ਬਣਾਈਆਂ ਹਨ ਅਤੇ ਫੀਲਡਿੰਗ ਕਰਦੇ ਸਮੇਂ 50 ਤੋਂ ਵੱਧ ਕੈਚ ਲਏ ਹਨ। ਕੋਹਲੀ ਨੇ 123 ਟੈਸਟ ਮੈਚਾਂ ‘ਚ 42.30 ਦੀ ਔਸਤ ਨਾਲ 9230 ਦੌੜਾਂ ਬਣਾਈਆਂ ਹਨ, ਜਦੋਂ ਕਿ ਫੀਲਡਿੰਗ ਕਰਦੇ ਸਮੇਂ ਕੋਹਲੀ ਨੇ 121 ਕੈਚ ਲਏ ਹਨ। ਕੋਹਲੀ ਤੋਂ ਇਲਾਵਾ, ਇਹ ਕਾਰਨਾਮਾ ਕਰਨ ਵਾਲੇ ਭਾਰਤੀਆਂ ਦੀ ਸੂਚੀ ਵਿੱਚ ਗੁੰਡੱਪਾ ਵਿਸ਼ਵਨਾਥ, ਸੁਨੀਲ ਗਾਵਸਕਰ, ਦਿਲੀਪ ਵੈਂਗਸਰਕਰ, ਕਪਿਲ ਦੇਵ, ਮੁਹੰਮਦ ਅਜ਼ਹਰੂਦੀਨ, ਸਚਿਨ ਤੇਂਦੁਲਕਰ, ਸੌਰਵ ਗਾਂਗੁਲੀ, ਰਾਹੁਲ ਦ੍ਰਾਵਿੜ, ਵੀਵੀਐਸ ਲਕਸ਼ਮਣ, ਵਰਿੰਦਰ ਸਹਿਵਾਗ, ਚੇਤੇਸ਼ਵਰ ਪੁਜਾਰਾ ਅਤੇ ਅਜਿੰਕਿਆ ਰਹਾਣੇ ਸ਼ਾਮਲ ਹਨ।
ਵਿਰਾਟ ਕੋਹਲੀ ਦੇ ਟੈਸਟ ਦੀਆਂ ਦੋਵੇਂ ਪਾਰੀਆਂ ‘ਚ ਸੈਂਕੜੇ
ਕੋਹਲੀ ਦੇ ਨਾਂ ਟੈਸਟ ਦੀਆਂ ਦੋਵੇਂ ਪਾਰੀਆਂ ‘ਚ ਸੈਂਕੜੇ ਲਗਾਉਣ ਦਾ ਰਿਕਾਰਡ ਹੈ। 2014 ‘ਚ, ਉਨ੍ਹਾਂ ਨੇ ਐਡੀਲੇਡ ‘ਚ ਆਸਟ੍ਰੇਲੀਆ ਵਿਰੁੱਧ ਟੈਸਟ ‘ਚ ਪਹਿਲੀ ਪਾਰੀ ‘ਚ 115 ਦੌੜਾਂ ਅਤੇ ਦੂਜੀ ਪਾਰੀ ‘ਚ 141 ਦੌੜਾਂ ਬਣਾਈਆਂ ਸਨ। ਕੋਹਲੀ ਤੋਂ ਇਲਾਵਾ, ਇਸ ਸੂਚੀ ‘ਚ ਭਾਰਤ ਦੇ ਵਿਜੇ ਹਜ਼ਾਰੇ, ਸੁਨੀਲ ਗਾਵਸਕਰ, ਰਾਹੁਲ ਦ੍ਰਾਵਿੜ, ਅਜਿੰਕਿਆ ਰਹਾਣੇ ਅਤੇ ਰੋਹਿਤ ਸ਼ਰਮਾ ਸ਼ਾਮਲ ਹਨ।
ਟੈਸਟ ‘ਚ ਸਭ ਤੋਂ ਵੱਧ ਦੋਹਰੇ ਸੈਂਕੜੇ
ਭਾਰਤ ਲਈ ਟੈਸਟ ਮੈਚਾਂ ‘ਚ ਸਭ ਤੋਂ ਵੱਧ ਦੋਹਰੇ ਸੈਂਕੜੇ ਲਗਾਉਣ ਦਾ ਰਿਕਾਰਡ ਕੋਹਲੀ ਦੇ ਨਾਮ ਹੈ। ਉਨ੍ਹਾਂ ਨੇ ਸੱਤ ਦੋਹਰੇ ਸੈਂਕੜੇ ਲਗਾਏ ਹਨ। ਇਸ ਮਾਮਲੇ ‘ਚ ਉਹ ਸਮੁੱਚੀ ਸੂਚੀ ‘ਚ ਸਾਂਝੇ ਤੌਰ ‘ਤੇ ਚੌਥੇ ਸਥਾਨ ‘ਤੇ ਹੈ। ਸਰ ਡੌਨ ਬ੍ਰੈਡਮੈਨ ਦੇ ਨਾਂ ਟੈਸਟ ਮੈਚਾਂ ‘ਚ ਸਭ ਤੋਂ ਵੱਧ ਦੋਹਰੇ ਸੈਂਕੜੇ ਹਨ। ਉਨ੍ਹਾਂ ਨੇ 12 ਦੋਹਰੇ ਸੈਂਕੜੇ ਲਗਾਏ। ਇਸ ਤੋਂ ਬਾਅਦ ਸੰਗਾਕਾਰਾ ਅਤੇ ਬ੍ਰਾਇਨ ਲਾਰਾ ਦਾ ਨਾਮ ਆਉਂਦਾ ਹੈ। ਭਾਰਤੀਆਂ ‘ਚ ਕੋਹਲੀ ਤੋਂ ਬਾਅਦ ਵਰਿੰਦਰ ਸਹਿਵਾਗ ਦਾ ਨਾਮ ਆਉਂਦਾ ਹੈ। ਸਹਿਵਾਗ ਨੇ ਛੇ ਦੋਹਰੇ ਸੈਂਕੜੇ ਲਗਾਏ।
ਇੱਕ ਸੀਰੀਜ਼ ‘ਚ ਸਭ ਤੋਂ ਵੱਧ ਦੋਹਰੇ ਸੈਂਕੜੇ
ਵਿਰਾਟ ਕੋਹਲੀ (Virat Kohli) ਦੇ ਨਾਂ ਭਾਰਤ ਲਈ ਇੱਕ ਟੈਸਟ ਲੜੀ ‘ਚ ਸਭ ਤੋਂ ਵੱਧ ਦੋਹਰੇ ਸੈਂਕੜੇ ਲਗਾਉਣ ਦਾ ਰਿਕਾਰਡ ਹੈ। ਕੋਹਲੀ ਨੇ 2017/18 ‘ਚ ਸ਼੍ਰੀਲੰਕਾ ਵਿਰੁੱਧ ਤਿੰਨ ਟੈਸਟ ਮੈਚਾਂ ਦੀ ਲੜੀ ‘ਚ ਪੰਜ ਪਾਰੀਆਂ ‘ਚ ਦੋ ਦੋਹਰੇ ਸੈਂਕੜੇ ਲਗਾਏ। ਸ਼੍ਰੀਲੰਕਾ ਦੀ ਟੀਮ ਭਾਰਤ ਦੌਰੇ ‘ਤੇ ਆਈ ਸੀ। ਕੋਹਲੀ ਨੇ ਇਸ ਲੜੀ ‘ਚ 610 ਦੌੜਾਂ ਬਣਾਈਆਂ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਸ਼੍ਰੀਲੰਕਾ ਖਿਲਾਫ ਨਾਗਪੁਰ ਟੈਸਟ ‘ਚ 213 ਦੌੜਾਂ ਦੀ ਪਾਰੀ ਖੇਡੀ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਦਿੱਲੀ ‘ਚ 243 ਦੌੜਾਂ ਬਣਾਈਆਂ ਸਨ। ਭਾਰਤ ਨੇ ਤਿੰਨ ਮੈਚਾਂ ਦੀ ਲੜੀ 1-0 ਨਾਲ ਜਿੱਤ ਲਈ ਸੀ। ਇਸ ਮਾਮਲੇ ‘ਚ ਕੁੱਲ ਮਿਲਾ ਕੇ ਕੋਹਲੀ ਸਾਂਝੇ ਤੌਰ ‘ਤੇ ਦੂਜੇ ਸਥਾਨ ‘ਤੇ ਹਨ। ਬ੍ਰੈਡਮੈਨ ਇਸ ਸੂਚੀ ‘ਚ ਸਭ ਤੋਂ ਉੱਪਰ ਹਨ।
ਇੱਕ ਸੀਰੀਜ਼ ‘ਚ ਸਭ ਤੋਂ ਵੱਧ ਸੈਂਕੜੇ
ਭਾਰਤ ਲਈ ਇੱਕ ਟੈਸਟ ਸੀਰੀਜ਼ ‘ਚ ਸਭ ਤੋਂ ਵੱਧ ਸੈਂਕੜੇ ਲਗਾਉਣ ਦਾ ਰਿਕਾਰਡ ਕੋਹਲੀ ਦੇ ਨਾਮ ਹੈ। ਕੋਹਲੀ ਨੇ ਇਸ ਮਾਮਲੇ ‘ਚ ਮਹਾਨ ਸੁਨੀਲ ਗਾਵਸਕਰ ਦੀ ਬਰਾਬਰੀ ਕਰ ਲਈ ਹੈ। ਜਿਕਰਯੋਗ ਹੈ ਕਿ ਸੁਨੀਲ ਗਾਵਸਕਰ ਅਤੇ ਕੋਹਲੀ ਦੋਵਾਂ ਦੇ ਨਾਂ ਇੱਕ ਲੜੀ ‘ ਚਾਰ ਸੈਂਕੜੇ ਲਗਾਉਣ ਦਾ ਰਿਕਾਰਡ ਹੈ। ਕੋਹਲੀ ਨੇ 2014/15 ‘ਚ ਆਸਟ੍ਰੇਲੀਆ ਦੌਰੇ ਦੌਰਾਨ ਇਹ ਕੀਤਾ ਸੀ। ਉਨ੍ਹਾਂ ਨੇ ਇਸ ਲੜੀ ਦੇ ਚਾਰ ਮੈਚਾਂ ਦੀਆਂ ਅੱਠ ਪਾਰੀਆਂ ‘ਚ 692 ਦੌੜਾਂ ਬਣਾਈਆਂ ਸਨ।
Read More: WTC Final: BCCI ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਫਾਈਨਲ 2027 ਭਾਰਤ ‘ਚ ਕਰਵਾਉਣ ਦਾ ਇੱਛੁਕ
