ਉੱਤਰਾਖੰਡ, 25 ਜੂਨ 2025: Jagdeep Dhankhar’ Health News: ਕੁਮਾਊਂ ਯੂਨੀਵਰਸਿਟੀ ਪ੍ਰੋਗਰਾਮ ਖਤਮ ਹੋਣ ਤੋਂ ਬਾਅਦ ਭਾਰਤ ਦੇ ਉਪ ਰਾਸ਼ਟਰਪਤੀ ਜਗਦੀਪ ਧਨਖੜ ਦੀ ਸਿਹਤ ਅਚਾਨਕ ਵਿਗੜ ਗਈ। ਉਪ ਰਾਸ਼ਟਰਪਤੀ ਜਗਦੀਪ ਧਨਖੜ ਬੁੱਧਵਾਰ ਨੂੰ ਉੱਤਰਾਖੰਡ ਦੇ ਤਿੰਨ ਦਿਨਾਂ ਦੌਰੇ ‘ਤੇ ਹਲਦਵਾਨੀ ਪਹੁੰਚੇ ਸਨ । ਰਾਜਪਾਲ ਲੈਫਟੀਨੈਂਟ ਜਨਰਲ ਗੁਰਮੀਤ ਸਿੰਘ (ਸੇਵਾਮੁਕਤ) ਨੇ ਹਲਦਵਾਨੀ ਆਰਮੀ ਹੈਲੀਪੈਡ ‘ਤੇ ਉਨ੍ਹਾਂ ਦਾ ਸਵਾਗਤ ਕੀਤਾ।
ਮੁੱਖ ਮੰਤਰੀ ਵੱਲੋਂ ਕੈਬਨਿਟ ਮੰਤਰੀ ਰੇਖਾ ਆਰੀਆ, ਸੰਸਦ ਮੈਂਬਰ ਅਜੇ ਭੱਟ, ਹਲਦਵਾਨੀ ਦੇ ਮੇਅਰ ਗਜਰਾਜ ਬਿਸ਼ਟ, ਜੰਗਲਾਤ ਅਤੇ ਵਾਤਾਵਰਣ ਸਲਾਹਕਾਰ ਕਮੇਟੀ ਦੇ ਉਪ ਪ੍ਰਧਾਨ ਦੀਪਕ ਮਹਿਰਾ, ਕਮਿਸ਼ਨਰ ਕੁਮਾਊਂ ਦੀਪਕ ਰਾਵਤ, ਆਈਜੀ ਰਿਧੀਮ ਅਗਰਵਾਲ, ਜ਼ਿਲ੍ਹਾ ਮੈਜਿਸਟਰੇਟ ਵੰਦਨਾ, ਐਸਐਸਪੀ ਪ੍ਰਹਿਲਾਦ ਨਾਰਾਇਣ ਮੀਨਾ ਅਤੇ ਹੋਰ ਅਧਿਕਾਰੀਆਂ ਨੇ ਉਪ ਰਾਸ਼ਟਰਪਤੀ ਦਾ ਸਵਾਗਤ ਕੀਤਾ।
ਉਪ ਰਾਸ਼ਟਰਪਤੀ ਜਗਦੀਪ ਧਨਖੜ ਨੈਨੀਤਾਲ ‘ਚ ਕੁਮਾਊਂ ਯੂਨੀਵਰਸਿਟੀ ਦੇ ਗੋਲਡਨ ਜੁਬਲੀ ਸਮਾਗਮ ਪ੍ਰੋਗਰਾਮ ‘ਚ ਮੁੱਖ ਮਹਿਮਾਨ ਸਨ। ਆਪਣੇ 45 ਮਿੰਟ ਦੇ ਭਾਸ਼ਣ ‘ਚ ਉਨ੍ਹਾਂ ਨੇ ਵਾਰ-ਵਾਰ ਡਾ. ਮਹਿੰਦਰ ਸਿੰਘ ਪਾਲ ਦਾ ਜ਼ਿਕਰ ਕੀਤਾ, ਜੋ 1989 ‘ਚ ਉਨ੍ਹਾਂ ਦੇ ਨਾਲ ਸੰਸਦ ਮੈਂਬਰ ਸਨ, ਜੋ ਪ੍ਰੋਗਰਾਮ ‘ਚ ਮੌਜੂਦ ਸਨ।
ਪ੍ਰੋਗਰਾਮ ਤੋਂ ਬਾਅਦ, ਉਹ ਸਟੇਜ ਤੋਂ ਹੇਠਾਂ ਆਏ ਅਤੇ ਡਾ. ਪਾਲ ਨੂੰ ਜੱਫੀ ਪਾਈ। ਉਹ ਪੰਜ ਮਿੰਟਾਂ ਤੱਕ ਪੁਰਾਣੀਆਂ ਗੱਲਾਂ ਕਰਦੇ ਰਹੇ। ਡਾ. ਪਾਲ ਬਹੁਤ ਭਾਵੁਕ ਹੋ ਗਏ ਅਤੇ ਰੋਣ ਲੱਗ ਪਏ। ਬਾਅਦ ‘ਚ ਉਪ ਰਾਸ਼ਟਰਪਤੀ ਧਨਖੜ ਵੀ ਡਾ. ਪਾਲ ਨੂੰ ਜੱਫੀ ਪਾਉਂਦੇ ਹੋਏ ਰੋਣ ਲੱਗ ਪਏ।
ਫਿਰ ਧਨਖੜ ਦੀ ਸਿਹਤ ਵਿਗੜ ਗਈ ਅਤੇ ਜਿਵੇਂ ਹੀ ਉਨ੍ਹਾਂ ਡਾ. ਪਾਲ ਨੂੰ ਜੱਫੀ ਪਾਈ, ਉਹ ਡਿੱਗ ਪਏ। ਮੌਕੇ ‘ਤੇ ਮੌਜੂਦ ਡਾਕਟਰਾਂ ਦੀ ਟੀਮ ਨੇ ਉਨ੍ਹਾਂ ਨੂੰ ਮੁੱਢਲੀ ਸਹਾਇਤਾ ਦਿੱਤੀ। ਜਿਸ ਤੋਂ ਬਾਅਦ ਉਹ ਰਾਜਪਾਲ ਗੁਰਮੀਤ ਸਿੰਘ ਨਾਲ ਰਾਜ ਭਵਨ ਲਈ ਰਵਾਨਾ ਹੋ ਗਏ।
Read More: ਉਪ ਰਾਸ਼ਟਰਪਤੀ ਜਗਦੀਪ ਧਨਖੜ ਦੀ ਅਚਾਨਕ ਵਿਗੜੀ ਸਿਹਤ, AIIMS ‘ਚ ਕਰਵਾਇਆ ਭਰਤੀ
