Harmful effects of using mobile phones in the Toilet: ਮੋਬਾਈਲ ਫ਼ੋਨ ਸਾਡੀ ਰੋਜ਼ਾਨਾ ਜ਼ਿੰਦਗੀ ਦਾ ਇੱਕ ਮਹੱਤਵਪੂਰਨ ਹਿੱਸਾ ਬਣ ਗਏ ਹਨ। ਸਵੇਰ ਤੋਂ ਸ਼ਾਮ ਤੱਕ ਅਸੀਂ ਸਾਰੇ ਕਿਸੇ ਨਾ ਕਿਸੇ ਕੰਮ ਲਈ ਆਪਣੇ ਮੋਬਾਈਲ ਫੋਨ ਨਾਲ ਜੁੜੇ ਰਹਿੰਦੇ ਹਾਂ। ਕਈ ਅਧਿਐਨਾਂ ਨੇ ਚਿੰਤਾ ਪ੍ਰਗਟ ਕੀਤੀ ਹੈ ਕਿ ਮੋਬਾਈਲ ਫੋਨਾਂ ‘ਚ ਰੁੱਝੇ ਰਹਿਣ ਦੀ ਆਦਤ ਸਕ੍ਰੀਨ ਟਾਈਮ ਨੂੰ ਵਧਾ ਰਹੀ ਹੈ, ਜਿਸਦਾ ਸਰੀਰਕ ਅਤੇ ਮਾਨਸਿਕ ਸਿਹਤ ਦੋਵਾਂ ‘ਤੇ ਗੰਭੀਰ ਪ੍ਰਭਾਵ ਪੈ ਰਿਹਾ ਹੈ। ਮੋਬਾਈਲ ਫੋਨਾਂ ਦੀ ਵੱਧ ਰਹੀ ਲਤ ਨਾਲ ਸਿਹਤ ‘ਤੇ ਕਈ ਮਾੜੇ ਪ੍ਰਭਾਵ ਪੈ ਰਹੇ ਹਨ |
ਕੀ ਤੁਸੀਂ ਵੀ ਆਪਣਾ ਫ਼ੋਨ ਟਾਇਲਟ ਲੈ ਕੇ ਜਾਂਦੇ ਹੋ? (Do you also take your phone to the toilet?)
ਕੀ ਤੁਸੀਂ ਵੀ ਆਪਣਾ ਫ਼ੋਨ ਟਾਇਲਟ (Using mobile in Toilet) ਲੈ ਕੇ ਜਾਂਦੇ ਹੋ? ਜੇ ਹਾਂ, ਤਾਂ ਸਾਵਧਾਨ ਰਹੋ। ਇਹ ਆਦਤ ਤੁਹਾਨੂੰ ਗੰਭੀਰ ਰੂਪ ‘ਚ ਬਿਮਾਰ ਕਰ ਸਕਦੀ ਹੈ। ਟਾਇਲਟ ‘ਚ ਫ਼ੋਨ ਦੀ ਵਰਤੋਂ ਕਰਨ ਕਾਰਨ ਬਿਮਾਰੀਆਂ ਹੋਣ ਦੇ ਵਧੇ ਹੋਏ ਜੋਖਮ ਤੋਂ ਇਲਾਵਾ, ਇਹ ਸਥਿਤੀ ਤੁਹਾਡੇ ‘ਚ ਬਵਾਸੀਰ ਅਤੇ ਗੁਦਾ ਫਿਸਟੁਲਾ ਵਰਗੀਆਂ ਬਿਮਾਰੀਆਂ ਦਾ ਕਾਰਨ ਵੀ ਬਣ ਸਕਦੀ ਹੈ।
ਸਿਹਤ ਮਾਹਰਾਂ ਨੇ ਸੁਚੇਤ ਕੀਤਾ ਹੈ ਕਿ ਜਿਨ੍ਹਾਂ ਲੋਕਾਂ ਨੂੰ ਅਜਿਹੀ ਆਦਤ ਹੈ, ਉਨ੍ਹਾਂ ਨੂੰ ਇਸਨੂੰ ਤੁਰੰਤ ਠੀਕ ਕਰਨਾ ਚਾਹੀਦਾ ਹੈ। ਆਓ ਜਾਣਦੇ ਹਾਂ ਇਸ ਨਾਲ ਹੋਣ ਵਾਲੀਆਂ ਸਿਹਤ ਸਮੱਸਿਆਵਾਂ ਬਾਰੇ।
ਟਾਇਲਟ ‘ਚ ਲੰਮੇ ਸਮੇਂ ਤੱਕ ਮੋਬਾਈਲ ਫੋਨ ਦੀ ਵਰਤੋਂ ਦੇ ਨੁਕਸਾਨਦੇਹ
ਨਵੀਂ ਦਿੱਲੀ ‘ਚ ਕਰਵਾਏ ਇੱਕ ਪ੍ਰੋਗਰਾਮ ‘ਚ ਡਾਕਟਰਾਂ ਦਾ ਕਹਿਣਾ ਹੈ ਕਿ ਕਿਹਾ ਕਿ ਪਿਛਲੇ ਕੁਝ ਸਾਲਾਂ ‘ਚ ਬਵਾਸੀਰ ਅਤੇ ਫਿਸਟੁਲਾ ਦੇ ਮਰੀਜ਼ਾਂ ਦੀ ਗਿਣਤੀ ਤੇਜ਼ੀ ਨਾਲ ਵਧੀ ਹੈ। ਰੋਜਾਨਾ ਜੀਵਨ ਸ਼ੈਲੀ ਅਤੇ ਮਾੜੀ ਖੁਰਾਕ ਇਸ ਦੇ ਕਾਰਨ ਹਨ ਅਤੇ ਟਾਇਲਟ ‘ਚ ਮੋਬਾਈਲ ਫੋਨ ਦੀ ਲੰਮੇ ਸਮੇਂ ਤੱਕ ਵਰਤੋਂ ਨੂੰ ਵੀ ਇਸ ਲਈ ਜ਼ਿੰਮੇਵਾਰ ਮੰਨਿਆ ਜਾਂਦਾ ਹੈ। ਲੰਮੇ ਸਮੇਂ ਤੱਕ ਟਾਇਲਟ ‘ਤੇ ਬੈਠਣ ਦੀ ਆਦਤ ਗੁਦਾ ਦੇ ਖੇਤਰ ‘ਤੇ ਦਬਾਅ ਵਧਾ ਰਹੀ ਹੈ, ਜਿਸ ਕਾਰਨ ਹਰ ਉਮਰ ਦੇ ਲੋਕਾਂ ‘ਚ ਬਵਾਸੀਰ ਅਤੇ ਫਿਸਟੁਲਾ ਦੀ ਸਮੱਸਿਆ ਵੱਧ ਰਹੀ ਹੈ।
ਬਵਾਸੀਰ ਅਤੇ ਫਿਸਟੁਲਾ ਦੀ ਸਮੱਸਿਆ (Problem of Piles and fistula)
ਬਵਾਸੀਰ ਅਤੇ ਫਿਸਟੁਲਾ ਦੋਵਾਂ ਨੂੰ ਗੁਦਾ ਖੇਤਰ (ਵੱਡੀ ਆਂਦਰ ਦਾ ਆਖਰੀ ਹਿੱਸਾ) ‘ਚ ਹੋਣ ਵਾਲੀਆਂ ਸਮੱਸਿਆਵਾਂ ਮੰਨਿਆ ਜਾਂਦਾ ਹੈ। ਪਾਇਲਸ, ਜਿਸਨੂੰ ਬਵਾਸੀਰ ਵੀ ਕਿਹਾ ਜਾਂਦਾ ਹੈ, ਗੁਦਾ ਨਹਿਰ ਦੀਆਂ ਖੂਨ ਦੀਆਂ ਨਾੜੀਆਂ ‘ਚ ਸੋਜ ਕਾਰਨ ਹੁੰਦਾ ਹੈ। ਜਦੋਂ ਕਿ ਫਿਸਟੁਲਾ ਗੁਦਾ ‘ਚ ਇਨਫੈਕਸ਼ਨ ਕਾਰਨ ਹੋਣ ਵਾਲੀ ਸਮੱਸਿਆ ਹੈ। ਫਿਸਟੁਲਾ ਮੁੱਖ ਤੌਰ ‘ਤੇ ਅੰਦਰੂਨੀ ਤੌਰ ‘ਤੇ ਹੁੰਦਾ ਹੈ ਜਦੋਂ ਕਿ ਬਵਾਸੀਰ ਬਾਹਰੀ ਜਾਂ ਅੰਦਰੂਨੀ ਤੌਰ ‘ਤੇ ਹੋ ਸਕਦੇ ਹਨ।
ਇੱਕ ਨਿਊਜ਼ ਚੈੱਨਲ ਨਾਲ ਗੱਲਬਾਤ ਕਰਦਿਆਂ ਸਰਜਨ ਡਾ. ਰਮੇਸ਼ ਧੀਰ ਦਾ ਕਹਿਣਾ ਹੈ ਕਿ ਟਾਇਲਟ ‘ਚ ਬੈਠ ਕੇ ਲੰਮੇ ਸਮੇਂ ਤੱਕ ਮੋਬਾਈਲ ਫੋਨ ਦੀ ਵਰਤੋਂ (Using mobile in Toilet) ਕਰਨ ਨਾਲ ਬਵਾਸੀਰ ਦਾ ਖ਼ਤਰਾ ਵੱਧ ਸਕਦਾ ਹੈ। ਕਮੋਡ ਸੀਟ ‘ਤੇ ਲੰਬੇ ਸਮੇਂ ਤੱਕ ਬੈਠਣ ਨਾਲ ਗੁਦਾ ਦੇ ਖੇਤਰ ‘ਚ ਨਾੜੀਆਂ ‘ਤੇ ਦਬਾਅ ਵਧਦਾ ਹੈ, ਜਿਸ ਕਾਰਨ ਸਮੇਂ ਦੇ ਨਾਲ ਸੋਜ ਦੀ ਸਮੱਸਿਆ ਵਧਦੀ ਜਾਂਦੀ ਹੈ, ਜਿਸ ਨੂੰ ਬਵਾਸੀਰ ਦਾ ਕਾਰਨ ਮੰਨਿਆ ਜਾਂਦਾ ਹੈ।
ਇਨਫੈਕਸ਼ਨਾਂ ਅਤੇ ਹੋਰ ਬਿਮਾਰੀਆਂ ਦਾ ਖ਼ਤਰਾ
ਮੋਬਾਈਲ ਫੋਨ ‘ਤੇ ਰੀਲਾਂ ਦੇਖਣ ਦੀ ਆਦਤ ਕਾਰਨ ਲੋਕ ਹੁਣ ਪਹਿਲਾਂ ਦੇ ਮੁਕਾਬਲੇ ਔਸਤਨ 10 ਮਿੰਟ ਆਪਣੀਆਂ ਸੀਟਾਂ ‘ਤੇ ਬਿਤਾ ਰਹੇ ਹਨ। ਟਾਇਲਟ ਸੀਟਾਂ ‘ਤੇ ਜ਼ਿਆਦਾ ਰੋਗਾਣੂ ਹੁੰਦੇ ਹਨ, ਇਸ ਲਈ ਸਰੀਰ ਦੇ ਸੰਵੇਦਨਸ਼ੀਲ ਜਣਨ ਅੰਗਾਂ ‘ਚ ਲਾਗ ਦਾ ਖ਼ਤਰਾ ਵੀ ਵੱਧ ਹੋ ਸਕਦਾ ਹੈ।
ਇਸ ਤੋਂ ਇਲਾਵਾ, ਬੈਠੀ ਜੀਵਨ ਸ਼ੈਲੀ ਅਤੇ ਖਾਣ-ਪੀਣ ਦੀਆਂ ਮਾੜੀਆਂ ਆਦਤਾਂ ਤੁਹਾਡੇ ਜੋਖਮਾਂ ਨੂੰ ਦੁੱਗਣਾ ਕਰ ਦਿੰਦੀਆਂ ਹਨ। ਘੱਟ ਪਾਣੀ ਪੀਣਾ, ਜ਼ਿਆਦਾ ਜੰਕ ਫੂਡ ਖਾਣਾ ਅਤੇ ਟਾਇਲਟ ‘ਚ ਲੰਬੇ ਸਮੇਂ ਤੱਕ ਬੈਠਣਾ ਵਰਗੀਆਂ ਆਦਤਾਂ ਮਿਲ ਕੇ ਅਜਿਹੀਆਂ ਬਿਮਾਰੀਆਂ ਦੇ ਜੋਖਮ ਨੂੰ ਕਈ ਗੁਣਾ ਵਧਾ ਸਕਦੀਆਂ ਹਨ।
ਨੋਟ: ਇਹ ਲੇਖ ਸਿਹਤ ਅਤੇ ਤੰਦਰੁਸਤੀ ਸ਼੍ਰੇਣੀ ‘ਚ ਪ੍ਰਕਾਸ਼ਿਤ ਸਾਰੇ ਲੇਖ ਡਾਕਟਰਾਂ, ਮਾਹਰਾਂ ਦੇ ਵਿਚਾਰ-ਵਟਾਂਦਰੇ ਦੇ ਆਧਾਰ ‘ਤੇ ਤਿਆਰ ਕੀਤੇ ਗਏ ਹਨ। ਲੇਖ ਦਾ ਮਕਸਦ ਲੋਕਨ ਦੀ ਜਾਣਕਾਰੀ ਵਧਾਉਣਾ ਹੈ | ਅਸੀਂ ਕਿਸਮ ਦਾ ਦਾਅਵਾ ਨਹੀਂ ਕਰਦੇ | ਸਿਹਤ ਸੰਬੰਧੀ ਸਮੱਸਿਆ ‘ਤੇ ਡਾਕਟਰ ਦੀ ਸਲਾਹ ਜਰੂਰ ਲਿਓ |
Read More: How to Sleep Better: ਚੰਗੀ ਸਿਹਤ ਲਈ ਬਿਹਤਰ ਨੀਂਦ ਕਿਵੇਂ ਕਰੀਏ
