ਚੰਡੀਗੜ੍ਹ, 20 ਫਰਵਰੀ 2025: DC vs UPW: ਦਿੱਲੀ ਕੈਪੀਟਲਜ਼ (Delhi Capitals) ਨੇ ਮਹਿਲਾ ਪ੍ਰੀਮੀਅਰ ਲੀਗ (WPL 2025) ‘ਚ ਆਪਣੀ ਦੂਜੀ ਜਿੱਤ ਦਰਜ ਕੀਤੀ ਹੈ। ਟੀਮ ਨੇ ਬੁੱਧਵਾਰ ਰਾਤ ਨੂੰ ਯੂਪੀ ਵਾਰੀਅਰਜ਼ ਨੂੰ 7 ਵਿਕਟਾਂ ਨਾਲ ਹਰਾਇਆ। ਵਡੋਦਰਾ ‘ਚ ਆਖਰੀ ਓਵਰ ਤੱਕ ਚੱਲੇ ਇਸ ਰੋਮਾਂਚਕ ਮੈਚ ‘ਚ, ਦਿੱਲੀ ਨੇ 167 ਦੌੜਾਂ ਦਾ ਟੀਚਾ 19.5 ਓਵਰਾਂ ‘ਚ 3 ਵਿਕਟਾਂ ‘ਤੇ ਪ੍ਰਾਪਤ ਕਰ ਲਿਆ।
ਇਹ ਮੌਜੂਦਾ ਟੂਰਨਾਮੈਂਟ ‘ਚ ਦਿੱਲੀ ਕੈਪੀਟਲਜ਼ (Delhi Capitals) ਦੀ ਦੂਜੀ ਜਿੱਤ ਹੈ। ਇਸ ਤੋਂ ਪਹਿਲਾਂ, ਮੇਗ ਲੈਨਿੰਗ ਦੀ ਅਗਵਾਈ ਵਾਲੀ ਟੀਮ ਨੂੰ ਸੋਮਵਾਰ ਨੂੰ ਆਰਸੀਬੀ ਤੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ, ਜਦੋਂ ਕਿ ਸ਼ਨੀਵਾਰ ਨੂੰ ਟੀਮ ਨੇ ਇੱਕ ਕਰੀਬੀ ਮੈਚ ‘ਚ ਮੁੰਬਈ ਇੰਡੀਅਨਜ਼ (Mumbai Indians) ਨੂੰ ਦੋ ਵਿਕਟਾਂ ਨਾਲ ਹਰਾਇਆ ਸੀ।
ਇਸ ਜਿੱਤ ਨਾਲ, ਦਿੱਲੀ ਕੈਪੀਟਲਜ਼ ਅੰਕ ਸੂਚੀ ਵਿੱਚ ਦੂਜੇ ਸਥਾਨ ‘ਤੇ ਪਹੁੰਚ ਗਈ ਹੈ। ਟੀਮ ਨੇ ਹਰਮਨਪ੍ਰੀਤ ਕੌਰ ਦੀ ਅਗਵਾਈ ਵਾਲੀ ਟੀਮ ਨੂੰ ਪਿੱਛੇ ਛੱਡ ਦਿੱਤਾ। ਮੁੰਬਈ ਹੁਣ 0.783 ਦੇ ਨੈੱਟ ਰਨ ਰੇਟ ਨਾਲ ਤੀਜੇ ਸਥਾਨ ‘ਤੇ ਆ ਗਈ ਹੈ, ਜਦੋਂ ਕਿ ਦਿੱਲੀ ਚਾਰ ਅੰਕਾਂ ਅਤੇ -0.544 ਦੇ ਨੈੱਟ ਰਨ ਰੇਟ ਨਾਲ ਦੂਜੇ ਸਥਾਨ ‘ਤੇ ਆ ਗਈ ਹੈ।
ਵਡੋਦਰਾ ਦੇ ਸਟੇਡੀਅਮ ‘ਚ ਖੇਡੇ ਗਏ ਇਸ ਮੈਚ ‘ਚ, ਯੂਪੀ ਵਾਰੀਅਰਜ਼ ਨੇ ਟਾਸ ਹਾਰ ਕੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ 20 ਓਵਰਾਂ ‘ਚ ਸੱਤ ਵਿਕਟਾਂ ਦੇ ਨੁਕਸਾਨ ‘ਤੇ 166 ਦੌੜਾਂ ਬਣਾਈਆਂ। ਕਿਰਨ ਨਵਗਿਰੇ ਨੇ ਉਨ੍ਹਾਂ ਲਈ ਅਰਧ-ਸੈਂਕੜਾ ਪਾਰੀ ਖੇਡੀ। ਜਵਾਬ ‘ਚ, ਦਿੱਲੀ ਨੇ ਲੈਨਿੰਗ ਅਤੇ ਐਨਾਬੇਲ ਸਦਰਲੈਂਡ ਵਿਚਕਾਰ 35 ਗੇਂਦਾਂ ‘ਤੇ 41 ਦੌੜਾਂ ਦੀ ਸਾਂਝੇਦਾਰੀ ਅਤੇ ਮੈਰੀਜ਼ਾਨ ਕੈਪ ਦੁਆਰਾ 17 ਗੇਂਦਾਂ ‘ਤੇ ਨਾਬਾਦ 19 ਦੌੜਾਂ ਦੀ ਬਦੌਲਤ ਇੱਕ ਗੇਂਦ ਬਾਕੀ ਰਹਿੰਦਿਆਂ ਮੈਚ ਜਿੱਤ ਲਿਆ।
ਦਿੱਲੀ ਨੇ ਬਹੁਤ ਹੀ ਹਮਲਾਵਰ ਸ਼ੁਰੂਆਤ ਕੀਤੀ ਕਿਉਂਕਿ ਸ਼ੈਫਾਲੀ ਵਰਮਾ (16 ਗੇਂਦਾਂ ‘ਤੇ 16 ਦੌੜਾਂ) ਨੇ ਕਪਤਾਨ ਲੈਨਿੰਗ ਨਾਲ ਮਿਲ ਕੇ ਪਹਿਲੀ ਵਿਕਟ ਲਈ ਸਿਰਫ਼ 41 ਗੇਂਦਾਂ ‘ਤੇ 65 ਦੌੜਾਂ ਜੋੜੀਆਂ। ਸ਼ੈਫਾਲੀ ਨੂੰ ਸੱਤਵੇਂ ਓਵਰ ‘ਚ ਦੀਪਤੀ ਸ਼ਰਮਾ ਦੀ ਗੇਂਦ ‘ਤੇ ਚਿਨੇਲ ਹੈਨਰੀ ਨੇ ਆਊਟ ਕਰ ਦਿੱਤਾ। ਜੇਮੀਮਾ ਰੌਡਰਿਗਜ਼ ਵੀ ਜ਼ਿਆਦਾ ਦੇਰ ਟਿਕ ਨਹੀਂ ਸਕੀ ਅਤੇ ਅਗਲੇ ਓਵਰ ‘ਚ ਉਹ ਰਾਜੇਸ਼ਵਰੀ ਗਾਇਕਵਾੜ ਦੇ ਹੱਥੋਂ ਕੈਚ ਆਊਟ ਹੋ ਗਈ ਜਦੋਂ ਉਹ ਸੋਫੀ ਏਕਲਸਟੋਨ ਨੂੰ ਆਪਣਾ ਖਾਤਾ ਖੋਲ੍ਹੇ ਬਿਨਾਂ ਹੀ ਪੈਡਲ ਸਵੀਪ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਸੀ।
ਇਸ ਤੋਂ ਬਾਅਦ ਸਦਰਲੈਂਡ ਅਤੇ ਕੈਪ ਨੇ 48 ਦੌੜਾਂ ਦੀ ਨਾਬਾਦ ਸਾਂਝੇਦਾਰੀ ਕਰਕੇ ਟੀਮ ਨੂੰ ਜਿੱਤ ਦਿਵਾਈ। ਆਖਰੀ ਤਿੰਨ ਓਵਰਾਂ ‘ਚ 32 ਦੌੜਾਂ ਦੀ ਲੋੜ ਸੀ ਜਦੋਂ ਕੈਪ ਨੇ ਐਕਲਸਟੋਨ ਨੂੰ ਲਗਾਤਾਰ ਦੋ ਚੌਕੇ ਮਾਰੇ। ਆਖਰੀ ਓਵਰ ‘ਚ 11 ਦੌੜਾਂ ਦੀ ਲੋੜ ਸੀ, ਸਦਰਲੈਂਡ ਨੇ ਟਾਹਲੀਆ ਮੈਕਗ੍ਰਾਥ ਨੂੰ ਦੋ ਚੌਕੇ ਲਗਾ ਕੇ ਜਿੱਤ ਦਾ ਰਸਤਾ ਬਣਾਇਆ |
Read More: MI vs GG: ਗੁਜਰਾਤ ‘ਤੇ ਜਿੱਤ ਨਾਲ ਮਹਿਲਾ ਪ੍ਰੀਮੀਅਰ ਲੀਗ ਅੰਕ ਸੂਚੀ ਦੇ ਦੂਜੇ ਸਥਾਨ ‘ਤੇ ਪੁੱਜੀ ਮੁੰਬਈ ਇੰਡੀਅਨਜ਼
