ਚੰਡੀਗੜ੍ਹ, 10 ਮਾਰਚ 2025: UP Cabinet: ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ ਦੀ ਪ੍ਰਧਾਨਗੀ ਹੇਠ ਅੱਜ ਹੋਈ ਕੈਬਨਿਟ ਬੈਠਕ ‘ਚ ਕਈ ਅਹਿਮ ਫੈਸਲੇ ਲਏ ਗਏ ਹਨ | ਯੂਪੀ ਸਰਕਾਰ ਨੇ ਫੈਸਲਾ ਲਿਆ ਹੈ ਕਿ ਹੁਣ ਉੱਤਰ ਪ੍ਰਦੇਸ਼ ‘ਚ 10 ਹਜ਼ਾਰ ਰੁਪਏ ਤੋਂ ਲੈ ਕੇ 25 ਹਜ਼ਾਰ ਰੁਪਏ ਤੱਕ ਦੇ ਸਟੈਂਪਾਂ ਨੂੰ ਵੈਧ ਨਹੀਂ ਮੰਨਿਆ ਜਾਵੇਗਾ। ਇਸ ਤੋਂ ਬਾਅਦ 10 ਹਜ਼ਾਰ ਰੁਪਏ ਤੋਂ ਲੈ ਕੇ 25 ਹਜ਼ਾਰ ਰੁਪਏ ਤੱਕ ਦੇ ਸਟੈਂਪ ਪੇਪਰ ਪ੍ਰਚਲਨ ਤੋਂ ਬਾਹਰ ਹੋ ਜਾਣਗੇ। ਹਾਲਾਂਕਿ, ਨੋਟੀਫਿਕੇਸ਼ਨ ਜਾਰੀ ਹੋਣ ਤੋਂ ਪਹਿਲਾਂ ਖਰੀਦੇ ਪੱਤਰ 31 ਮਾਰਚ ਤੱਕ ਵਾਪਸ ਕੀਤੇ ਜਾ ਸਕਦੇ ਹਨ ਜਾਂ ਦੁਬਾਰਾ ਵਰਤੇ ਜਾ ਸਕਦੇ ਹਨ।
ਯੂਪੀ ਸਰਕਾਰ ਦੀ ਕੈਬਿਨਟ ਬੈਠਕ ਦੇ ਹੋਰ ਮਹੱਤਵਪੂਰਨ ਫੈਸਲੇ:-
ਕੈਬਿਨਟ ਬੈਠਕ ‘ਚ ਬਲੀਆ ‘ਚ ਮੈਡੀਕਲ ਕਾਲਜ ਦੀ ਸਥਾਪਨਾ ਲਈ ਜ਼ਮੀਨ ਦੇ ਮੁਫ਼ਤ ਤਬਾਦਲੇ ਲਈ ਸਹਿਮਤੀ ਦਿੱਤੀ ਗਈ।
ਬੁਲੰਦਸ਼ਹਿਰ ਦੇ ਆਟੋਨੋਮਸ ਸਟੇਟ ਮੈਡੀਕਲ ਕਾਲਜ ‘ਚ ਨਰਸਿੰਗ ਕਾਲਜ ਦੀ ਸਥਾਪਨਾ ਲਈ ਮੈਡੀਕਲ ਸਿੱਖਿਆ ਵਿਭਾਗ ਦੇ ਹੱਕ ਵਿੱਚ ਸਰਕਾਰੀ ਖੇਤੀਬਾੜੀ ਸਕੂਲ ਦੇ ਨਾਮ ‘ਤੇ ਰਜਿਸਟਰਡ ਜ਼ਮੀਨ ਦੇ ਮੁਫ਼ਤ ਤਬਾਦਲੇ ਲਈ ਸਹਿਮਤੀ।
ਸੈਫ਼ਈ ‘ਚ ਮੈਡੀਕਲ ਯੂਨੀਵਰਸਿਟੀ ਵਿਖੇ 300 ਬਿਸਤਰਿਆਂ ਵਾਲੇ ਗਾਇਨੀਕੋਲੋਜੀ ਬਲਾਕ ਦੇ ਨਿਰਮਾਣ ਲਈ ਵਿੱਤੀ ਪ੍ਰਵਾਨਗੀ ਦੇਣ ਲਈ ਇੱਕ ਸਮਝੌਤਾ ਹੋਇਆ।
ਡਿਫੈਂਸ ਇੰਡਸਟਰੀਅਲ ਕੋਰੀਡੋਰ ਦੇ ਲਖਨਊ ਨੋਡ ਅਧੀਨ ਲਖਨਊ ਵਿਖੇ ਡੀਟੀਆਈਐਸ ਸਥਾਪਤ ਕਰਨ ਲਈ ਐਸਪੀਪੀ ਨੂੰ 0.8 ਹੈਕਟੇਅਰ ਜ਼ਮੀਨ ਦੇਣ ਦਾ ਫੈਸਲਾ ਕੀਤਾ ਗਿਆ।
ਟੈਕਸਫੈੱਡ ਸਮੂਹ ਅਧੀਨ ਉੱਤਰ ਪ੍ਰਦੇਸ਼ ਸਹਿਕਾਰੀ ਸਪਿਨਿੰਗ ਮਿੱਲਜ਼ ਐਸੋਸੀਏਸ਼ਨ ਲਿਮਟਿਡ, ਕਾਨਪੁਰ ਦੀਆਂ ਬੰਦ ਪਈਆਂ ਸਪਿਨਿੰਗ ਮਿੱਲਾਂ ਦੀ ਜ਼ਮੀਨ ਨੂੰ ਉਦਯੋਗਿਕ ਵਰਤੋਂ ਲਈ UPSIDA ਨੂੰ ਮੁਫਤ ‘ਚ ਤਬਦੀਲ ਕਰਨ ਦਾ ਫੈਸਲਾ ਕੀਤਾ ਗਿਆ।
ਹਰਦੋਈ ਦੇ ਗੋਪਾਮੌਓ ਤਹਿਸੀਲ ਸਦਰ ਪਰਗਨਾ ਦੇ ਦਹੀ ਪਿੰਡ ‘ਚ ਮਹਾਰਿਸ਼ੀ ਦਧੀਚੀ ਕੁੰਡ ਦੇ ਆਲੇ-ਦੁਆਲੇ ਸੈਰ-ਸਪਾਟਾ ਵਿਕਾਸ ਲਈ ਬੰਜਰ ਸ਼੍ਰੇਣੀ ਦੀ ਸਰਕਾਰੀ ਜ਼ਮੀਨ ਨੂੰ ਮੁਫਤ ‘ਚ ਤਬਦੀਲ ਕਰਨ ਦਾ ਫੈਸਲਾ ਕੀਤਾ ਗਿਆ।
ਬੈਠਕ ‘ਚ ਹਾੜੀ ਮਾਰਕੀਟਿੰਗ ਸਾਲ 2025-26 ਲਈ ਕੀਮਤ ਸਹਾਇਤਾ ਯੋਜਨਾ ਤਹਿਤ ਕਣਕ ਖਰੀਦ ਨੀਤੀ ਨੂੰ ਪ੍ਰਵਾਨਗੀ ਦਿੱਤੀ ਗਈ।
ਉੱਤਰ ਪ੍ਰਦੇਸ਼ ਮੈਟਰੋ ਰੇਲ ਕਾਰਪੋਰੇਸ਼ਨ ਲਿਮਟਿਡ ਦੇ ਆਗਰਾ ਮੈਟਰੋ ਰੇਲ ਪ੍ਰੋਜੈਕਟ ਦੇ ਪਹਿਲੇ ਅਤੇ ਦੂਜੇ ਕੋਰੀਡੋਰ ਦੇ ਮੈਟਰੋ ਡਿਪੂ ਲਈ ਹਾਊਸਿੰਗ ਅਤੇ ਸ਼ਹਿਰੀ ਯੋਜਨਾ ਵਿਭਾਗ ਦੇ ਹੱਕ ‘ਚ ਗ੍ਰਹਿ ਵਿਭਾਗ ਦੀ ਜ਼ਮੀਨ ਦੇ ਮੁਫ਼ਤ ਤਬਾਦਲੇ ਲਈ ਸਹਿਮਤੀ ਦਿੱਤੀ ਹੈ।
Read More: Mahakumbh Mela 2025: CM ਯੋਗੀ ਨੇ ਕੈਬਿਨਟ ਮੰਤਰੀਆਂ ਨਾਲ ਮਹਾਂਕੁੰਭ ‘ਚ ਕੀਤਾ ਇਸ਼ਨਾਨ, ਮੀਟਿੰਗ ‘ਚ ਕੀਤੇ ਵੱਡੇ ਐਲਾਨ
