ਚੰਡੀਗੜ੍ਹ, 23 ਨਵੰਬਰ 2024: UP By Election Result: ਉੱਤਰ ਪ੍ਰਦੇਸ਼ ਦੀਆਂ 9 ਵਿਧਾਨ ਸਭਾ ਸੀਟਾਂ ‘ਤੇ ਜ਼ਿਮਨੀ ਚੋਣਾਂ ਲਈ ਵੋਟਾਂ ਦੀ ਗਿਣਤੀ ਜਾਰੀ ਹੈ। ਸਮਾਜਵਾਦੀ ਪਾਰਟੀ ਨੇ ਉੱਤਰ ਪ੍ਰਦੇਸ਼ ‘ਚ ਕਾਨਪੁਰ ਦੀ ਸੀਸਾਮਊ ਅਤੇ ਕਰਹਲ ਸੀਟਾਂ ਜਿੱਤੀਆਂ ਹਨ। ਉੱਥੇ ਭਾਜਪਾ (BJP) ਨੇ ਗਾਜ਼ੀਆਬਾਦ, ਖੈਰ, ਫੂਲਪੁਰ, ਕਟੇਹਰੀ, ਮਝਵਾਂ ਅਤੇ ਮੀਰਾਪੁਰ ਸੀਟਾਂ ਜਿੱਤੀਆਂ ਹਨ। ਕੁੰਦਰਕੀ ਵਿਧਾਨ ਸਭਾ ਸੀਟ ‘ਤੇ ਭਾਜਪਾ ਨੇ ਵੱਡੀ ਲੀਡ ਬਣਾਈ ਰੱਖੀ ਹੈ, ਜਿੱਥੋਂ ਸਪਾ ਦੀ ਵਾਪਸੀ ਅਸੰਭਵ ਹੈ |
ਸੀਐਮ ਯੋਗੀ ਨੇ ਕਿਹਾ ਕਿ ਨੌਂ ‘ਚੋਂ ਸੱਤ ਸੀਟਾਂ ਜਿੱਤਣ ਦਾ ਸਿਹਰਾ ਪੀਐਮ ਮੋਦੀ ਨੂੰ ਜਾਂਦਾ ਹੈ। ਲੋਕਾਂ ਦਾ ਪ੍ਰਧਾਨ ਮੰਤਰੀ ਵਿੱਚ ਅਟੁੱਟ ਵਿਸ਼ਵਾਸ ਹੈ। ਇਹ ਜਿੱਤ ਇਸ ਗੱਲ ਦਾ ਸਬੂਤ ਹੈ। ਅਸੀਂ ਸਾਰੇ ਲੋਕਾਂ ਦਾ ਧੰਨਵਾਦ ਕਰਦੇ ਹਾਂ। ਇਹ SP ਅਤੇ INDI ਦੀ ਲੁੱਟ ਅਤੇ ਝੂਠ ਦੀ ਰਾਜਨੀਤੀ ਦੇ ਅੰਤ ਦੀ ਸ਼ੁਰੂਆਤ ਦਾ ਨਤੀਜਾ ਹੈ।
ਨੇ ਕਿਹਾ ਕਿ ਮਹਾਰਾਸ਼ਟਰ ਵਿੱਚ ਮਿਲਿਆ ਫਤਵਾ ਰਾਮ ਅਤੇ ਦੇਸ਼ ਦੀ ਪੂਜਾ ਕਰਨ ਵਾਲੇ ਨਵੇਂ ਭਾਰਤ ਦੀ ਜਿੱਤ ਹੈ। ਡਾ. ਬੀ.ਆਰ ਅੰਬੇਡਕਰ ਦਾ ਅਪਮਾਨ ਕਰਨ ਵਾਲੇ ਹਾਰ ਗਏ ਹਨ। ਅੱਜ ਫਿਰ ਸਪੱਸ਼ਟ ਹੋ ਗਿਆ ਹੈ ਕਿ ਦੇਸ਼ ਦੇ ਲੋਕਾਂ ਦਾ ਮੋਦੀ ਦੀਆਂ ਨੀਤੀਆਂ, ਇਰਾਦਿਆਂ ਅਤੇ ਫੈਸਲਿਆਂ ਵਿੱਚ ਅਟੁੱਟ ਵਿਸ਼ਵਾਸ ਹੈ। ਇਹ ਇੰਡੀਆ ਗਠਜੋੜ ਦੀ ਹਾਰ ਹੈ ਜੋ ਤੁਸ਼ਟੀਕਰਨ ਅਤੇ ਫਿਰਕਾਪ੍ਰਸਤੀ ਦੇ ਸ਼ਾਰਟਕੱਟ ਰਾਹੀਂ ਸਰਕਾਰ ਬਣਾਉਣ ਦਾ ਸੁਪਨਾ ਦੇਖ ਰਿਹਾ ਸੀ।
