ਉੱਤਰ ਪ੍ਰਦੇਸ਼, 03 ਜੁਲਾਈ 2025: UP cabinet news: ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ ਦੀ ਪ੍ਰਧਾਨਗੀ ਹੇਠ ਹੋਈ ਕੈਬਨਿਟ ਬੈਠਕ ‘ਚ ਇੱਕ ਮਹੱਤਵਪੂਰਨ ਫੈਸਲਾ ਲੈਂਦੇ ਹੋਏ JPNIC ਦੇ ਸੰਚਾਲਨ ਦੀ ਜ਼ਿੰਮੇਵਾਰੀ ਲਖਨਊ ਵਿਕਾਸ ਅਥਾਰਟੀ ਨੂੰ ਸੌਂਪ ਦਿੱਤੀ ਗਈ ਹੈ। ਵੀਰਵਾਰ ਨੂੰ ਲੋਕ ਭਵਨ ‘ਚ ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ ਦੀ ਪ੍ਰਧਾਨਗੀ ਹੇਠ ਹੋਈ ਕੈਬਨਿਟ ਬੈਠਕ ‘ਚ 30 ਪ੍ਰਸਤਾਵਾਂ ਨੂੰ ਮਨਜ਼ੂਰੀ ਦਿੱਤੀ ਗਈ।
ਬੈਠਕ ਤੋਂ ਬਾਅਦ ਮੰਤਰੀ ਨੰਦ ਗੋਪਾਲ ਗੁਪਤਾ ਨੰਦੀ ਨੇ ਦੱਸਿਆ ਕਿ ਆਗਰਾ ਲਖਨਊ ਐਕਸਪ੍ਰੈਸਵੇਅ ਨੂੰ ਪੂਰਵਾਂਚਲ ਐਕਸਪ੍ਰੈਸਵੇਅ ਨਾਲ ਜੋੜਨ ਲਈ ਇੱਕ ਨਵਾਂ ਲਿੰਕ ਐਕਸਪ੍ਰੈਸਵੇਅ ਮਨਜ਼ੂਰ ਕਰ ਲਿਆ ਗਿਆ ਹੈ।
ਉੱਤਰ ਪ੍ਰਦੇਸ਼ ਦੀ ਕੈਬਨਿਟ ਬੈਠਕ (UP Cabinet) ‘ਚ ਇਨ੍ਹਾਂ ਪ੍ਰਸਤਾਵਾਂ ਨੂੰ ਮਨਜ਼ੂਰੀ
ਕੈਬਨਿਟ ਬੈਠਕ ਨੇ ਬੁੰਦੇਲਖੰਡ ਉਦਯੋਗਿਕ ਵਿਕਾਸ ਅਥਾਰਟੀ ਖੇਤਰ ਨਿਯਮ 2025 ਨੂੰ ਮਨਜ਼ੂਰੀ ਦਿੱਤੀ ਹੈ।
ਉਦਯੋਗਿਕ ਨਿਵੇਸ਼ ਅਤੇ ਰੁਜ਼ਗਾਰ ਪ੍ਰਮੋਸ਼ਨ ਨੀਤੀ – 2022 ਦੇ ਤਹਿਤ, 20 ਮਾਰਚ 2025 ਅਤੇ 27 ਮਾਰਚ 2025 ਨੂੰ ਹੋਈ ਬੈਠਕ ‘ਚ ਉੱਚ ਪੱਧਰੀ ਅਧਿਕਾਰਤ ਕਮੇਟੀ ਦੁਆਰਾ ਕੀਤੀਆਂ ਗਈਆਂ ਸਿਫ਼ਾਰਸ਼ਾਂ ਨੂੰ ਮਨਜ਼ੂਰੀ ਦਿੱਤੀ ਗਈ।
ਉੱਤਰ ਪ੍ਰਦੇਸ਼ ਰੁਜ਼ਗਾਰ ਮਿਸ਼ਨ ਦੇ ਗਠਨ ਲਈ ਪ੍ਰਵਾਨਗੀ।
ਉੱਤਰ ਪ੍ਰਦੇਸ਼ ਵਿਕਾਸ ਅਥਾਰਟੀ ਇਮਾਰਤ ਨਿਰਮਾਣ ਅਤੇ ਵਿਕਾਸ ਉਪ-ਨਿਯਮ ਅਤੇ ਮਾਡਲ ਜ਼ੋਨਿੰਗ ਨਿਯਮ – 2025 ਨੂੰ ਲਾਗੂ ਕਰਨ ਦੀ ਪ੍ਰਵਾਨਗੀ।
ਰਾਜ ਸਰਕਾਰ ਦੇ ਏਕੀਕ੍ਰਿਤ ਵਿੱਤੀ ਪ੍ਰਬੰਧਨ ਪ੍ਰਣਾਲੀ (IFMS) ਦੇ ਅਪਗ੍ਰੇਡੇਸ਼ਨ ਲਈ ਨਾਮਜ਼ਦਗੀ ਦੇ ਆਧਾਰ ‘ਤੇ ਭਾਰਤ ਸਰਕਾਰ ਦੇ ਇਲੈਕਟ੍ਰਾਨਿਕਸ ਅਤੇ ਸੂਚਨਾ ਤਕਨਾਲੋਜੀ ਮੰਤਰਾਲੇ ਦੇ ਵਿਗਿਆਨਕ ਸੰਸਥਾਨ – ਸੈਂਟਰ ਫਾਰ ਡਿਵੈਲਪਮੈਂਟ ਆਫ ਐਡਵਾਂਸਡ ਕੰਪਿਊਟਿੰਗ ਨੂੰ ਇਕਰਾਰਨਾਮਾ ਕਰਨ ਦੀ ਪ੍ਰਵਾਨਗੀ ਦਿੱਤੀ ਹੈ।
ਯੂਪੀ ‘ਚ ਨਿੱਜੀ ਖੇਤਰ ਦੇ ਅਧੀਨ ਡਾ. ਕੇ. ਐਨ. ਮੋਦੀ ਯੂਨੀਵਰਸਿਟੀ, ਮੋਦੀਨਗਰ, ਗਾਜ਼ੀਆਬਾਦ ਸਥਾਪਤ ਕਰਨ ਦੀ ਪ੍ਰਵਾਨਗੀ।
ਉੱਤਰ ਪ੍ਰਦੇਸ਼ ਉੱਚ ਨਿਆਂਇਕ ਸੇਵਾ ਨਿਯਮਾਂ 1975 ‘ਚ ਸੋਧ ਨੂੰ ਪ੍ਰਵਾਨਗੀ।
ਉੱਤਰ ਪ੍ਰਦੇਸ਼ ਗ੍ਰਾਮ ਵਿਕਾਸ ਅਧਿਕਾਰੀ ਸੇਵਾ ਨਿਯਮਾਂ 2025 ਨੂੰ ਪ੍ਰਵਾਨਗੀ।
ਉੱਤਰ ਪ੍ਰਦੇਸ਼ ਪਸ਼ੂ ਪਾਲਣ ਵਿਭਾਗ ਵੈਟਰਨਰੀ ਫਾਰਮਾਸਿਸਟ ਸੇਵਾ ਨਿਯਮਾਂ 2025 ਨੂੰ ਪ੍ਰਵਾਨਗੀ।
ਉੱਤਰ ਪ੍ਰਦੇਸ਼ ਭਾਸ਼ਾ ਸੰਸਥਾਨ ਦੇ ਕਰਮਚਾਰੀਆਂ ਦੀ ਸੇਵਾਮੁਕਤੀ ਦੀ ਉਮਰ 58 ਸਾਲ ਤੋਂ ਵਧਾ ਕੇ 60 ਸਾਲ ਕਰਨ ਦੀ ਪ੍ਰਵਾਨਗੀ।
Read More: ਵਿਦਿਆਰਥਣ ਨੇ ਸਕੂਲ ਫੀਸ ਭਰਨ ਲਈ ਮੰਗੀ ਮੱਦਦ, CM ਯੋਗੀ ਨੇ ਕਿਹਾ-“ਮੈਂ ਖੁਦ ਕਰਾਂਗਾ ਫੀਸਾਂ ਦਾ ਪ੍ਰਬੰਧ”
