15 ਸਤੰਬਰ 2024: ਯੂਪੀ ਦੇ ਮੇਰਠ ‘ਚ ਸ਼ਨੀਵਾਰ ਸ਼ਾਮ ਨੂੰ 3 ਮੰਜਿਲਾਂ ਈ,ਇਮਾਰਤ ਡਿੱਗ ਗਈ, ਦੱਸ ਦੇਈਏ ਕਿ ਹੋਏ ਇਸ ਹਾਦਸੇ ‘ਚ ਹੁਣ ਤੱਕ 8 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। 5 ਲੋਕਾਂ ਨੂੰ ਸੁਰੱਖਿਅਤ ਬਾਹਰ ਕੱਢ ਲਿਆ ਗਿਆ ਹੈ। ਫਿਲਹਾਲ ਦੋ ਲੋਕ ਮਲਬੇ ਹੇਠਾਂ ਦੱਬੇ ਹੋਏ ਹਨ, ਜਿਨ੍ਹਾਂ ਨੂੰ ਕੱਢਣ ਲਈ ਐਸਡੀਆਰਐਫ ਅਤੇ ਐਨਡੀਆਰਐਫ ਦੀਆਂ ਟੀਮਾਂ ਲੱਗੀਆਂ ਹੋਈਆਂ ਹਨ। 16 ਘੰਟਿਆਂ ਤੋਂ ਬਚਾਅ ਕਾਰਜ ਜਾਰੀ ਹੈ। ਲੋਕਾਂ ਦੀ ਭਾਲ ਲਈ ਸੁੰਘਣ ਵਾਲੇ ਕੁੱਤਿਆਂ ਦੀ ਮਦਦ ਲਈ ਜਾ ਸਕਦੀ ਹੈ
ਮਲਬੇ ਵਿੱਚ ਤਬਦੀਲ ਹੋਇਆ ਘਰ 300 ਗਜ਼ ਦੇ ਪਾਰ ਸੀ ਅਤੇ 50 ਸਾਲ ਪੁਰਾਣਾ ਸੀ। ਹੇਠਲੀ ਮੰਜ਼ਿਲ ‘ਤੇ ਅਲਾਉਦੀਨ ਅਤੇ ਉਸ ਦੀ ਮੌਤ ਤੋਂ ਬਾਅਦ ਚਾਰ ਪੁੱਤਰ ਸਾਜਿਦ, ਨਦੀਮ, ਨਈਮ ਅਤੇ ਸ਼ਾਕਿਰ 20 ਸਾਲਾਂ ਤੋਂ ਪਸ਼ੂਆਂ ਦੀ ਡੇਅਰੀ ਚਲਾ ਰਹੇ ਸਨ। ਉਪਰਲੀ ਮੰਜ਼ਿਲ ‘ਤੇ ਚਾਰ ਭਰਾਵਾਂ ਦਾ ਪਰਿਵਾਰ ਰਹਿੰਦਾ ਸੀ।
ਪੂਰੇ ਘਰ ਵਿੱਚ ਇੱਕ ਹੀ ਥੰਮ੍ਹ ਸੀ ਅਤੇ ਉਹ ਗੇਟ ਉੱਤੇ ਸੀ। ਘਰ ਦੀ ਕੰਧ ਵੀ ਚਾਰ ਇੰਚ ਮੋਟੀ ਸੀ। ਘਰਾਂ ਵਿੱਚੋਂ ਪਾਣੀ ਦੀ ਨਿਕਾਸੀ ਦਾ ਕੋਈ ਪ੍ਰਬੰਧ ਨਹੀਂ ਸੀ। ਦੀਵਾਰਾਂ ‘ਤੇ ਪਸ਼ੂਆਂ ਦਾ ਕੂੜਾ ਇਕੱਠਾ ਹੋ ਰਿਹਾ ਸੀ। ਪਰਿਵਾਰ ਲਿੰਟਰ ਦੇ ਹੇਠਾਂ ਦੱਬਿਆ ਹੋਇਆ ਸੀ ਅਤੇ ਉਨ੍ਹਾਂ ਨੂੰ ਕੱਢਣਾ ਮੁਸ਼ਕਲ ਸੀ।
