ਹਰਿਆਣਾ, 15 ਸਤੰਬਰ 2025: Haryana News: ਹਰਿਆਣਾ ਰਾਜ ਸਹਿਕਾਰੀ ਸਪਲਾਈ ਅਤੇ ਮਾਰਕੀਟਿੰਗ ਫੈਡਰੇਸ਼ਨ ਲਿਮਟਿਡ (HAFED) ਰਿਵਾੜੀ ਜ਼ਿਲ੍ਹੇ ਦੇ ਰਾਮਪੁਰਾ ਵਿਖੇ ਇੱਕ ਅਤਿ-ਆਧੁਨਿਕ ਸਰ੍ਹੋਂ ਦੇ ਤੇਲ ਮਿੱਲ ਸਥਾਪਤ ਕਰੇਗਾ। ਮਿੱਲ ਦੀ ਸ਼ੁਰੂਆਤੀ ਪ੍ਰੋਸੈਸਿੰਗ ਸਮਰੱਥਾ 150 ਟੀਪੀਡੀ ਹੋਵੇਗੀ, ਜਿਸਨੂੰ 300 ਟੀਪੀਡੀ ਤੱਕ ਵਧਾਇਆ ਜਾ ਸਕਦਾ ਹੈ। ਇਹ ਪ੍ਰੋਜੈਕਟ ਡਿਜ਼ਾਈਨ, ਬਿਲਡ, ਫਾਈਨੈਂਸ, ਓਪਰੇਟ ਅਤੇ ਟ੍ਰਾਂਸਫਰ (DBFOT) ਦੇ ਆਧਾਰ ‘ਤੇ ਜਨਤਕ-ਨਿੱਜੀ ਭਾਈਵਾਲੀ (PPP) ਮਾਡਲ ਤਹਿਤ ਲਾਗੂ ਕੀਤਾ ਜਾਵੇਗਾ।
ਇਸ ਸਬੰਧ ‘ਚ ਮੁੱਖ ਸਕੱਤਰ ਅਨੁਰਾਗ ਰਸਤੋਗੀ ਦੀ ਪ੍ਰਧਾਨਗੀ ਹੇਠ ਹੋਈ ਬੈਠਕ ‘ਚ ਦਿੱਤੀ ਗਈ। ਬੈਠਕ ‘ਚ ਦੱਸਿਆ ਕਿ ਇਹ ਪਲਾਂਟ ਠੇਕਾ ਦਿੱਤੇ ਜਾਣ ਦੀ ਮਿਤੀ ਤੋਂ 18 ਮਹੀਨਿਆਂ ਦੇ ਅੰਦਰ ਚਾਲੂ ਹੋਣ ਦੀ ਉਮੀਦ ਹੈ। ਪਲਾਂਟ ‘ਚ ਵਿਸ਼ਵ ਪੱਧਰੀ ਪ੍ਰੋਸੈਸਿੰਗ ਮਿਆਰ ਅਪਣਾਏ ਜਾਣਗੇ ਅਤੇ ਕੁਸ਼ਲ ਸਪਲਾਈ ਚੇਨ ਪ੍ਰਬੰਧਨ ਨੂੰ ਯਕੀਨੀ ਬਣਾਇਆ ਜਾਵੇਗਾ।
ਜਿਕਰਯੋਗ ਹੈ ਕਿ ਰਾਮਪੁਰਾ ਭਿਵਾਨੀ, ਮਹਿੰਦਰਗੜ੍ਹ, ਹਿਸਾਰ, ਰੋਹਤਕ, ਝੱਜਰ ਅਤੇ ਰਿਵਾੜੀ ਵਰਗੇ ਪ੍ਰਮੁੱਖ ਸਰ੍ਹੋਂ ਉਤਪਾਦਕ ਜ਼ਿਲ੍ਹਿਆਂ ਨਾਲ ਜੁੜਿਆ ਹੋਇਆ ਹੈ। ਇਹ ਜ਼ਿਲ੍ਹੇ ਮਿਲ ਕੇ ਹਰਿਆਣਾ ਦੇ ਕੁੱਲ ਰੇਪਸੀਡ-ਸਰ੍ਹੋਂ ਉਤਪਾਦਨ ਦਾ ਲਗਭਗ 60 ਫੀਸਦੀ ਯੋਗਦਾਨ ਪਾਉਂਦੇ ਹਨ, ਜਿਸ ਨਾਲ ਕੱਚੇ ਮਾਲ ਦੀ ਲੋੜੀਂਦੀ ਉਪਲਬੱਧਤਾ ਯਕੀਨੀ ਬਣਦੀ ਹੈ। ਪਲਾਂਟ ਦੀ ਸਾਲਾਨਾ ਲੋੜ 45,000 ਮੀਟ੍ਰਿਕ ਟਨ ਹੋਵੇਗੀ, ਜੋ ਕਿ ਕੈਚਮੈਂਟ ਖੇਤਰ ਦੀ ਉਪਲਬੱਧਤਾ ਦਾ ਲਗਭਗ 10 ਪ੍ਰਤੀਸ਼ਤ ਹੈ। ਇਸ ਤਰ੍ਹਾਂ, ਪਲਾਂਟ ਦਾ ਸੰਚਾਲਨ ਨਿਯਮਤ ਅਤੇ ਸਥਿਰ ਹੋਵੇਗਾ।
ਪ੍ਰਸਤਾਵਿਤ ਸਥਾਨ ਕੈਚਮੈਂਟ ਖੇਤਰ ਤੋਂ 200 ਕਿਲੋਮੀਟਰ ਦੇ ਘੇਰੇ ‘ਚ ਸਥਿਤ ਹੈ ਅਤੇ ਸ਼ਾਨਦਾਰ ਸੜਕ ਅਤੇ ਰੇਲ ਨੈੱਟਵਰਕ ਨਾਲ ਜੁੜਿਆ ਹੋਇਆ ਹੈ। ਇਹ ਸੁਚਾਰੂ ਖਰੀਦ, ਆਵਾਜਾਈ ਅਤੇ ਵੰਡ ਦੇ ਨਾਲ-ਨਾਲ ਰਾਜ ਦੇ ਤੇਲ ਬੀਜ ਖੇਤਰ ਦੀ ਮੁਕਾਬਲੇਬਾਜ਼ੀ ਨੂੰ ਮਜ਼ਬੂਤ ਕਰੇਗਾ।
Read More: ਆਤਮਨਿਰਭਰ ਭਾਰਤ ਵਰਗੇ ਰਾਸ਼ਟਰੀ ਮੁਹਿੰਮਾਂ ‘ਚ ਛੋਟੇ ਉਦਯੋਗਾਂ ਦੀ ਵੱਡੀ ਭੂਮਿਕਾ: CM ਨਾਇਬ ਸਿੰਘ ਸੈਣੀ
