ਅੰਮ੍ਰਿਤਸਰ 20 ਜਨਵਰੀ 2023: ਅੱਜ ਸ਼ਾਮ ਅੰਮ੍ਰਿਤਸਰ-ਪਠਾਨਕੋਟ ਹਾਈਵੇ (Amritsar-Pathankot highway) ‘ਤੇ ਇੱਕ ਭਿਆਨਕ ਸੜਕ ਹਾਦਸੇ ਵਿੱਚ ਇੱਕ ਦੀ ਮੌਤ ਅਤੇ 7 ਜਣੇ ਗੰਭੀਰ ਜ਼ਖਮੀ ਹੋ ਗਏ | ਪਠਾਨਕੋਟ ਤੋਂ ਆ ਰਹੀ ਇੱਕ ਕਾਰ ਜਦੋਂ ਹਾਈਵੇ ‘ਤੇ ਚੜੀ ਤਾਂ ਸਾਹਮਣੇ ਤੋਂ ਰਹੀ ਕਾਰ ਨਾਲ ਭਿਆਨਕ ਟੱਕਰ ਹੋ ਗਈ | ਇਕ ਕਾਰ ‘ਚ ਪਰਿਵਾਰ ਦੇ 5 ਜੀਅ ਅੰਮ੍ਰਿਤਸਰ ਜਾ ਰਹੇ ਸਨ | ਟੱਕਰ ਇੰਨੀ ਭਿਆਨਕ ਸੀ ਕਿ ਕਾਰਾਂ ਬੁਰੀ ਤਰਾਂ ਨੁਕਸਾਨੀਆਂ ਗਈਆਂ |

ਸਵਿਫਟ ਗੱਡੀ ‘ਚ ਸਵਾਰ ਕਸਬਾ ਧਿਆਨਪੁਰ ਦੇ ਰਹਿਣ ਵਾਲੇ ਰਾਕੇਸ਼ ਕੁਮਾਰ ਆਪਣੀ ਪਤਨੀ ਅਤੇ ਬੇਟੇ ਨਾਲ ਗੁਰਦਾਸਪੁਰ ਜਾ ਰਹੇ ਸਨ ਅਤੇ ਹਾਦਸੇ ‘ਚ ਰਾਕੇਸ਼ ਦੀ ਮੌਕੇ ਤੇ ਮੌਤ ਹੋ ਗਈ ਅਤੇ ਉਸਦੀ ਪਤਨੀ ਅਨੂ ਅਤੇ ਬੇਟਾ ਗੰਭੀਰ ਜ਼ਖਮੀ ਹੋ ਗਿਆ | ਜਿਹਨਾਂ ਨੂੰ ਇਲਾਜ ਲਈ ਅੰਮ੍ਰਿਤਸਰ ਹਸਪਤਾਲ ਭੇਜਿਆ ਗਿਆ ਹੈ | ਉਥੇ ਹੀ ਪਠਾਨਕੋਟ ਤੋਂ ਆ ਰਹੀ ਕਾਰ ‘ਚ ਇਕ ਬੱਚੇ ਸਮੇਤ ਪਰਿਵਾਰ ਦੇ 5 ਮੈਂਬਰ ਸਵਾਰ ਸਨ, ਜੋ ਕਿ ਹਾਦਸੇ ‘ਚ ਬੁਰੀ ਤਰ੍ਹਾਂ ਨਾਲ ਜ਼ਖਮੀ ਹਨ | ਇਹਨਾਂ ਸਭ ਦਾ ਇਲਾਜ ਸਿਵਲ ਹਸਪਤਾਲ ਬਟਾਲਾ ‘ਚ ਚੱਲ ਰਿਹਾ ਹੈ |