ਚੰਡੀਗੜ੍ਹ, 12 ਸਤੰਬਰ 2023: ਭਾਰਤ-ਮੱਧ ਪੂਰਬ-ਯੂਰਪ ਇਕਨੌਮਿਕ ਕੋਰੀਡੋਰ ਨੂੰ ਜੀ-20 ਸੰਮੇਲਨ ਦੀ ਵੱਡੀ ਪ੍ਰਾਪਤੀ ਵਜੋਂ ਦੇਖਿਆ ਜਾ ਰਿਹਾ ਹੈ। ਹੁਣ ਤੁਰਕੀ ਨੇ ਇਸ ‘ਤੇ ਇਤਰਾਜ਼ ਪ੍ਰਗਟਾਇਆ ਹੈ। ਤੁਰਕੀ ਦੇ ਰਾਸ਼ਟਰਪਤੀ ਰੇਸੇਪ ਤੈਯਪ ਏਰਦੋਗਨ ਨੇ ਕਿਹਾ ਹੈ ਕਿ ਉਨ੍ਹਾਂ ਦੇ ਬਿਨਾਂ ਕੋਈ ਕੋਰੀਡੋਰ (Economic Corridor) ਨਹੀਂ ਬਣ ਸਕਦਾ।
ਉਨ੍ਹਾਂ ਕਿਹਾ ਕਿ ਪੂਰਬ ਤੋਂ ਪੱਛਮ ਵੱਲ ਜਾਣ ਵਾਲਾ ਕੋਈ ਵੀ ਟਰੈਫਿਕ ਤੁਰਕੀ ਤੋਂ ਲੰਘਣਾ ਹੋਵੇਗਾ। ਭਾਰਤ, ਯੂਏਈ, ਸਾਊਦੀ ਅਰਬ, ਅਮਰੀਕਾ, ਫਰਾਂਸ, ਜਰਮਨੀ, ਇਟਲੀ ਅਤੇ ਯੂਰਪੀਅਨ ਯੂਨੀਅਨ ਸਮੇਤ ਕੁੱਲ 8 ਦੇਸ਼ਾਂ ਨੂੰ ਇਸਰਾਈਲ ਅਤੇ ਜਾਰਡਨ ਨੂੰ ਵੀ ਇਸ ਪ੍ਰੋਜੈਕਟ ਦਾ ਲਾਭ ਮਿਲੇਗਾ।
ਮੁੰਬਈ ਤੋਂ ਸ਼ੁਰੂ ਹੋਣ ਵਾਲਾ ਇਹ ਨਵਾਂ ਕੋਰੀਡੋਰ ਚੀਨ ਦੀ ਬੈਲਟ ਐਂਡ ਰੋਡ ਇਨੀਸ਼ੀਏਟਿਵ (ਬੀਆਰਆਈ) ਦਾ ਬਦਲ ਹੋਵੇਗਾ। ਇਹ ਕਾਰੀਡੋਰ 6 ਹਜ਼ਾਰ ਕਿਲੋਮੀਟਰ ਲੰਬਾ ਹੋਵੇਗਾ। ਇਸ ਵਿੱਚ 3500 ਕਿਲੋਮੀਟਰ ਸਮੁੰਦਰੀ ਰਸਤਾ ਸ਼ਾਮਲ ਹੈ। ਕਾਰੀਡੋਰ ਦੇ ਬਣਨ ਤੋਂ ਬਾਅਦ ਭਾਰਤ ਤੋਂ ਯੂਰਪ ਤੱਕ ਮਾਲ ਦੀ ਢੋਆ-ਢੁਆਈ ਵਿੱਚ ਲਗਭਗ 40% ਸਮਾਂ ਬਚੇਗਾ। ਵਰਤਮਾਨ ਵਿੱਚ, ਭਾਰਤ ਤੋਂ ਕਿਸੇ ਵੀ ਮਾਲ ਨੂੰ ਸ਼ਿਪਿੰਗ ਦੁਆਰਾ ਜਰਮਨੀ ਤੱਕ ਪਹੁੰਚਣ ਵਿੱਚ 36 ਦਿਨ ਲੱਗਦੇ ਹਨ, ਇਸ ਰਸਤੇ ਵਿੱਚ 14 ਦਿਨਾਂ ਦੀ ਬਚਤ ਹੋਵੇਗੀ। ਯੂਰਪ ਤੱਕ ਸਿੱਧੀ ਪਹੁੰਚ ਹੋਣ ਨਾਲ ਭਾਰਤ ਲਈ ਆਯਾਤ-ਨਿਰਯਾਤ ਆਸਾਨ ਅਤੇ ਸਸਤਾ ਹੋ ਜਾਵੇਗਾ।
