ਮੋਗਾ, 02 ਮਾਰਚ 2023: ਮੋਗਾ (Moga) ਦੇ ਅਜੀਤ ਵਾਲਾ ਵਿੱਚ ਚੋਰਾਂ ਨੇ ਇੱਕ ਪੈਲੇਸ ਨੂੰ ਬਣਾਇਆ ਨਿਸ਼ਾਨਾ ਅਤੇ ਅੱਜ ਤੜਕੇ ਚਾਰ ਵਜੇ ਤਿੰਨ ਚੋਰ ਮੈਰਿਜ ਪੈਲੇਸ ਦੇ ਗੋਦਾਮ ਦੇ ਤਾਲੇ ਤੋੜ ਕੇ ਵਿਆਹ ਸਮਾਗਮ ਲਈ ਲਿਆਂਦਾ ਰਾਸ਼ਨ ਚੋਰੀ ਕਰਕੇ ਲੈ ਗਏ, ਉਕਤ ਚੋਰਾਂ ਨੇ ਪੈਲੇਸ ਵਿੱਚ ਪਿਆ ਬੱਕਰੇ ਅਤੇ ਮੁਰਗੇ ਦਾ ਕੱਚਾ ਮੀਟ, ਸਿਲੰਡਰ ਵੀ ਨਹੀਂ ਛੱਡਿਆ ਅਤੇ ਕੋਲਡ ਡਰਿੰਕ ਬਗੈਰ ਵੀ ਨਾਲ ਚੁੱਕ ਕੇ ਲੈ ਗਏ |

ਚੋਰੀ ਦੀ ਸਾਰੀ ਘਟਨਾ CCTV ਕੈਮਰੇ ਵਿੱਚ ‘ਚ ਕੈਦ ਹੋ ਗਈ | ਦੂਜੇ ਪਾਸੇ ਜਾਂਚ ਅਧਿਕਾਰੀ ਸੁਖਦੇਵ ਸਿੰਘ ਨੇ ਦੱਸਿਆ ਕਿ ਸਾਡੇ ਕੋਲ ਸੰਦੀਪ ਕੁਮਾਰ ਨਾਂ ਦੇ ਪੈਲੇਸ ਮਾਲਕ ਨੇ ਸ਼ਿਕਾਇਤ ਦਰਜ ਕਰਵਾਈ ਹੈ ਕਿ ਉਸ ਦੇ ਪੈਲੇਸ ‘ਚੋਂ ਤਿੰਨ ਵਿਅਕਤੀਆਂ ਨੇ ਚੋਰੀ ਕੀਤੀ ਹੈ ਅਤੇ ਅਸੀਂ ਇਸ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ ਅਤੇ ਚੋਰਾਂ ਨੂੰ ਜਲਦ ਫੜਨ ਲਈ ਸੀਸੀਟੀਵੀ ਫੁਟੇਜ ਵੀ ਲੈ ਰਹੇ ਹਾਂ।