ਚੰਡੀਗੜ੍ਹ, 28 ਮਈ 2024: ਫਿਲਮ ਪੁਸ਼ਪਾ-2 (Pushpa 2) ਦੇ ਸੀਕੁਅਲ ਨੂੰ ਲੈ ਕੇ ਪ੍ਰਸ਼ੰਸਕਾਂ ‘ਚ ਕਾਫੀ ਕ੍ਰੇਜ਼ ਹੈ। ਅੱਲੂ ਅਰਜੁਨ ਦੇ ਟਾਈਟਲ ਗੀਤ ਪੁਸ਼ਪਾ-ਪੁਸ਼ਪਾ 2 ਗੀਤ ਦੇ ਰਿਲੀਜ਼ ਹੋਣ ਨਾਲ ਉਨ੍ਹਾਂ ਦਾ ਕ੍ਰੇਜ਼ ਕਾਫ਼ੀ ਵਧ ਗਿਆ ਹੈ। ਇਸ ਦੌਰਾਨ ਇਸ ਗੀਤ ਨੇ ਯੂਟਿਊਬ ‘ਤੇ ਵਿਊਜ਼ ਦੇ ਲਿਹਾਜ਼ ਨਾਲ 10 ਕਰੋੜ ਵਿਊਜ਼ ਹਾਸਲ ਕਰਕੇ ਇਕ ਖਾਸ ਰਿਕਾਰਡ ਬਣਾਇਆ ਹੈ।
ਪੁਸ਼ਪਾ-2 (Pushpa 2) ਦਾ ਦੂਜਾ ਗੀਤ ‘ਅੰਗਾਰੋਂ’ ਰਿਲੀਜ਼ ਹੋਣ ਤੋਂ ਪਹਿਲਾਂ ਹੀ ਫਿਲਮ ਦਾ ਪਹਿਲਾ ਗੀਤ ਚਰਚਾ ‘ਚ ਆ ਗਿਆ ਹੈ। ਸਾਲ 2021 ਵਿੱਚ ਰਿਲੀਜ਼ ਹੋਈ ਪੁਸ਼ਪਾ – ਦ ਰਾਈਜ਼ ਨੂੰ ਹਿੱਟ ਬਣਾਉਣ ਵਿੱਚ ਉਸਦੇ ਗੀਤਾਂ ਨੇ ਵੀ ਮਹੱਤਵਪੂਰਨ ਯੋਗਦਾਨ ਪਾਇਆ।
ਇਸੇ ਤਰ੍ਹਾਂ, ਮੇਕਰਸ ਨੇ ਪੁਸ਼ਪਾ-ਦ ਰੂਲ ਲਈ ਵੀ ਯੋਜਨਾ ਬਣਾਈ ਹੈ ਅਤੇ ਟ੍ਰੇਲਰ ਤੋਂ ਪਹਿਲਾਂ ਫਿਲਮ ਦੇ ਗੀਤ ਲਗਾਤਾਰ ਰਿਲੀਜ਼ ਕੀਤੇ ਜਾ ਰਹੇ ਹਨ। ਪੁਸ਼ਪਾ 2 ਦਾ ਟਾਈਟਲ ਗੀਤ ਪੁਸ਼ਪਾ-ਪੁਸ਼ਪਾ 1 ਮਈ 2024 ਨੂੰ ਰਿਲੀਜ਼ ਹੋਇਆ ਸੀ। ਹੁਣ, 27 ਦਿਨਾਂ ਬਾਅਦ, ਅੱਲੂ ਅਰਜਨ ਦੇ ਇਸ ਗੀਤ ਨੇ ਦੁਨੀਆ ਭਰ ਵਿੱਚ ਯੂਟਿਊਬ ‘ਤੇ 100 ਮਿਲੀਅਨ ਵਿਊਜ਼ ਪ੍ਰਾਪਤ ਕਰਕੇ ਇੱਕ ਰਿਕਾਰਡ ਬਣਾਇਆ ਹੈ।
ਅੱਲੂ ਅਰਜੁਨ ਤੋਂ ਬਾਅਦ ਰਸ਼ਮਿਕਾ ਮੰਦਾਨਾ ਦਾ ਫਿਲਮ ਪੁਸ਼ਪਾ-2 ਦਾ ਗੀਤ ਅੰਗਾਰੋ ਕੱਲ ਯਾਨੀ 29 ਮਈ ਨੂੰ ਰਿਲੀਜ਼ ਹੋਵੇਗਾ। ਇਹ ਫਿਲਮ ਦਾ ਦੂਜਾ ਗੀਤ ਹੈ, ਜਿਸ ਦੀ ਪਹਿਲੀ ਝਲਕ ਦੇਖਣ ਤੋਂ ਬਾਅਦ ਪ੍ਰਸ਼ੰਸਕਾਂ ਦੀ ਉਤਸੁਕਤਾ ਕਾਫ਼ੀ ਵੱਧ ਗਈ ਹੈ। ਇਹ ਗੀਤ ਸਵੇਰੇ 11:07 ਵਜੇ ਰਿਲੀਜ਼ ਹੋਵੇਗਾ।
