ਚੰਡੀਗ੍ਹੜ, 18 ਜਨਵਰੀ 2024: ਮੋਹਾਲੀ ‘ਚ ਕੈਨੇਡਾ ਦਾ ਵੀਜ਼ਾ ਰੀਫਿਉਜ ਹੋਣ ਤੋਂ ਦੁਖੀ ਨੌਜਵਾਨ ਨੇ ਖ਼ੁਦਕੁਸੀ (Suicide) ਕਰਕੇ ਆਪਣੀ ਜੀਵਨ ਲੀਲਾ ਸਮਾਪਤ ਕਰ ਲੈਣਾ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ | ਦੱਸਿਆ ਜਾ ਰਿਹਾ ਹੈ ਕਿ ਮ੍ਰਿਤਕ ਸਿਮਰਨਜੀਤ ਸਿੰਘ ਦੇ ਆਪਣੇ ਦੋਸਤ ਦੇ ਘਰ ਆ ਚੌਥੀ ਮੰਜ਼ਿਲ ਤੋਂ ਛਾਲ ਮਾਰ ਦਿੱਤੀ |

ਪਰਮਜੀਤ ਦੇ ਮੁਤਾਬਕ ਉਸਦਾ ਦੋਸਤ ਸਿਮਰਨਜੀਤ ਸਿੰਘ ਜੋ ਕਿ ਗੁਰਦਾਸਪੁਰ ਦਾ ਰਹਿਣ ਵਾਲਾ ਹੈ ਅੱਜ ਸਵੇਰੇ ਹੀ ਉਸਨੇ ਫੋਨ ਕਰਕੇ ਦੱਸਿਆ ਕਿ ਮੈਂ ਮੋਹਾਲੀ ਆ ਰਿਹਾ ਹਾਂ | ਲਗਭਗ 10 ਵਜੇ 11 ਫੇਸ ਰੇਲਵੇ ਸਟੇਸ਼ਨ ਤੋਂ ਦੋਸਤ ਨੂੰ ਲੈ ਕੇ ਮੋਹਾਲੀ ਘੁੰਮਦੇ ਰਹੇ | ਉਨ੍ਹਾਂ ਨੇ 3b2 ਵਿੱਚ ਵੀ ਕਈ ਘੰਟੇ ਬਤੀਤ ਕਰਨ ਤੋਂ ਬਾਅਦ ਦੋਸਤ ਨੂੰ ਨਾਲ ਲੈ ਕੇ ਮੋਹਾਲੀ 115 ਸੈਕਟਰ ਦੀ ਸਕਾਈ ਲਾਰਕ ਇਨਕਲੇਵ ਸੋਸਾਇਟੀ ਪਹੁੰਚੇ |

ਜਿੱਥੇ ਪਰਮਜੀਤ ਕਿਰਾਏ ਦੇ ਮਕਾਨ ‘ਤੇ ਚੌਥੀ ਮੰਜ਼ਿਲ ਤੇ ਰਹਿੰਦਾ ਸੀ | ਉਸ ਨੇ ਦੱਸਿਆ ਕਿ ਸਿਮਰਨਜੀਤ ਸਿੰਘ ਕਾਫ਼ੀ ਡਿਪਰੈਸ਼ਨ ਵਿੱਚ ਸੀ, ਕਿਉਂਕਿ ਕੈਨੇਡਾ ਦੀ ਰਿਫਿਊਜਲ ਲੱਗੀ ਹੋਈ ਸੀ ਜਿਸ ਨੂੰ ਲੈ ਕੇ ਉਹ ਕਾਫ਼ੀ ਪਰੇਸ਼ਾਨ ਰਹਿੰਦਾ ਸੀ | ਦੋਵਾਂ ਨੇ ਪੂਰੀ ਰਾਤ ਗੱਲਾਂ ਕੀਤੀਆਂ ਅਤੇ ਕਰੀਬ ਸਾਢੇ ਚਾਰ ਵਜੇ ਸਵੇਰੇ ਸਿਮਰਨਜੀਤ ਸਿੰਘ ਨੇ ਪਰਮਜੀਤ ਸਿੰਘ ਨੂੰ ਦੋ ਤਿੰਨ ਆਵਾਜ਼ਾਂ ਮਾਰੀਆਂ ਕਿ ਦੋਸਤ ਮੈਂ ਚੱਲਿਆ ਅਤੇ ਇਹ ਕਹਿ ਕੇ ਚੌਥੀ ਮੰਜ਼ਿਲ ਤੋਂ ਛਾਲ ਮਾਰ (Suicide) ਦਿੱਤੀ | ਫਿਲਹਾਲ ਪੁਲਿਸ ਮੌਕੇ ‘ਤੇ ਪਹੁੰਚ ਕੇ ਮਾਮਲੇ ਦੀ ਜਾਂਚ ਕਰ ਰਹੀ ਹੈ |