ਚੰਡੀਗੜ੍ਹ, 1 ਮਾਰਚ 2024: ਅੰਮ੍ਰਿਤਸਰ ਅਧੀਨ ਪੈਂਦੇ ਪਿੰਡ ਰਾਜੇਵਾਲ ਵਿੱਚ ਫੋਟੋ ਪ੍ਰਿੰਟਿੰਗ ਲੈਬ ਦੇ ਮਾਲਕ ਨੇ ਕਾਰ ਵਿੱਚ ਗੋਲੀ ਮਾਰ ਕੇ ਖੁਦਕੁਸ਼ੀ (committed suicide) ਕਰ ਲੈਣ ਦਾ ਮਾਮਲਾ ਸਾਹਮਣੇ ਆਇਆ ਹੈ । ਮ੍ਰਿਤਕ ਦੀ ਪਛਾਣ ਅੰਮ੍ਰਿਤ ਕਲਰ ਲੈਬ ਦੇ ਮਾਲਕ ਅੰਮ੍ਰਿਤਪਾਲ ਸਿੰਘ ਵਾਸੀ ਨਿਊ ਅੰਮ੍ਰਿਤਸਰ ਵਜੋਂ ਹੋਈ ਹੈ। ਮ੍ਰਿਤਕ ਦੇ ਪੁੱਤ ਨੇ ਜੀਪੀਐਸ ਦੀ ਮੱਦਦ ਨਾਲ ਕਾਰ ਦੀ ਲੋਕੇਸ਼ਨ ਲੱਭ ਕੇ ਪਿਓ ਨੂੰ ਲੱਭ ਲਿਆ ਅਤੇ ਪੁਲਿਸ ਨੂੰ ਸੂਚਿਤ ਕੀਤਾ।
ਮ੍ਰਿਤਕ ਅੰਮ੍ਰਿਤਪਾਲ ਸਿੰਘ ਦੇ ਪੁੱਤ ਦਿਲਅਸ਼ੀਸ਼ ਸਿੰਘ ਨੇ ਦੋਸ਼ ਲਾਇਆ ਹੈ ਕਿ ਉਸ ਦੇ ਪਿਓ ਨੇ ਨਿਊ ਪ੍ਰਤਾਪ ਨਗਰ ਸਥਿਤ ਆਪਣੀ ਲੈਬ ਦੇ ਗੁਆਂਢ ‘ਚ ਦੁਕਾਨਦਾਰ ਅਤੇ ਪੁੱਤਾਂ ਤੋਂ ਤੰਗ ਆ ਕੇ ਖੁਦਕੁਸ਼ੀ ਕਰ ਲਈ ਹੈ। ਉਨ੍ਹਾਂ ਕੋਲ ਦੋ ਫੋਟੋ ਪ੍ਰਿੰਟਿੰਗ ਲੈਬ ਹਨ। ਉਹ ਖੁਦ ਸ਼ਹਿਰ ਦੇ ਕੇਂਦਰ ਵਿੱਚ ਇੱਕ ‘ਚ ਜੋ ਉਹ ਖ਼ੁਦ ਚਲਾ ਰਿਹਾ ਹੈ, ਜਦੋਂ ਕਿ ਉਸਦੇ ਪਿਓ ਆਪਣੇ ਸਾਥੀ ਸੰਦੀਪ ਸਿੰਘ ਨਾਲ ਰਾਮ ਤਲਾਈ ਮੰਦਿਰ ਮਾਰਕੀਟ ਵਿੱਚ ਇੰਪੀਰੀਅਲ ਲੈਬ ਚਾਲ ਰਹੇ ਸਨ।
ਦਿਲਅਸ਼ੀਸ਼ ਦੇ ਮੁਤਾਬਕ ਉਸ ਦੀ ਦੁਕਾਨ ਦੇ ਗੁਆਂਢ ‘ਚ ਨਿਊ ਸ਼ੇਰੇ ਪੰਜਾਬ ਦਾ ਗੈਰਾਜ ਹੈ। ਜਿਸ ਨੂੰ ਪ੍ਰਦੀਪ ਗੱਬਰ ਅਤੇ ਦੋ ਬੇਟੇ ਵਿਸ਼ਾਲ ਅਤੇ ਰਘੂ ਚਲਾ ਰਹੇ ਹਨ। ਇਹ ਸਾਰੇ ਆਪਣੀ ਲੈਬ ਦੇ ਸਾਹਮਣੇ ਗੈਰ-ਕਾਨੂੰਨੀ ਢੰਗ ਨਾਲ ਆਪਣੇ ਵਾਹਨ ਪਾਰਕ ਕਰਦੇ ਹਨ। ਇਸੇ ਗੱਲ ਨੂੰ ਲੈ ਕੇ 8 ਅਗਸਤ 2022 ਨੂੰ ਲੜਾਈ ਹੋਈ ਸੀ। ਫਿਰ ਪ੍ਰਦੀਪ ਬੱਬਰ ਅਤੇ ਉਸਦੇ ਪੁੱਤਰਾਂ ਨੇ ਉਸਦੇ ਪਿਓ ਦੀ ਕੁੱਟਮਾਰ ਕਰਕੇ ਵੀਡੀਓ ਵਾਇਰਲ ਕਰ ਦਿੱਤੀ ਸੀ। ਕੁਝ ਦਿਨ ਪਹਿਲਾਂ ਇਨ੍ਹਾਂ ਤਿੰਨਾਂ ਨੇ ਇਕੱਠੇ ਹੋ ਕੇ ਆਪਣੇ ਪਿਓ ਦੀ ਸ਼ਿਕਾਇਤ ਨਿਗਮ ਕੋਲ ਕੀਤੀ ਸੀ। ਜਿਸ ਤੋਂ ਬਾਅਦ ਅੰਮ੍ਰਿਤਪਾਲ ਸਿੰਘ ਪਰੇਸ਼ਾਨ ਰਹਿਣ ਲੱਗਾ।
ਦਿਲਅਸ਼ੀਸ਼ ਨੇ ਦੱਸਿਆ ਕਿ ਬੀਤੇ ਦਿਨ ਅੰਮ੍ਰਿਤਪਾਲ ਸਿੰਘ ਸਵੇਰੇ 10.30 ਵਜੇ ਘਰੋਂ ਕਚਹਿਰੀ ‘ਚ ਕੰਮ ਲਈ ਜਾਣ ਲਈ ਨਿਕਲੇ ਸੀ, ਜਦੋਂ ਸ਼ਾਮ ਤੱਕ ਉਸ ਨੇ ਫੋਨ ਨਹੀਂ ਚੁੱਕਿਆ ਤਾਂ ਉਸ ਨੇ ਕਾਰ ‘ਚ ਲੱਗੇ ਜੀ.ਪੀ.ਐੱਸ ਦੀ ਮੱਦਦ ਨਾਲ ਲੋਕੇਸ਼ਨ ਪਤਾ ਕੀਤੀ | ਜਦੋਂ ਉਸ ਨੇ ਗੱਡੀ ਦੀ ਲੋਕੇਸ਼ਨ ਟਰੇਸ ਕੀਤੀ ਤਾਂ ਇਹ ਪਿੰਡ ਰਾਜੇਵਾਲ ਨੇੜੇ ਪਾਈ ਗਈ। ਜਦੋਂ ਉਹ ਮੌਕੇ ‘ਤੇ ਪਹੁੰਚਿਆ ਤਾਂ ਉਸ ਨੇ ਕਾਰ ‘ਚ ਆਪਣੇ ਪਿਓ ਦੀ ਲਾਸ਼ ਪਈ ਦੇਖੀ। ਦਿਲਅਸ਼ੀਸ਼ ਨੇ ਦੱਸਿਆ ਕਿ ਉਸ ਦੇ ਪਿਓ ਦੀ ਲਾਸ਼ ਡਰਾਈਵਰ ਸੀਟ ‘ਤੇ ਖੂਨ ਨਾਲ ਲੱਥਪੱਥ ਪਈ ਸੀ। ਸਿਰ ਵਿੱਚ ਗੋਲੀ ਦਾ ਨਿਸ਼ਾਨ ਸੀ। ਐਸਐਚਓ ਚਾਟੀਵਿੰਡ ਹਰਪਾਲ ਸਿੰਘ ਨੇ ਦੱਸਿਆ ਕਿ ਤਿੰਨਾਂ ਮੁਲਜ਼ਮਾਂ ਖ਼ਿਲਾਫ਼ ਖੁਦਕੁਸ਼ੀ (committed suicide) ਲਈ ਉਕਸਾਉਣ ਦਾ ਮਾਮਲਾ ਦਰਜ ਕਰ ਲਿਆ ਗਿਆ ਹੈ। ਮੁਲਜ਼ਮਾਂ ਦੀ ਗ੍ਰਿਫ਼ਤਾਰੀ ਲਈ ਛਾਪੇਮਾਰੀ ਕੀਤੀ ਜਾ ਰਹੀ ਹੈ ਪਰ ਤਿੰਨੋਂ ਅਜੇ ਫਰਾਰ ਦੱਸੇ ਜਾ ਰਹੇ ਹਨ।
