ਪੰਜਾਬ, 09 ਅਕਤੂਬਰ 2025: ਪੰਜਾਬ ਸਰਕਾਰ ਅਤੇ ਟਾਟਾ ਸਟੀਲ ਨੇ ਮਿਲ ਕੇ ਲੁਧਿਆਣਾ ‘ਚ ₹2,600 ਕਰੋੜ ਦਾ ਵੱਡਾ ਨਿਵੇਸ਼ ਪ੍ਰੋਜੈਕਟ ਸ਼ੁਰੂ ਕੀਤਾ ਹੈ | ਇਸ ਪ੍ਰੋਜੈਕਟ ਦਾ ਗਰਾਊਂਡਬ੍ਰੇਕਿੰਗ ਸਮਾਗਮ 20 ਅਕਤੂਬਰ 2023 ਨੂੰ ਹੋਇਆ। ਇਹ ਪ੍ਰੋਜੈਕਟ ਭਾਰਤ ‘ਚ ਟਾਟਾ ਸਟੀਲ ਦਾ ਪਹਿਲਾ ਲੋ-ਕਾਰਬਨ ਗ੍ਰੀਨ ਸਟੀਲ ਪਲਾਂਟ ਹੈ, ਜੋ ਵਾਤਾਵਰਣ ਦੇ ਅਨੁਕੂਲ ਤਕਨੀਕ ਇਲੈਕਟ੍ਰਿਕ ਆਰਕ ਫਰਨੇਸ (EAF) ਦੀ ਵਰਤੋਂ ਕਰਕੇ ਸਟੀਲ ਬਣਾਵੇਗਾ। ਇਹ ਪਲਾਂਟ ਕਦਿਆਣਾ ਖੁਰਦ, ਲੁਧਿਆਣਾ ‘ਚ 0.75 ਮਿਲੀਅਨ ਟਨ ਪ੍ਰਤੀ ਸਾਲ ਸਮਰੱਥਾ ਨਾਲ ਲਗਾਇਆ ਜਾ ਰਿਹਾ ਹੈ।
ਪੰਜਾਬ ਸਰਕਾਰ ਮੁਤਾਬਕ ਇਸ ਪ੍ਰੋਜੈਕਟ ਨਾਲ ਪੰਜਾਬ ਦੇ ਨੌਜਵਾਨਾਂ ਲਈ ਰੋਜ਼ਗਾਰ ਦੇ ਮੌਕੇ ਪੈਦਾ ਹੋਣਗੇ | ਲਗਭੱਗ 500 ਸਿੱਧੇ ਰੁਜ਼ਗਾਰ ਅਤੇ 2,000 ਅਸਿੱਧੇ ਰੁਜ਼ਗਾਰ ਦੇ ਮੌਕੇ ਪੈਦਾ ਹੋਣਗੇ। ਸਥਾਨਕ ਨੌਜਵਾਨ ਪ੍ਰੋਜੈਕਟ ‘ਚ ਸ਼ਾਮਲ ਹੋ ਕੇ ਆਪਣੇ ਕਰੀਅਰ ਨੂੰ ਮਜ਼ਬੂਤ ਬਣਾ ਸਕਣ।
ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਅਗਸਤ 2022 ‘ਚ ਟਾਟਾ ਸਟੀਲ ਨੂੰ 115 ਏਕੜ ਜ਼ਮੀਨ ਦਾ ਰਸਮੀ ਅਲਾਟਮੈਂਟ ਕੀਤਾ। ਇਸ ਤੋਂ ਇਲਾਵਾ ਪੰਜਾਬ ਸਰਕਾਰ ਨੇ ਪਲਾਂਟ ਤੱਕ ਸੜਕ ਕਨੈਕਟੀਵਿਟੀ ਦਾ ਐਲਾਨ ਕੀਤਾ ਅਤੇ ਸਾਰੀਆਂ ਜ਼ਰੂਰੀ ਸਰਕਾਰੀ ਮਨਜ਼ੂਰੀਆਂ ਸਮੇਂ ’ਤੇ ਅਤੇ ਸਰਲ ਬਣਾਉਣ ਦਾ ਪ੍ਰਬੰਧ ਕੀਤਾ।
ਉਦਯੋਗਿਕ ਨੀਤੀ ਦੇ ਤਹਿਤ ਪੰਜਾਬ ਸਰਕਾਰ ਨੇ ਇਸ ਪ੍ਰੋਜੈਕਟ ਲਈ ਕਈ ਵਿੱਤੀ ਪ੍ਰੋਤਸਾਹਨ ਵੀ ਦਿੱਤੇ ਹਨ। ਇਨ੍ਹਾਂ ‘ਚ ਟੈਕਸ ‘ਚ ਛੋਟ, ਨਿਵੇਸ਼ ਦੇ ਆਧਾਰ ’ਤੇ ਸਹਾਇਤਾ ਅਤੇ ਹੋਰ ਕਈ ਸਹੂਲਤਾਂ ਸ਼ਾਮਲ ਹਨ। ਇਸ ਨਾਲ ਪੰਜਾਬ ‘ਚ ਨਿਵੇਸ਼ ਦਾ ਮਾਹੌਲ ਅਤੇ ਬਿਹਤਰ ਹੋਇਆ ਹੈ ਅਤੇ ਵੱਡੇ ਉਦਯੋਗਾਂ ਨੂੰ ਸੂਬੇ ‘ਚ ਆਉਣ ਲਈ ਪ੍ਰੋਤਸਾਹਨ ਮਿਲਿਆ ਹੈ। ਇਹੀ ਕਾਰਨ ਹੈ ਕਿ ਟਾਟਾ ਸਟੀਲ ਵਰਗੇ ਵੱਡੇ ਉਦਯੋਗਾਂ ਨੇ ਪੰਜਾਬ ਨੂੰ ਆਪਣੇ ਪਹਿਲੇ ਲੋ-ਕਾਰਬਨ ਗ੍ਰੀਨ ਸਟੀਲ ਪ੍ਰੋਜੈਕਟ ਲਈ ਚੁਣਿਆ।
ਇਹ ਪਲਾਂਟ ਵਾਤਾਵਰਣ ਦੀ ਰੱਖਿਆ ਨੂੰ ਧਿਆਨ ‘ਚ ਰੱਖ ਕੇ ਬਣਾਇਆ ਜਾ ਰਿਹਾ ਹੈ। ਇਲੈਕਟ੍ਰਿਕ ਆਰਕ ਫਰਨੇਸ ਤਕਨੀਕ ਪਰੰਪਰਾਗਤ ਸਟੀਲ ਬਣਾਉਣ ਦੇ ਮੁਕਾਬਲੇ ਬਹੁਤ ਘੱਟ ਕਾਰਬਨ ਨਿਕਾਸ ਕਰਦੀ ਹੈ। ਇਹ ਪੂਰੀ ਤਰ੍ਹਾਂ ਰੀਸਾਈਕਲ ਕੀਤੇ ਸਟੀਲ ਸਕਰੈਪ ਤੋਂ ਸਟੀਲ ਤਿਆਰ ਕਰੇਗੀ, ਜਿਸ ਨਾਲ ਊਰਜਾ ਦੀ ਬਚਤ ਹੋਵੇਗੀ ਅਤੇ ਪ੍ਰਦੂਸ਼ਣ ਘੱਟ ਹੋਵੇਗਾ। ਪੰਜਾਬ ਸਰਕਾਰ ਦੇ ਹਰਿਤ ਵਿਕਾਸ ਦੇ ਟੀਚਿਆਂ ਨੂੰ ਇਹ ਪ੍ਰੋਜੈਕਟ ਮਜ਼ਬੂਤੀ ਦੇਵੇਗਾ ਅਤੇ ਸੂਬੇ ਨੂੰ ਸਾਫ਼ ਅਤੇ ਟਿਕਾਊ ਉਦਯੋਗਿਕ ਕੇਂਦਰ ਬਣਾਵੇਗਾ।
ਪੰਜਾਬ ਦੀ ਆਰਥਿਕਤਾ ਨੂੰ ਇਸ ਪ੍ਰੋਜੈਕਟ ਤੋਂ ਬਹੁਤ ਲਾਭ ਹੋਵੇਗਾ। ₹2,600 ਕਰੋੜ ਦੇ ਇਸ ਪੂੰਜੀ ਨਿਵੇਸ਼ ਨਾਲ ਸਥਾਨਕ ਵਪਾਰੀਆਂ, ਉਸਾਰੀ, ਆਵਾਜਾਈ ਅਤੇ ਹੋਰ ਖੇਤਰਾਂ ਨੂੰ ਫਾਇਦਾ ਪਹੁੰਚੇਗਾ। ਇਸ ਨਾਲ ਉਦਯੋਗ ਖੇਤਰ ‘ਚ ਨਵੀਆਂ ਗਤੀਵਿਧੀਆਂ ਵਧਣਗੀਆਂ |
ਇਸ ਪ੍ਰੋਜੈਕਟ ਦੇ ਨਾਲ-ਨਾਲ 12 ਮਾਰਚ 2024 ਨੂੰ ਲੁਧਿਆਣਾ ‘ਚ ਟਾਟਾ ਸਟੀਲ ਨੇ ਇੱਕ ਪੂਰੀ ਤਰ੍ਹਾਂ ਸਵੈਚਲਿਤ ਨਿਰਮਾਣ ਸੇਵਾ ਕੇਂਦਰ ਦਾ ਵੀ ਉਦਘਾਟਨ ਕੀਤਾ ਹੈ। ਇਹ ਕੇਂਦਰ ਨਿਰਮਾਣ ਉਦਯੋਗ ਨੂੰ ਕਸਟਮਾਈਜ਼ਡ ਟਿਸਕਾਨ TMT ਰਿਬਾਰ ਅਤੇ ਬੋਰ ਪਾਇਲ ਕੇਜ ਪ੍ਰਦਾਨ ਕਰੇਗਾ, ਜਿਸਦੀ ਸਮਰੱਥਾ ਪ੍ਰਤੀ ਮਹੀਨਾ 1,500 ਟਨ ਹੈ।
Read More: ਪੰਜਾਬ ਸਰਕਾਰ ਦਾ ਅੰਕੜਾ, ਫੂਡ, ਮੈਨੂਫੈਕਚਰਿੰਗ ਤੇ ਆਟੋ ਸੈਕਟਰ ‘ਚ 3,000 ਕਰੋੜ ਰੁਪਏ ਦਾ ਨਿਵੇਸ਼ ਲਿਆਂਦਾ
