ਕਤਰ, 26 ਮਈ 2025: ਟੀਡੀਪੀ ਸੰਸਦ ਮੈਂਬਰ ਲਾਵੂ ਸ਼੍ਰੀ ਕ੍ਰਿਸ਼ਨਾ ਦੇਵਰਾਯਾਲੂ, ਜੋ ਕਿ ਐਨਸੀਪੀ-ਐਸਸੀਪੀ ਸੰਸਦ ਮੈਂਬਰ ਸੁਪ੍ਰੀਆ ਸੁਲੇ ਦੀ ਅਗਵਾਈ ‘ਚ ਕਤਰ (Qatar) ਗਏ ਸਰਬ-ਪਾਰਟੀ ਵਫ਼ਦ (All Party Delegation) ਦੇ ਮੈਂਬਰ ਸਨ, ਉਨ੍ਹਾਂ ਨੇ ਕਿਹਾ ਕਿ ਭਾਰਤ ਕੋਲ ਫੌਜ ਹੈ ਪਰ ਪਾਕਿਸਤਾਨ ਦੀ ਫੌਜ ਕੋਲ ਪਾਕਿਸਤਾਨ ਹੈ। ਜਦੋਂ ਫੌਜ ਇਸ ਦੇਸ਼ ਨੂੰ ਚਲਾ ਰਹੀ ਹੈ ਅਤੇ 7 ਮਈ ਨੂੰ ਮਾਰੇ ਗਏ ਅੱ.ਤ.ਵਾ.ਦੀਆਂ ਦੇ ਅੰਤਿਮ ਰਸਮਾਂ ‘ਚ ਫੌਜ ਦੇ ਜਵਾਨ, ਪੁਲਿਸ ਸ਼ਾਮਲ ਹੁੰਦੇ ਹਨ, ਤਾਂ ਤੁਸੀਂ ਸਪੱਸ਼ਟ ਤੌਰ ‘ਤੇ ਦੇਖ ਸਕਦੇ ਹੋ ਕਿ ਉਨ੍ਹਾਂ ਦੇ ਰਿਸ਼ਤੇ ਕਿੰਨੇ ਆਪਸ ‘ਚ ਜੁੜੇ ਹੋਏ ਹਨ। ਇਸਦੀ ਨਿੰਦਾ ਕੀਤੀ ਜਾਣੀ ਚਾਹੀਦੀ ਹੈ।
ਅਸੀਂ ਆਪਣੀ ਫੇਰੀ ਦੇ ਪਹਿਲੇ ਪੜਾਅ ‘ਚ ਕਤਰ ਦੇ ਵੱਖ-ਵੱਖ ਪਤਵੰਤਿਆਂ ਨੂੰ ਇਹੀ ਗੱਲ ਦੱਸੀ ਅਤੇ ਉਨ੍ਹਾਂ ਨੇ ਭਾਰਤ ਦੇ ਦ੍ਰਿਸ਼ਟੀਕੋਣ ਨੂੰ ਸਮਝਿਆ। ਅਸੀਂ ਸਪੱਸ਼ਟ ਤੌਰ ‘ਤੇ ਜ਼ਿਕਰ ਕੀਤਾ ਹੈ ਕਿ ਅਸੀਂ ਅੱਗੇ ਵਧਣ ‘ਚ ਅੱ’ਤ’ਵਾ’ਦੀ’ਆਂ ਅਤੇ ਅੱ’ਤ’ਵਾ’ਦੀ ਦੇਸ਼ਾਂ ‘ਚ ਕੋਈ ਫਰਕ ਨਹੀਂ ਕਰਦੇ।
ਸੰਸਦ ਮੈਂਬਰ ਨੇ ਕਿਹਾ ਕਿ ਸਾਡੇ ਕਤਰ ਨਾਲ ਬਹੁਤ ਖਾਸ ਸਬੰਧ ਹਨ। ਜੇਕਰ ਤੁਸੀਂ ਕਤਰ ‘ਚ ਭਾਰਤੀਆਂ ਦੀ ਆਬਾਦੀ ‘ਤੇ ਨਜ਼ਰ ਮਾਰੋ, ਤਾਂ ਇਹ ਕਤਰ (Qatar) ਦੀ ਅਸਲ ਆਬਾਦੀ ਨਾਲੋਂ ਲਗਭਗ ਤਿੰਨ ਗੁਣਾ ਹੈ। ਜੇਕਰ ਤੁਸੀਂ ਭਾਰਤ ਵੱਲ ਦੇਖੋ, ਤਾਂ ਭਾਰਤ ਦੁਨੀਆ ‘ਚ ਦੂਜੀ ਸਭ ਤੋਂ ਵੱਡੀ ਘੱਟ ਗਿਣਤੀ ਆਬਾਦੀ ਦੀ ਮੇਜ਼ਬਾਨੀ ਕਰਦਾ ਹੈ। ਜੇਕਰ ਤੁਸੀਂ ਹਮਲੇ ਤੋਂ ਬਾਅਦ ਕਸ਼ਮੀਰ ਤੋਂ ਆਈਆਂ ਪ੍ਰਤੀਕਿਰਿਆਵਾਂ ਦੇਖੀਆਂ ਹਨ, ਤਾਂ ਸਾਰੇ ਧਰਮਾਂ ਦੇ ਲੋਕਾਂ ਨੇ ਇਕੱਠੇ ਹੋ ਕੇ 22 ਅਪ੍ਰੈਲ ਨੂੰ ਹੋਏ ਹਮਲੇ ਦੀ ਨਿੰਦਾ ਕੀਤੀ ਹੈ।
ਉਨ੍ਹਾਂ ਕਿਹਾ ਕਿ ਅੱ.ਤ.ਵਾ.ਦ ਦਾ ਕੋਈ ਧਰਮ ਨਹੀਂ ਹੁੰਦਾ ਅਤੇ ਸਭ ਤੋਂ ਮਹੱਤਵਪੂਰਨ ਗੱਲ ਇਹ ਹੈ ਕਿ ਤੁਸੀਂ ਭਾਰਤ ਵੱਲ ਦੇਖੋ। ਇਹ ਲਗਾਤਾਰ ਵਧ ਰਿਹਾ ਹੈ ਅਤੇ ਦੁਨੀਆ ਦੀ ਚੌਥੀ ਸਭ ਤੋਂ ਵੱਡੀ ਅਰਥਵਿਵਸਥਾ ਬਣ ਗਿਆ ਹੈ। ਅਸੀਂ ਬਹੁਤ ਸਾਰੇ ਲੋਕਾਂ ਨੂੰ ਗਰੀਬੀ ਤੋਂ ਬਾਹਰ ਕੱਢ ਰਹੇ ਹਾਂ। ਜਦੋਂ ਇਹ ਚੀਜ਼ਾਂ ਹੋ ਰਹੀਆਂ ਹਨ, ਤਾਂ ਭਾਰਤ ਉਸ ਖੇਤਰ ‘ਚ ਸਥਿਰਤਾ ਦੀ ਤਲਾਸ਼ ਕਰ ਰਿਹਾ ਹੈ ਕਿਉਂਕਿ ਜੇਕਰ ਉਸ ਖੇਤਰ ‘ਚ ਸਥਿਰਤਾ ਹੈ ਤਾਂ ਇਹ ਸਾਡੇ ਹਿੱਤ ‘ਚ ਹੈ। ਇਸ ਲਈ, ਭਾਰਤ ਅੱਗੇ ਵਧ ਸਕਦਾ ਹੈ ਅਤੇ ਸੱਚਮੁੱਚ ਵਿਸ਼ਵ ਅਰਥਵਿਵਸਥਾ ‘ਚ ਸ਼ਾਮਲ ਹੋ ਸਕਦਾ ਹੈ। ਵਫ਼ਦ (All Party Delegation) ਦਾ ਕਹਿਣਾ ਹੈ ਕਿ ਖੂਨ ਅਤੇ ਪਾਣੀ ਇਕੱਠੇ ਨਹੀਂ ਵਹਿ ਸਕਦੇ |
Read More: ਮੈਂ ਸਰਕਾਰ ਲਈ ਕੰਮ ਨਹੀਂ ਕਰਦਾ, ਪਰ ਪਾਕਿਸਤਾਨ ਨੂੰ ਜਵਾਬ ਦੇਣਾ ਬਿਲਕੁਲ ਸਹੀ: ਸ਼ਸ਼ੀ ਥਰੂਰ
