SpaDex, 18 ਜਨਵਰੀ 2025: ਭਾਰਤੀ (Indian Space Research Organisation) ਪੁਲਾੜ ਖੋਜ ਕੇਂਦਰ (ਇਸਰੋ) ਨੇ ਦੋ ਦਿਨ ਪਹਿਲਾਂ (16 ਜਨਵਰੀ ਦੀ ਸਵੇਰ) SpaDeX ਯਾਨੀ ਸਪੇਸ (space docking experiment) ਡੌਕਿੰਗ ਪ੍ਰਯੋਗ ਕੀਤਾ ਸੀ। ਦੱਸ ਦੇਈਏ ਕਿ ਇਸਰੋ (ISRO) ਆਪਣੀ ਪਹਿਲੀ ਅਜਿਹੀ ਕੋਸ਼ਿਸ਼ ਦੇ ਵਿੱਚ ਸਫਲ ਰਿਹਾ। ਭਾਰਤੀ ਵਿਗਿਆਨੀਆਂ ਨੇ ਪੁਲਾੜ ਵਿੱਚ ਦੋ ਉਪਗ੍ਰਹਿਆਂ ਨੂੰ ਜੋੜਨ ਵਿੱਚ ਸਫਲਤਾ ਹਾਸਲ ਕੀਤੀ ਸੀ। ਭਾਰਤ ਅਜਿਹਾ ਕਰਨ ਵਾਲਾ ਚੌਥਾ ਦੇਸ਼ ਬਣ ਗਿਆ ਹੈ। ਇਸਰੋ ਨੂੰ ਇਸ ਮਿਸ਼ਨ ਦੀ ਸਫਲਤਾ ਲਈ ਦੁਨੀਆ ਭਰ ਤੋਂ ਵਧਾਈਆਂ ਮਿਲ ਰਹੀਆਂ ਹਨ। ਹੁਣ ਇਸਰੋ ਵੱਲੋਂ ਇਸ ਮਿਸ਼ਨ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਪੋਸਟ ਕੀਤੀ ਗਈ ਹੈ।
ਇਸ ਵੀਡੀਓ ਵਿੱਚ, ਇਸਰੋ ਦੇ ਵਿਗਿਆਨੀ ਆਪਣੀ ਸਾਲਾਂ ਦੀ ਮਿਹਨਤ ਦੀ ਸਫਲਤਾ ਦੀ ਉਡੀਕ ਕਰਦੇ ਹੋਏ, ਧਿਆਨ ਨਾਲ ਵੇਖ ਰਹੇ ਹਨ। ਵੀਡੀਓ ਵਿੱਚ ਦਿਖਾਇਆ ਗਿਆ ਹੈ ਕਿ ਪੁਲਾੜ ਵਿੱਚ ਦੋ ਸੈਟੇਲਾਈਟਾਂ ਵਿਚਕਾਰ ਡੌਕਿੰਗ ਕਿਵੇਂ ਹੋਈ। ਵੀਡੀਓ ‘ਚ ਇਸਰੋ ਦੇ ਮੁਖੀ ਵੀ ਨਾਰਾਇਣ ਵੀ ਪੂਰੀ ਟੀਮ ਨੂੰ ਮਿਸ਼ਨ ਨੂੰ ਸਫਲ ਬਣਾਉਣ ਲਈ ਵਧਾਈ ਦਿੰਦੇ ਨਜ਼ਰ ਆ ਰਹੇ ਹਨ।
ਭਾਰਤ ਤੋਂ ਪਹਿਲਾਂ ਸਿਰਫ਼ ਤਿੰਨ ਦੇਸ਼ ਅਜਿਹਾ ਕਰ ਸਕੇ ਹਨ
ਭਾਰਤ ਤੋਂ ਪਹਿਲਾਂ, ਸਿਰਫ ਰੂਸ, ਅਮਰੀਕਾ ਅਤੇ ਚੀਨ ਹੀ ਪੁਲਾੜ ਵਿੱਚ ਸਫਲਤਾਪੂਰਵਕ ਡੌਕ ਕਰਨ ਵਿੱਚ ਕਾਮਯਾਬ ਰਹੇ ਹਨ। ਭਾਵ ਇਸ ਸੂਚੀ ਵਿੱਚ ਭਾਰਤ ਦਾ ਚੌਥਾ ਨਾਂ ਹੈ। ਇਹ ਤਕਨੀਕ ਭਾਰਤ ਦੇ ਭਵਿੱਖ ਦੇ ਪੁਲਾੜ ਮਿਸ਼ਨਾਂ ਲਈ ਬਹੁਤ ਮਹੱਤਵਪੂਰਨ ਹੈ। ਆਉਣ ਵਾਲੇ ਸਮੇਂ ਵਿੱਚ, ਇਸਰੋ (ISRO) ਚੰਦਰਯਾਨ-4, ਗਗਨਯਾਨ, ਪੁਲਾੜ ਸਟੇਸ਼ਨ ਸਥਾਪਤ ਕਰਨ ਅਤੇ ਚੰਦਰਮਾ ‘ਤੇ ਪੁਲਾੜ ਯਾਤਰੀਆਂ ਨੂੰ ਉਤਾਰਨ ਦੇ ਮਿਸ਼ਨਾਂ ਨੂੰ ਪੂਰਾ ਕਰੇਗਾ। ਅਜਿਹੀ ਸਥਿਤੀ ਵਿੱਚ, ਇਹ ਡੌਕਿੰਗ ਟੈਸਟ ਭਾਰਤ ਦੇ ਇਨ੍ਹਾਂ ਅਭਿਲਾਸ਼ੀ ਮਿਸ਼ਨਾਂ ਨੂੰ ਸੁਚਾਰੂ ਢੰਗ ਨਾਲ ਪੂਰਾ ਕਰਨ ਵਿੱਚ ਮਦਦਗਾਰ ਸਾਬਤ ਹੋਵੇਗਾ।
ਹੁਣ ਅੱਗੇ ਕੀ?
ਸਪੇਸ ਡੌਕਿੰਗ ਵਿੱਚ ਸਫਲਤਾ ਮਿਲਣ ਤੋਂ ਬਾਅਦ, ਇਸਰੋ (ISRO) ਹੁਣ ਅਗਲੇ ਕੁਝ ਦਿਨਾਂ ਵਿੱਚ ਅਨਡੌਕਿੰਗ ਯਾਨੀ ਦੋ ਪੁਲਾੜ ਯਾਨਾਂ ਨੂੰ ਵੱਖ ਕਰਨ ਅਤੇ ਉਨ੍ਹਾਂ ਵਿੱਚ ਪਾਵਰ ਟ੍ਰਾਂਸਫਰ ਦੀ ਜਾਂਚ ਕਰਨ ਦਾ ਕੰਮ ਕਰੇਗਾ। ਤੁਹਾਨੂੰ ਦੱਸ ਦੇਈਏ ਕਿ ਭਾਰਤ ਨੇ 2035 ਤੱਕ ਆਪਣਾ ਪੁਲਾੜ ਸਟੇਸ਼ਨ ਬਣਾਉਣ ਦਾ ਟੀਚਾ ਰੱਖਿਆ ਹੈ, ਜਿਸ ਨੂੰ ਭਾਰਤੀ ਪੁਲਾੜ ਸਟੇਸ਼ਨ ਵਜੋਂ ਜਾਣਿਆ ਜਾਵੇਗਾ। ਸਪੇਸ ਡੌਕਿੰਗ ਨੂੰ ਇਸ ਮਾਰਗ ਦਾ ਪਹਿਲਾ ਸਫਲ ਕਦਮ ਕਿਹਾ ਜਾ ਸਕਦਾ ਹੈ।
Read More:ਇਸਰੋ ਨੇ ਪੁਲਾੜ ਮਿਸ਼ਨ ਸਪੇਡੈਕਸ ਦੇ ਲਾਂਚ ਦਾ ਸਮਾਂ ਬਦਲਿਆ, ਜਾਣੋ ਮਿਸ਼ਨ ਕਿੰਨਾ ਚੁਣੌਤੀਪੂਰਨ ?
