29 ਨਵੰਬਰ 2024: ਸੰਸਦ ਦੀ ਇਕ ਤਸਵੀਰ (picture) ਸੋਸ਼ਲ ਮੀਡੀਆ(social media) ‘ਤੇ ਬਹੁਤ ਹੀ ਤੇਜ਼ੀ ਨਾਲ ਵਾਇਰਲ(viral) ਹੋ ਰਹੀ ਹੈ, ਜਿਸ ‘ਚ ਇਕ ਮਹਿਲਾ ਕਮਾਂਡੋ(female commando) ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਪਿੱਛੇ ਖੜ੍ਹੀ ਨਜ਼ਰ ਆ ਰਹੀ ਹੈ। ਇਸ ਤਸਵੀਰ ਨੂੰ ਕੰਗਨਾ ਰਣੌਤ ਸਣੇ ਕਈ ਲੋਕਾਂ ਨੇ ਸ਼ੇਅਰ ਕੀਤਾ ਹੈ।
ਕੀ ਇਹ ਮਹਿਲਾ SPG ਕਮਾਂਡੋ ਹੈ?
ਤਸਵੀਰ ਨੂੰ ਲੈ ਕੇ ਚਰਚਾ ਹੋ ਰਹੀ ਹੈ ਕਿ ਇਹ ਔਰਤ ਸਪੈਸ਼ਲ ਪ੍ਰੋਟੈਕਸ਼ਨ ਗਰੁੱਪ (SPG) ਦਾ ਹਿੱਸਾ ਹੈ। ਹਾਲਾਂਕਿ ਉਸ ਦੀ ਹਜੇ ਤੱਕ ਕੋ ਪਛਾਣ ਅਤੇ ਸੇਵਾ ਨਾਲ ਜੁੜੀ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ।
ਮਹਿਲਾ ਕਮਾਂਡੋਜ਼ ਅਤੇ ਐਸ.ਪੀ.ਜੀ
ਮਹਿਲਾ ਕਮਾਂਡੋ ਲੰਬੇ ਸਮੇਂ ਤੋਂ ਐਸਪੀਜੀ ਟੀਮ ਵਿੱਚ ਕੰਮ ਕਰ ਰਹੀਆਂ ਹਨ।
ਉਹ ਸੰਸਦ ਦੇ ਗੇਟ ‘ਤੇ ਤਲਾਸ਼ੀ ਅਤੇ ਨਿਗਰਾਨੀ ਵਰਗੇ ਕੰਮਾਂ ਨੂੰ ਸੰਭਾਲਦੇ ਹਨ।
2015 ਤੋਂ, ਐਸਪੀਜੀ ਦੀ ਕਲੋਜ਼ ਪ੍ਰੋਟੈਕਸ਼ਨ ਟੀਮ (ਸੀਪੀਟੀ) ਵਿੱਚ ਮਹਿਲਾ ਕਮਾਂਡੋਜ਼ ਨੂੰ ਵੀ ਸ਼ਾਮਲ ਕੀਤਾ ਗਿਆ ਹੈ।
ਇਸ ਸਮੇਂ ਐਸਪੀਜੀ ਵਿੱਚ 100 ਦੇ ਕਰੀਬ ਮਹਿਲਾ ਕਮਾਂਡੋ ਤਾਇਨਾਤ ਹਨ।
SPG ਹੋਰ ਜਾਣਕਾਰੀ
ਹਿਲਾ ਐਸਪੀਜੀ ਕਮਾਂਡੋ ਪ੍ਰਧਾਨ ਮੰਤਰੀ ਦੀ ਸੁਰੱਖਿਆ ਵਿੱਚ ਅਹਿਮ ਭੂਮਿਕਾ ਨਿਭਾਉਂਦੀਆਂ ਹਨ। ਉਹ ਮਹਿਲਾ ਮਹਿਮਾਨਾਂ ਦੀ ਤਲਾਸ਼ੀ ਲਈ ਗੇਟ ‘ਤੇ ਤਾਇਨਾਤ ਹਨ ਅਤੇ ਸੰਸਦ ‘ਚ ਪ੍ਰਧਾਨ ਮੰਤਰੀ ਦੇ ਆਲੇ-ਦੁਆਲੇ ਸੁਰੱਖਿਆ ਪ੍ਰਬੰਧਾਂ ਦਾ ਹਿੱਸਾ ਹਨ। ਇਹ ਕਮਾਂਡੋ ਆਉਣ-ਜਾਣ ਵਾਲੇ ਲੋਕਾਂ ‘ਤੇ ਨਜ਼ਰ ਰੱਖਦੇ ਹਨ ਅਤੇ ਮਹਿਲਾ ਮਹਿਮਾਨ ਨੂੰ ਪ੍ਰਧਾਨ ਮੰਤਰੀ ਤੱਕ ਲੈ ਜਾਣ ‘ਤੇ ਵੀ ਨਜ਼ਰ ਰੱਖਦੇ ਹਨ।
2015 ਤੋਂ ਕਲੋਜ਼ ਪ੍ਰੋਟੈਕਸ਼ਨ ਟੀਮ (CPT) ਵਿੱਚ ਮਹਿਲਾ ਕਮਾਂਡੋਜ਼ ਨੂੰ ਵੀ ਸ਼ਾਮਲ ਕੀਤਾ ਗਿਆ ਹੈ। ਇਹ ਕਮਾਂਡੋ ਪ੍ਰਧਾਨ ਮੰਤਰੀ ਦੇ ਵਿਦੇਸ਼ ਦੌਰਿਆਂ ‘ਤੇ ਵੀ ਭੇਜੇ ਜਾਂਦੇ ਹਨ, ਜਿੱਥੇ ਉਹ ਸੁਰੱਖਿਆ ਦੀ ਸਮੀਖਿਆ ਕਰਦੇ ਹਨ ਅਤੇ ਐਡਵਾਂਸਡ ਸਕਿਓਰਿਟੀ ਲਾਈਜ਼ਨ (ਏ.ਐੱਸ.ਐੱਲ.) ਦੇ ਤਹਿਤ ਅਧਿਕਾਰੀਆਂ ਦੀ ਸਹਾਇਤਾ ਕਰਦੇ ਹਨ। ਇਸ ਤੋਂ ਇਲਾਵਾ, ਅਡਵਾਂਸ ਤਾਇਨਾਤੀ ਦੇ ਤਹਿਤ, ਉਹ ਪਹਿਲਾਂ ਤੋਂ ਹੀ ਇੱਕ ਸਥਾਨ ‘ਤੇ ਪਹੁੰਚ ਜਾਂਦੇ ਹਨ ਅਤੇ ਸੁਰੱਖਿਆ ਦੀਆਂ ਤਿਆਰੀਆਂ ਵਿੱਚ ਮਦਦ ਕਰਦੇ ਹਨ।
ਵਰਤਮਾਨ ਵਿੱਚ, ਐਸਪੀਜੀ ਵਿੱਚ ਲਗਭਗ 100 ਮਹਿਲਾ ਕਮਾਂਡੋ ਤਾਇਨਾਤ ਹਨ, ਜੋ ਨਜ਼ਦੀਕੀ ਸੁਰੱਖਿਆ ਅਤੇ ਉੱਨਤ ਸੁਰੱਖਿਆ ਭੂਮਿਕਾਵਾਂ ਵਿੱਚ ਕੰਮ ਕਰਦੀਆਂ ਹਨ।
SPG ਕੀ ਹੈ?
1985 ਵਿੱਚ ਸਥਾਪਿਤ, SPG ਦਾ ਮੁੱਖ ਕੰਮ ਪ੍ਰਧਾਨ ਮੰਤਰੀ, ਸਾਬਕਾ ਪ੍ਰਧਾਨ ਮੰਤਰੀਆਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਦੀ ਸੁਰੱਖਿਆ ਨੂੰ ਯਕੀਨੀ ਬਣਾਉਣਾ ਹੈ। ਇਹ ਕਮਾਂਡੋ ਸੁਰੱਖਿਆ ਲਈ ਵਿਸ਼ੇਸ਼ ਤੌਰ ‘ਤੇ ਸਿਖਲਾਈ ਪ੍ਰਾਪਤ ਹੁੰਦੇ ਹਨ ਅਤੇ ਇੰਟੈਲੀਜੈਂਸ ਬਿਊਰੋ ਅਤੇ ਪੁਲਿਸ ਨਾਲ ਮਿਲ ਕੇ ਕੰਮ ਕਰਦੇ ਹਨ।
ਇਹ ਤਸਵੀਰ ਮਹਿਲਾ ਕਮਾਂਡੋਜ਼ ਦੀ ਤਾਕਤ ਅਤੇ ਉਨ੍ਹਾਂ ਦੀ ਅਹਿਮ ਭੂਮਿਕਾ ਨੂੰ ਸਾਹਮਣੇ ਲਿਆਉਂਦੀ ਹੈ।
ਉਥੇ ਹੀ ਤੁਹਾਨੂੰ ਦੱਸ ਦੇਈਏ ਕਿ ਰਵਨੀਤ ਬਿੱਟੂ ਦੇ ਵਲੋਂ ਵੀ ਇਸ ਬਾਰੇ ਸੋਸ਼ਲ ਮੀਡਿਆ ਦੇ X ਤੇ ਪੋਸਟ ਸਾਂਝੀ ਕਰ ਲਿਖਿਆ- ਭਾਰਤ ਦਾ ਮਾਣ, ਨਾਰੀ ਸ਼ਕਤੀ ਦੀ ਪਛਾਣ!ਐਸਪੀਜੀ ਵਿੱਚ ਡਿਊਟੀ ‘ਤੇ ਸਾਡੀਆਂ ਦਲੇਰ ਮਹਿਲਾ ਸੁਰੱਖਿਆ ਅਧਿਕਾਰੀ ਦੇਸ਼ ਦੀ ਸੇਵਾ ਅਤੇ ਸੁਰੱਖਿਆ ਵਿੱਚ ਨਵੇਂ ਮਾਪਦੰਡ ਸਥਾਪਤ ਕਰ ਰਹੀਆਂ ਹਨ।
ਮਾਨਯੋਗ ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਜੀ ਦੀ ਅਗਵਾਈ ਵਿੱਚ ਨਾਰੀ ਸ਼ਕਤੀ ਹਰ ਖੇਤਰ ਵਿੱਚ ਮੋਹਰੀ ਭੂਮਿਕਾ ਨਿਭਾ ਰਹੀ ਹੈ। ਇਹ ਨਵਾਂ ਭਾਰਤ ਹੈ, ਜਿੱਥੇ ਔਰਤਾਂ ਆਤਮ-ਨਿਰਭਰ ਅਤੇ ਤਾਕਤ ਦੀ ਮਿਸਾਲ ਬਣ ਰਹੀਆਂ ਹਨ।
