ਸਪੋਰਟਸ, 09 ਜੁਲਾਈ 2025: ਭਾਰਤੀ ਟੈਸਟ ਕਪਤਾਨ ਸ਼ੁਭਮਨ ਗਿੱਲ (Shubman Gill) ਪਹਿਲੀ ਵਾਰ ਆਈਸੀਸੀ ਟੈਸਟ ਬੱਲੇਬਾਜ਼ਾਂ ਦੀ ਰੈਂਕਿੰਗ ‘ਚ ਚੋਟੀ ਦੇ 6 ਬੱਲੇਬਾਜ਼ਾਂ ‘ਚ ਪਹੁੰਚ ਗਿਆ ਹੈ। ਬੁੱਧਵਾਰ ਨੂੰ ਜਾਰੀ ਕੀਤੀ ਗਈ ਆਈਸੀਸੀ ਰੈਂਕਿੰਗ ‘ਚ ਉਨ੍ਹਾਂ ਨੇ 15 ਸਥਾਨਾਂ ਦੀ ਛਾਲ ਮਾਰੀ ਹੈ।
ਇਹ ਸ਼ੁਭਮਨ ਗਿੱਲ (Shubman Gill) ਦੀ ਹੁਣ ਤੱਕ ਦੀ ਟੈਸਟ ‘ਚ ਸਭ ਤੋਂ ਵਧੀਆ ਰੈਂਕਿੰਗ ਹੈ। ਗਿੱਲ ਨੇ ਐਜਬੈਸਟਨ ਟੈਸਟ ‘ਚ 269 ਅਤੇ 161 ਦੌੜਾਂ ਬਣਾਈਆਂ। ਸ਼ੁਭਮਨ ਨੂੰ ਇਸਦਾ ਫਾਇਦਾ ਮਿਲਿਆ।
ਬੱਲੇਬਾਜ਼ਾਂ ਦੀ ਚੋਟੀ ਦੀਆਂ ਦਸ ਰੈਂਕਿੰਗਾਂ ‘ਚ ਤਿੰਨ ਭਾਰਤੀ ਹਨ। ਯਸ਼ਸਵੀ ਜੈਸਵਾਲ ਚੌਥੇ ਅਤੇ ਰਿਸ਼ਭ ਪੰਤ ਸੱਤਵੇਂ ਸਥਾਨ ‘ਤੇ ਹਨ। ਗੇਂਦਬਾਜ਼ੀ ਰੈਂਕਿੰਗ ‘ਚ ਤੇਜ਼ ਗੇਂਦਬਾਜ਼ ਜਸਪ੍ਰੀਤ ਬੁਮਰਾਹ 32 ਹਫ਼ਤਿਆਂ ਤੋਂ ਸਿਖਰ ‘ਤੇ ਬਣੇ ਹੋਏ ਹਨ। ਆਲਰਾਊਂਡਰ ਦੀ ਸੂਚੀ ‘ਚ ਰਵਿੰਦਰ ਜਡੇਜਾ ਲਗਾਤਾਰ 174 ਹਫ਼ਤਿਆਂ ਤੋਂ ਨੰਬਰ-1 ‘ਤੇ ਬਣੇ ਹੋਏ ਹਨ।
ਦੂਜੇ ਪਾਸੇ ਇੰਗਲੈਂਡ ਨੇ ਵੀਰਵਾਰ (10 ਜੁਲਾਈ) ਤੋਂ ਲਾਰਡਜ਼ ਵਿਖੇ ਖੇਡੇ ਜਾਣ ਵਾਲੇ ਤੀਜੇ ਟੈਸਟ ਲਈ ਪਲੇਇੰਗ-11 ਦਾ ਐਲਾਨ ਕਰ ਦਿੱਤਾ ਹੈ। ਇੰਗਲਿਸ਼ ਟੀਮ ਨੇ ਇੱਕ ਬਦਲਾਅ ਕੀਤਾ ਹੈ। ਤੇਜ਼ ਗੇਂਦਬਾਜ਼ ਜੋਸ਼ ਟੰਗ ਨੂੰ ਬਾਹਰ ਕਰ ਦਿੱਤਾ ਗਿਆ ਹੈ ਅਤੇ ਜੋਫਰਾ ਆਰਚਰ ਨੂੰ ਜਗ੍ਹਾ ਦਿੱਤੀ ਗਈ ਹੈ। ਭਾਰਤ ਅਤੇ ਇੰਗਲੈਂਡ ਵਿਚਾਲੇ ਪੰਜ ਮੈਚਾਂ ਦੀ ਟੈਸਟ ਸੀਰੀਜ਼ ਇਸ ਸਮੇਂ 1-1 ਨਾਲ ਬਰਾਬਰ ਹੈ। ਇੰਗਲੈਂਡ ਨੇ ਲੀਡਜ਼ ‘ਚ ਪੰਜ ਵਿਕਟਾਂ ਨਾਲ ਜਿੱਤ ਪ੍ਰਾਪਤ ਕੀਤੀ, ਜਦੋਂ ਕਿ ਟੀਮ ਇੰਡੀਆ ਨੇ ਐਜਬੈਸਟਨ ‘ਚ 336 ਦੌੜਾਂ ਨਾਲ ਜਿੱਤ ਪ੍ਰਾਪਤ ਕਰਕੇ ਇਤਿਹਾਸ ਰਚਿਆ ਸੀ।
Read More: IND ਬਨਾਮ ENG: ਲਾਰਡਜ਼ ‘ਚ ਭਲਕੇ ਭਾਰਤ ਤੇ ਇੰਗਲੈਂਡ ਵਿਚਾਲੇ ਤੀਜਾ ਟੈਸਟ ਮੈਚ ਜਾਣੋ ਲਾਰਡਜ਼ ‘ਚ ਭਾਰਤ ਦੇ ਰਿਕਾਰਡ
