ਲੁਧਿਆਣਾ, 28 ਫਰਵਰੀ 2026: ਐਸਪੀਐਸ ਹਸਪਤਾਲ ਨੇ ਮਰੀਜ਼ਾਂ ਨੂੰ ਬਿਹਤਰ ਅਤੇ ਸੁਰੱਖਿਅਤ ਇਲਾਜ ਦੇਣ ਲਈ ਨਵੀਂ ਸ਼ੌਰਟ ਸਟੇ ਰਿਕਵਰੀ ਯੂਨਿਟ ਦੀ ਸ਼ੁਰੂਆਤ ਕੀਤੀ ਹੈ। ਇਸ ਯੂਨਿਟ ‘ਚ 6 ਨਵੇਂ ਬੈੱਡ ਲਗਾਏ ਗਏ ਹਨ, ਜਿੱਥੇ ਛੋਟੇ ਸਮੇਂ ਲਈ ਨਿਗਰਾਨੀ ਅਤੇ ਇਲਾਜ ਦੀ ਲੋੜ ਵਾਲੇ ਮਰੀਜ਼ਾਂ ਦੀ ਦੇਖਭਾਲ ਕੀਤੀ ਜਾਵੇਗੀ।
ਇਸ ਮੌਕੇ ਦੀ ਮੁੱਖ ਮਹਿਮਾਨ ਡਾ. ਰਮਨਦੀਪ ਆਹਲੂਵਾਲੀਆ (Dr. Ramandeep Ahluwalia) ਸਿਵਲ ਸਰਜਨ, ਲੁਧਿਆਣਾ ਸਨ। ਉਨ੍ਹਾਂ ਨੇ ਐਸਪੀਐਸ ਹਸਪਤਾਲ ਦੀ ਇਸ ਪਹਿਲ ਦੀ ਸ਼ਲਾਘਾ ਕੀਤੀ ਅਤੇ ਕਿਹਾ ਕਿ ਹਸਪਤਾਲ ਲਗਾਤਾਰ ਨਵੀਆਂ ਅਤੇ ਆਧੁਨਿਕ ਸਿਹਤ ਸਹੂਲਤਾਂ ਸ਼ੁਰੂ ਕਰ ਰਿਹਾ ਹੈ, ਜਿਸ ਨਾਲ ਲੋਕਾਂ ਨੂੰ ਵਧੀਆ ਇਲਾਜ ਮਿਲ ਰਿਹਾ ਹੈ।
ਇਸ ਦੌਰਾਨ ਡਾ. ਮੰਦੀਪ ਕੌਰ, ਮੈਡੀਕਲ ਸੁਪਰਿੰਟੈਂਡੈਂਟ, ਐਸਪੀਐਸ ਹਸਪਤਾਲ ਨੇ ਕਿਹਾ ਕਿ ਇਹ ਯੂਨਿਟ ਮਰੀਜ਼ਾਂ ਨੂੰ ਬਿਹਤਰ ਨਿਗਰਾਨੀ ਅਤੇ ਸੁਰੱਖਿਅਤ ਇਲਾਜ ਦੇਵੇਗੀ। ਛੋਟੇ ਸਮੇਂ ਲਈ ਦਾਖਲ ਮਰੀਜ਼ਾਂ ਨੂੰ ਇਸ ਤੋਂ ਵੱਡਾ ਫਾਇਦਾ ਮਿਲੇਗਾ।
ਯੋਗੇਂਦਰ ਨਾਥ ਅਵਧੀਆ, ਚੀਫ ਓਪਰੇਟਿੰਗ ਅਫਸਰ (COO), ਐਸਪੀਐਸ ਹਸਪਤਾਲ ਨੇ ਕਿਹਾ ਕਿ ਇਹ ਯੂਨਿਟ ਮਰੀਜ਼ਾਂ ਦੀ ਸੁਰੱਖਿਅਤ ਰਹਾਇਸ਼ ਅਤੇ ਤੇਜ਼ ਠੀਕ ਹੋਣ ‘ਚ ਮੱਦਦਗਾਰ ਸਾਬਤ ਹੋਵੇਗੀ।
ਉਨ੍ਹਾਂ ਨੇ ਕਿਹਾ ਕਿ “2005 ਤੋਂ ਐਸਪੀਐਸ ਹਸਪਤਾਲ ਨੇ ਕਦੇ ਵੀ ਚੁਣੌਤੀਆਂ ਤੋਂ ਪਿੱਛੇ ਨਹੀਂ ਹਟਿਆ। ਸਾਡਾ ਉਦੇਸ਼ ਹਮੇਸ਼ਾਂ ਉੱਨਤ, ਨੈਤਿਕ ਅਤੇ ਕਿਫਾਇਤੀ ਇਲਾਜ ਦੇਣਾ ਰਿਹਾ ਹੈ। ਇਸ ਤਰ੍ਹਾਂ ਦੀਆਂ ਪਹਿਲਾਂ ਸਾਡੀ ਮੈਡੀਕਲ ਮਹਾਰਤ ਅਤੇ ਮਰੀਜ਼ਾਂ ਪ੍ਰਤੀ ਸਮਰਪਣ ਨੂੰ ਦਰਸਾਉਂਦੀਆਂ ਹਨ।” ਉਨ੍ਹਾਂ ਨੇ ਮੈਨੇਜਿੰਗ ਡਾਇਰੈਕਟਰ ਜੈ ਸਿੰਘ ਦੀ ਅਗਵਾਈ ਅਤੇ ਸਤਿਗੁਰੂ ਜੀ ਦੀਆਂ ਅਸ਼ੀਰਵਾਦਾਂ ਦਾ ਵੀ ਜ਼ਿਕਰ ਕੀਤਾ। ਇਸ ਮੌਕੇ ਹਸਪਤਾਲ ਦੇ ਕਈ ਸੀਨੀਅਰ ਡਾਕਟਰ ਅਤੇ ਮੈਡੀਕਲ ਸਟਾਫ ਮੌਜੂਦ ਸਨ।
Read More: ਪੰਜਾਬ ਸਰਕਾਰ ਨੇ ਸੂਬੇ ਦੇ ਸਾਰੇ ਮੈਡੀਕਲ ਕਾਲਜਾਂ ਨੂੰ ਮੁਫ਼ਤ ਪ੍ਰਦਾਨ ਕੀਤੇ ਕੋਕਲੀਅਰ ਇਮਪਲਾਂਟ
