ਅਮਰੀਕਾ, 27 ਨਵੰਬਰ 2025: Washington Shooting News: ਵਾਸ਼ਿੰਗਟਨ ਡੀ.ਸੀ. ‘ਚ ਵ੍ਹਾਈਟ ਹਾਊਸ ਨੇੜੇ ਹੋਈ ਗੋਲੀਬਾਰੀ ‘ਚ ਵੈਸਟ ਵਰਜੀਨੀਆ ਨੈਸ਼ਨਲ ਗਾਰਡ ਦੇ ਦੋ ਸੁਰੱਖਿਆ ਗਾਰਡ ਗੰਭੀਰ ਜ਼ਖਮੀ ਹੋ ਗਏ। ਪੁਲਿਸ ਨੇ ਇੱਕ 29 ਸਾਲਾ ਅਫਗਾਨ ਨਾਗਰਿਕ ਦੀ ਸ਼ੱਕੀ ਹਮਲਾਵਰ ਵਜੋਂ ਪਛਾਣ ਕੀਤੀ ਹੈ। ਅਮਰੀਕੀ ਮੀਡੀਆ ਰਿਪੋਰਟਾਂ ਮੁਤਾਬਕ ਰਹਿਮਾਨਉੱਲਾ ਲਕਨਵਾਲ 2021 ‘ਚ ਅਫਗਾਨਿਸਤਾਨ ਤੋਂ ਅਮਰੀਕਾ ਆਇਆ ਸੀ।
ਨਿਊਯਾਰਕ ਪੋਸਟ ਦੀ ਰਿਪੋਰਟ ਦਿੱਤੀ ਕਿ ਲਕਨਵਾਲ ਨੇ ਉੱਤਰ-ਪੱਛਮੀ ਡੀ.ਸੀ. ‘ਚ ਫਰਾਗੁਟ ਵੈਸਟ ਮੈਟਰੋ ਸਟੇਸ਼ਨ ਦੇ ਨੇੜੇ ਸਵੇਰੇ 2:15 ਵਜੇ ਦੇ ਕਰੀਬ ਗੋਲੀਬਾਰੀ ਕੀਤੀ, ਜਿਸ ‘ਚ ਇੱਕ ਮਹਿਲਾ ਗਾਰਡ ਦੀ ਛਾਤੀ ‘ਚ ਗੋਲੀ ਲੱਗੀ ਅਤੇ ਫਿਰ ਇੱਕ ਹੋਰ ਦੇ ਸਿਰ ‘ਚ ਲੱਗੀ ਹੈ।
ਹਮਲਾਵਰ ਨੇ ਕਥਿਤ ਤੌਰ ‘ਤੇ ਦੂਜੇ ਗਾਰਡ ‘ਤੇ ਵੀ ਗੋਲੀਬਾਰੀ ਕੀਤੀ ਜਦੋਂ ਤੱਕ ਨੇੜੇ ਤਾਇਨਾਤ ਇੱਕ ਤੀਜੇ ਗਾਰਡ ਨੇ ਭੱਜ ਕੇ ਉਸਨੂੰ ਫੜ ਲਿਆ। ਜਦੋਂ ਸ਼ੱਕੀ ਨੇ ਗੋਲੀਬਾਰੀ ਕੀਤੀ ਤਾਂ ਦੋਵੇਂ ਹਥਿਆਰਬੰਦ ਸਿਪਾਹੀ ਸੜਕਾਂ ‘ਤੇ ਗਸ਼ਤ ਕਰ ਰਹੇ ਸਨ। ਅਧਿਕਾਰੀਆਂ ਨੇ ਕਿਹਾ ਕਿ ਉਨ੍ਹਾਂ ਨੂੰ ਨੇੜਲੇ ਹਸਪਤਾਲ ਲਿਜਾਇਆ ਗਿਆ ਅਤੇ ਉਨ੍ਹਾਂ ਦੀ ਹਾਲਤ ਗੰਭੀਰ ਬਣੀ ਹੋਈ ਹੈ।
ਰਿਪੋਰਟਾਂ ਮੁਤਾਬਕ ਲਕਨਵਾਲ ਆਪਰੇਸ਼ਨ ਅਲਾਈਸ ਵੈਲਕਮ ਅਧੀਨ ਅਮਰੀਕਾ ‘ਚ ਦਾਖਲ ਹੋਇਆ ਅਤੇ ਵਾਸ਼ਿੰਗਟਨ ਦੇ ਬੇਲਿੰਘਮ ‘ਚ ਸੈਟਲ ਹੋ ਗਿਆ। ਐਨਬੀਸੀ ਅਤੇ ਦ ਵਾਸ਼ਿੰਗਟਨ ਪੋਸਟ ਸਮੇਤ ਮੀਡੀਆ ਆਉਟਲੈਟਾਂ ਨੇ ਕਾਨੂੰਨ ਲਾਗੂ ਕਰਨ ਵਾਲੇ ਅਧਿਕਾਰੀਆਂ ਦੇ ਹਵਾਲੇ ਨਾਲ ਕਿਹਾ ਕਿ ਲਕਨਵਾਲ ਅਮਰੀਕਾ ਪਹੁੰਚਣ ਤੋਂ ਬਾਅਦ ਵਾਸ਼ਿੰਗਟਨ ‘ਚ ਰਹਿ ਰਿਹਾ ਸੀ। ਐਨਬੀਸੀ ਨੇ ਰਿਪੋਰਟ ਦਿੱਤੀ ਕਿ ਐਫਬੀਆਈ ਇਸ ਹਮਲੇ ਦੀ ਜਾਂਚ ਅੱ.ਤ.ਵਾ.ਦੀ ਕਾਰਵਾਈ ਵਜੋਂ ਕਰ ਰਹੀ ਹੈ।
Read More: ਪਾਕਿਸਤਾਨ ਵੱਲੋਂ ਅਫਗਾਨਿਸਤਾਨ ‘ਚ ਏਅਰ ਸਟ੍ਰਾਈਕ, 10 ਅਫਗਾਨੀ ਨਾਗਰਿਕਾਂ ਦੀ ਮੌ.ਤ
